Pu.K.Thansang MCS ADC Churachandpur apang in ahi Aman houlim na anei nachun International Day Against Drug Abuse hi Churachandpur District bou a kimang ahi pon, leiset pum pin kimang ahin UNO in Hiche International Day Against Drug Abuse hi gamsung a Kham nathei ne ho suhtang nadia akhoh sah najal uva UNO in hiche kinhi man ding in apha e tia aphon doh utoh kilhon ah kimang ahi atin ahi. Tunia kimang hi a 23 channa ahin chuleh tulai a Khamnathei nehohi Kingaiset jeh ahilou le Lunggenthei jeh leh Innsung set jeh a ne jong aum in, chuban ah itobang ham kham nathei ti he nom a patep japía nedoh jong atam in ahi ati. Churachandpur gamsung a pat Drug hung kondoh ahi pon, I gamsung uva Khamnathei joh a Sumkol veiho NGO holeh Law Enforcement Agency ho pangkhom a kham nathei joh ho matdoh a dandung jui a achung uva gotna peh ding ahi tijong aseiyin ahi. Dr.V.C Pau CMO District Hospital in ahou lim na ah Churachandpur Igam sung uva hin tuhin Khamnathei ne a HIV/AIDS natna nei sang in Hepatitis(C) natna nei Churachandpur District sung ahin mi atam jo tai atin ahi. Hiche International Day Against Drug Abuse kimannading toh kilhon in achesa nisim 22 nikho chun Painting Competition simlai hon ana nei uvin tunin Prize hop doh na anei jun. Hiche a Prize sang ho, Category-(A) 1st. Jordan Thanlianlal Cl-X Sielmat Christian Hr/sec school, 2nd. Jacob M. Lianchungnung Cl-XII Rayburn Collage, 3rd, Joseph Lalthlamuong Cl-XII Sielmat Hr/sec School, 4th. Ginsangkhum Cl-XI J.N.V Tuinom, 5th. G.Thangkhenpau Cl-X Ebenezer Academy ahiuve. Category-(B) 1st. Jamkhongam Cl-VIII Seikholal Ideal h/s, 2nd. G. Pauliansang Cl-VII Ebenezer Academy, 3rd. Zouthieng Cl-VIII Donbosco H/s, 4th T. Kenedy Sielmat Christian hr/sec school, 5th. Pricilla Moineihkim Cl-VII Young Learners School ho ahiuve.
DDK in kikhelna um hetsah
Imphal, Lhadou. 26: Doordarshan Kendra Imphal a News Producer Pu. S. Chongloi a konna hetsah kimu dungjuiyin Lhadou 27 nikho tengle nidan 5:30pm ñ 8:30pm changei Golden Odyssey-2 kiti Western Music Concert chu National Channel le DD-13 a Live Telecast umding ahi tin hetsahna ahin neiyin ahi. Hicheto kilhonchun nidan 5:00pm tengle Manipuri News Bulletin kilha ding chule 5:15pm tengle North East News umding ahi tinjong hetsahna chun aseiye.
