Singh, Manipur Pradesh Congress Committee lamkai Gaikhangam, Congress MLA holeh party natonghon election na ahat naochu Gansemni chun Congress Bhavan, Imphal munnah alommun ahi. Manipur Pradesh Congress Committee (MPCC) chun Congress candidate ho phase ni - Lhaphul nisim 26 leh Lhadou nisim 2 a election kaidoh hochu pachatna aneijun ahi. Congress party hin seat 144 lah a seat 106 hi amu uvin ahi. O. Ibobi Singh in akikhomho komma chun kiloikhomna themkhatnin anajahda jongleh District Council election ana kibolna a hin koima kiloi khomna ahilouleh koima tribe douna a kibol ahipoi. ìPhat sottahpi thinglhang miho rights suhnemmaaumtahjeh a hi election chu anakibolla ahi. Mi- jouse kibang chetna rights pehdinghi sorkar mopohna lenpen ahi', chuleh Manipur khantouna dinghin thinglhang leh phaicham anigella akhan tou ding angaije. Thinglhang seh-seh ahiloulehphaicham seh-seh khangtouleh Manipur akhang touve kitithei ponte, tin aseije. District Council election na kaidoh jouse hin tunileh Khuman Lampak Stadiumía amaho deputy commissioner cheh in kitepna aneisah diu ahi.
Compartmental Exam hoa dinga admit card muthei
Imphal, Lhadou 25 : Official thuphon dungjuiya board centre noiya um school headmaster/principal leh private centre a officers-in-in-charge hon school cheh uva H.S.L.C (Compartmental) Examiniation,2010 a pan laho adinga Admit Card ahung lhung ding Lhamul (July) nisim 1 a pat lah doh theipan u ahitai tin hetsahna thulhut chun asei in ahi.
AR hon Thang-ta festival mankhompi
Imphal, Lhadou. 25: Lha 2 sung chelha Thang-Ta (Manipuri Martial Arts) Training cum Festival chu HQ IGAR(South) noiya 15 Assam Rifles 9 Sector hon Paona Memorial Arts & Rural Development Services (PMARDS), Wangkhem Bn HQ, Thoubal munchun ana mangkhom uvin ahi.
Hiche kin ahin Brig Gajendra Prasad, VSM, Cdr 9 Sector, Padma Shri G GourkishoreSharma, Director of Huiyen Lalong, Manipur le Col Sanjoy Ghosh, Commandant 15 Assam Rifles ajaouvin ahi
Thaopo gari 73 aumna kihelou
Imphal, Lhadou 25: Naharolgi Thoudang newspapería Lhadou nisim 25 nia state police depart-ment hon IOC Imphal noija natong thaopo gari amang 73 ho amudoh joupouve tia hung kiso donbutna chun state DGP, Y. Joykumar chun commissioner (CAF & PD) leh anatongho koiman jihtho hihen, kamcheng hijongleh thaopo gari manthu hi police kom alhut pouve tin hilchetna apen ahi. DGP pahin thaopo gari 73 manthu hi Lhadou nisim 23 nia office a IOC official holeh contractor hotoh kakimuto niuchun eiseipeh uve. Police department chun IOC a thuneiho kom machun thaopo gari ho a kibuto GPS devices chu mangchao vinlang thaopo gariho umnachu holdoh un akitipeh e tin aseije. Ahinlah, IOC a thunei hohin tuchan geijin thaopo gariho registration number leh aumna theidol munho chu eiseipeh hihlai uve. Chuleh, police department hin IOC a thunei hochu thaopo gari IOC toh contract neihochu Lhadou nisim 26 leh police ho kilhonpina noija NH-53 a thaopo dinga achetheina diuvin Chingmeirong depot nah Lhadou nisim 25 nileh report akibolna diuvin aseipeh uve. Thaopo gari IOC komma report kibollou hochu aminnu kikahlha a action khoutah a kilah khumding ahi. Police department hin atheitop sunna mipi dinga na atoh vangin newspaper a hitobang thusoh hung kipehi mipiho dinga lunglhahna theitah ahi, tin DGP pan aseiben ahi.
MBBS/BDS revised list umtading
Imphal, Lhadou 25 : Achesa Lhadou (June) 20 nikhoa kibol Manipur MBBS/BDS Entrance Examination chu Lhadou 23 nia pachan na neiho phondoh ahitoh lhonna hiche revised list chu Medical Directorate akonnaseat ahung um jouteng le merit dungjuiya select list leh waitlist ho category wise a phondohna anei kitding ahi. Chule hiche revised result hi Medi- cal Directorate, Lamphel muna Notice Board a vetthei
hiding ahi.
Legal Committee khat semdoh
Achesa Lhadou nisim 24, 2010 nikho nin Kuki Inpi Manipur lamkaina in Legal Committee khat semdoh ahitoh lhonna Chairman adingin Pu K.C. Guite , Secretary Gl. M.S. Helien Lupho chuleh Treasurer Nl. Lamneichong. Amaho cheng hi kilungtoh tah a lhendohna ahitoh lhonna kuki te adinga thilphachom tah ahin poh doh diu kinep aume tin kin gongtoh hoa konna thulhut kimun chun asei in ahi.
NH-39 lamlen a gari 30 lang lhaita
Imphal, Lhadou 25 (NNN): Naga students hon blockade alahdoh uva kipat thilpo gari 30 lang National Highway 39 hinho pa in Imphal khopi ahung lhung tauve. All Naga Students' Association, Manipur (ANSAM) ho hin blockade chu Lhadou 18 nikho a ana lahdoh u ahi, hinla National Highway 39 a hi transporters body ho kilolna dung juiya Nagaland sorkar leh New Delhi in Manipur gari lhai ho Nagaland gamsungathingnoi hon tax alah lou diu chuleh khanset/engbolna umlou ding ahi tia phondohna anei lou laise a kiche lou ding ahi atiu ahi. Het ding khat chu tua hi Manipur government in National Highway 53, Imphal leh Silchar lampi joh a lunglut na anei joh u ahi tai.
Thilpo gari ho jong NH-53 a lhai pan u ahitai. Manipur sorkar leh thinglhang lah a cheng mipi hon NH-53 joh hi Manipur te a dinga life-line dingin adeisah tauvin ahi.
