America mipi akeh lang lhing deh chet in kum 2050 teng Jesu Christa hung dingin atahsanuvin ahi. Poll(survey) nukhah pen hin Pathen hou leh tahsanna lama United States hi alhadai poi ti atahlang e. Survey result dungjuiin, America-a mipi percent 41 in ahunglhung ding kum 40 tengleh Jesu Christa hung kile kit ta dingin atahsan nau
aphonguvin ahi.

Pew Research Center for the People leh Press and Smithsonian Magazine in survey abolkhom dungjuiin, donbutna hin peho lah-a percent 41 in kum 2050 tengleh Jesu hung kit ding atahsanun, alangkhata percent 46 in hung lou maithei ahilouleh hung lou hel ding tin donbutna ape kituve. Survey in atahlang dungjuiin, protestant houbunga mikang (white) percent 58 in Jesu hung ding atahsanun,ahin Catholic houbunga percent 32 ahi kit e. Donbutho hin peho (respondents) lah a hi college degree neiho sanga college themjilna nei louho hi ale thuma tamjo di-uva tahsan ahi. America hi hou kisuhgen theina (religious persecu- tion) umlai-a gam chom choma kona hung jamdoh hon asemdoh gam ahin, tun kum 250 nung hin America hi houbung chom chom hung kisepdohna gam hia sei ahi. Hiche survey lahna ding hin Pew Research Centre in pilhing 1,546 (kum 21-26 kikah mi) ho thu dohna neiin, kum 2050 a thil hung lhung ding phabep atahsanho chu research centre hin adohu ahi.

Respondent-ho lah-a atamjon 2050 tengleh US chunga nuclear gal (nuclear terrorism) hung kibol khum ding ahilouleh leiset gal len (world war) um ding atahsannau aphong kituve. Survey in amudoh danin, mi percent 71 in 2050 teng cancer natna kisudam thei tante ti atahsanun, adang percent 66 in keng kisemthu ho (artificial limbs) mihem keng sanga lamjoh nom chom ding hung kisemdoh ding atahsanun, langkhata percent 53 ho chun vanthamjo la milhamho jong leng/khol-jin thei tauvin te ti atahsan kituvin ahi. Research result-ho lah-a akidang pen chu, mi phachompi in ngam pela Jesu hung kitna ding ahiloulehSecond Coming hung lhung ding asei masatu chu ahi. Hiche result chungchanga Pathen um tahsanlouho kiloikhoma (American Atheists) spokesman, David Silverman chun lekha jilna lam leh hetna lhahsamna jeh-akisei ahi, tin asei e.

Aman hitin asei e : ‘Hiche hin mipiho hi itobang beh seuva hetna neilou leh eihoschool system hin Britain-te kihildan banglouva critical thinking kihillou ahi'. 'Figure (Jesu hung kitna ding tahsan jat) chubang tah-a asan ding ka tahsanpoi. Ajeh chu Pathen tahsan lou beh hon jong ka tahsan e tia amoh sei jeng thei-u ahi’.

‘Kum 2050 teng ahung lhung ding keima geldan in, mihem jat hi nasa tah-a hungkemsuh ding ahitai. Eiho hi hou nampi (religious) sanga brainwashed nampi chu ki hia ahitai’. ‘Eiho gama hou (religion) hin school governor-ho jengjong athunun in, ahin Brit-ian-a chutobang chu ahi kit poi’. Hitin jong aseibe-e: ‘Jesu hung kit ding ti thu hi kum 2000 lang ahin sei-u ahitan, kum 2000 lang ahin seibe kit nalai diu ahi ti ka sei ngam e’.

Britain gama dinmun hi achom kit e. Akidoh teng mipi atamjo Christian hi inakisei un, ahin houbung
membership akem tul tul in ahi. British Social Attitudes Survey report nukhah pen in atahlang dungjuia in, kum 1983 leh 2008 kikah chun Britain gama non-religious-a kisei mi percent 31 apat percent 43 in ana pung /tambe un ahi. Ning kuma survey khat chun, Britain khangthah hop thuma hop nin Pathen atahsan pouve, ti ana tahlangin ahi.

Survey-a donbutna pehon houthu lang sangin insung (family), loi le pai, sum, music chuleh reality TV ho joh athupisah jo-uvin ahi. Chapang 10 lah-a gup in ‘houthu hin adihlou lama mi apui hoi e' tin asei kituvin
ahi.

Survey in amudoh dang phabepho :
‘Percent 71 in kum 2050 teng cancer natna kisudam thei ta ding tahsan. ‘Percent 81 in computer hi mihem banga houlim thei ta ding tahsan. ï Kum 30 noilam-a tahhopercent 68 in 2050 teng leiset gal len (world war) um ding tahsan. ï Percent 53 in milhamho vanthamjola kholjin thei ta ding ti tahsan.

‘Percent 74 in energy hi songmeihol (coal), thaotui (oil) chuleh gas tilouva source dang danga kila ding
ahitai ti tahsan. ‘Ahin percent 72 in 2050 teng leiset pumpin energy lhahsamna len tah ato ding tahsan kitu. ‘Percent 42 in lhoh (brain) scan kibola konin scientist hon ilunggelu ahetthei diu ahitai ti tahsan, ahin percent 55 in tahsanlel. ‘Percent 89 in 2050 teng US president numei kilhengdoh ding tahsan.

‘Percent 63 in lekha sum (paper money) hi mang ta ding/kimang talou ding ti tahsan. ‘Percent 61 in lekha kithotto um talou ding ti tahsan. ‘Percent 41 in kum 40 sungin single world currency hung um ding tahsan. ‘Percent 31 in leiset hi asteroid in ahin taset ding tahsan.