hin akipana aphongin chuleh thinglhang gamma khantou nahi kipolut ding ahi tin aseije. Misemni a Khuman Lampak indoor stadium'a ADC election kaithah ho mi 156 in kihah
selna aneinaova ahoulimna a chun O. Ibobi hin 'thinglhang mite democratic rights leh khantouna dinga tohgon hohi mulou vin kikoibe thei taponte', tinaseije. Hetding khatchu, abonna mi 144 akilhengdoh banna district khatna mini agomma mi 12 hi nomi-nate kibolla ahi. District khatna hi mi 24 kilhenga ahi. O. Ibobi Singh hin phatsottah hi District Council election ana kibollou phat hin khantouna langah thinglhang leh phaichamhia kikhen ahi, sorkar hin agotlheh vangin ADC election hi phat sottah anakibol thei tapon, tuchunga vang- hi gihna leh boina ijat aum vangin lolhingtah in akibol dohtan, tua patnahi khantouna lang natoh hi kipanding ahitai atin ahi. ADC election hi state sorkar in koitobang tribe ahilouleh kiloi khomna douna a aboldanna igellou diu aphai. Thinglhang gam'a khantouna polut dinga kibol ahi, tin aseije. Manipur (Hiil Areas) District Council (3rd Amendment) Act, 2008 noija ADC election kibolhi Naga frontal organizations hon tribal te rights alamange atijeh uva ana doudallu ahi. Anoplounao vetsahnan ANSAM hohin Lhadou nisim 18 geichun National Highway teni hin ni 68 jenhi blockade abollun ahi. Misemni a ADC election kaidoh hon kihahselna aneinao vachun tribal tampi jatpon kisillin ahung pangun ahi. ìHingmin Nasi Eikhoi' kiti lahi Meilhei, Naga leh Kuki lasathemhon Manipur sunga paoget jennin asaove. Deputy commissioner gup hohin ama district cheh a kaidoh hochu kihahsel na aneisah un ahi. Kikhop kikhen hin an nehkhomna jong aumme.
Muntinna AR hon International day against drug abuse kinit
Imaphal, Lhadou 26 : HQ IGAR (S) noiya um 9 Sector, 28 Assam Rifles in Maidanpok muna International day against drug abuse and illicit trafficking nikho ahitoh lhonna School chapangho leh avella um khosungmi ho toh lecture leh awareness campaign kin anamang chauvin ahi. Hiche kin kiman na lecture achun school chanpang leh khovel mite agoma mi 150 vellin pan anala khom uve tin thulhut akimui. 15 Assam Rifles in jong Thoubal a Lhadou nisim 26, 2010 nikho in Chaoyaima Higher Secondary School Youth Club, Thoubal muna International day against drug abuse and illicit trafficking seminar abol nauva jong mi 75 in thanom tah in pan ala kit uvin ahi. 39 Assam Rifles injong Jawaharlal Nehru hospital muna aman utoh lhon in Blood donation campaign abol uvin hichea jong chun Unit a milun phabep leh sepai honjong pan ala kit uvin ahi. Hiti chun International Drugs Abuse and Illicit Trafficking nikho ahitoh lhona muntinna anakiman bangin HQ 10 Sector noiya um 23 Assam Rifles in HQ Battalionmuna workshop thensona in Mrs. Mamta Singh, President ARWWA, aneijin chule hiche kin ajong chun school chapang ahin khovella um milham chule sepai ho insung mite panna in mi 430 anakikhom doh uve tinjong thulhut kimu chun aseiyin ahi. Chule jong 'ASHABHAWAN' Dimapur Self Help group makaina in AR battalion in drug addict holeh judon ho aphatthei leh society sunga kikhelna aum theije ti vetsahna in drama le skits hojong anatho uve tin thulhut chun aseiben ahi.
AMWJU spokesperson pa gihna kipe
Imphal, Lhadou 26: All Manipur Working Journalist Union (AMWJU) spokesperson leh Sana-
leibak Editor A. Mobi hi galguh bolhon gihna aneijeh un Manipur a newspaper office jouse
Misemni a patchun phat teplouvin na tohlouding atiuve. Lanheiba group hohin M. Mobi hi thading atiu ahi. Gah hetthei khatchu, haptani masangchun KCP hohin press release anabollun, KCP group dangkhat chun news soho komma Lanheiba hohi imacha nasopeh theiloudiu ahi atiuve. KCP group tenihin adoncheh honna news soho athunoija akoigot hon jeh hin AMWJU hin Ladou nisim 14 nichun kihou khomna aneijun, akihou pettah ujongchun galguh bolhon Manipur PressClub a bomb kaselut diu ahi tin gihna ahinnei nalai uve. Akihou khomnao vahin kilol lhahna 5 aneijun ñ KCP group khatnin Sangai Express leh Sanaleibak newspaper gihna aneihi ademmun ahi, AMWJU hin amaho selepha hetna a thusoh asodiu ahin chuleh dih ham dihlouham tichu Editor pa khutna kingamding ahi, AMWJU ho hingih hohin ngaidam akithum tokah uva amaho group chungthu mong monghi news a kisopeh louding ahi. Alang khatnah janhi chun kihetkhelna ana umjeh in AMWJU spokesperson pahi kathadiu ahi tia gihna ahinbollu ahi. News langa kiloikhomna neihohin Misemni a patchun A. Mobi kigihna hi akilahdoh tokah a din toumun kiphin apan taovin ahi.
Thingnoi mi 19 Assam Rifles ho khut a kipe lut
Imphal, Lhadou 26 : Tunin thingnoi kiloikhom 3 akon in mi 19 ana kipedoh uvin ahi. Mi 19 lah a chun United Liberation Army (ULA) a Commander in Chief, Secretary leh Financial Secretary jaona in mi 15, KYKL 3 chuleh UNLF a SS Sgt Major 1 ahiuvin amaho chu DGP, Y Joy Kumar leh Major General CA Krishnan, Inspector General of Assam Rifles (South) khut a HQ IGAR(South) complex, Mantripukhri muna ana kipe doh u ahi. Amaho hin AK Rifle 1 le achang phabep, Sten Carbine 2, 303 rifles 2, pistols 4, revolver, Hand Grenades leh wireless radio sets 3 apedoh uvin ahi. Hiche kin achun Brigadier SK Bhanot, Commander, 26 SectorAssam Rifles leh Commandant, 29 Assam Rifles, 31 Assam Rifles le GRENADIERS 22 jong ahung pang uvin ahi. HQ IGAR(South) noiya Assam Rifles unit jatchom chom ho hapan najal a thingnoi holeh a insung mite in lung mongtah a hinkho aman thei kit diu ahitai tin thulhut chun aseiye. Manipur Police Chief, Y Joy Kumar in ahoulim na a government in akipedoh thingnoi ho din surrender policy dungjuiya maban a
ahinkho u kisem peh ding ahi ati. Major General CA Krishnan, IGAR(South) in aseina a tuchung kipehdohna hi state sunga ana umkha poi ati. Chuleh akipedoh thingnoi ho a din kithopina kipe ding ahi tin jong aseibei.
