metamorphasis thupi tah semdoh ding le bol doh dingin aum in ahi tin Union Minister, Urban Development pa S.Jaipal Reddy in asei in ahi.
Delhi khopi a hi lampi ho hatah a Kisulen be ding, Delhi leh NCR town dunga metro network ho kisu
sao be ding, lampi akitol theikisemding, streetcaping jong kibol ding chuleh, vetnom umtah tah thil jong kikoi ding ahi tin aman aseibe in ahi.Hiche Commonwealth Game ding jeh hin Delhi khopi semhoi naleh semphat na ahin Urban Development Ministry hin Rs 18,000 crore lang asulut tan ahi. Detractor (misuminse le midem a pang ) ho chun hiche game ading hin sum tamtah kana bei hel in akimoh suh mange tin asei un ahi. Langkhat a Reddy chun adonbut na ah, CWG umhih jong leh Delhi khopi semphat a umthou thou ding ahin chuleh, hiche CWG jeh a semphat thei a aum jong hi thilpha ahi tin asei in ahi.
Delhi hi Olympics bolna dia munpha ahi : Sheila
New Delhi, Lhadou 24 : Commonwealth Games um nadia 100-day countdown akipat to lhon in Delhi Chief minister Sheila Dikshit inOlympic Games lahna din Delhi akigo tup tai tin aseiye. Ama in Games countdown hondoh na a ìIlove Delhi : My Delhi My Games’ kiti thucheng jong masot jing peh dingin aseiye. Union Urban development minister Jaipal Reddy leh Indian Olympic Association (IOA) lamkai Suresh Kalmadi henga CM nu in akipana aphongin ahi.
Aman aseibe na a Delhi in infrastructure anei hoi lheh tan Olympics jong lah thei ahitai ati. Hinla ipi Games hileh alolhin nading a mipi te chunga akingam e ati. ‘My Delhi My Games’ tucheng hin nasatah a eitil khoudiu kinep aum e tin Sheila Dikshit in aseiye.
Bangladesh a kichuhna nei thingnoi mi 10 Tripura a kipelut u
Agartala, Lhadou 24 : Bangladesh security forces hon northeast India a galguh bol ho suhmang ding natoh achepi jing utoh lhon in tuni chun Bangladesh gama kichuhna nei thingnoi mi 10 in Indian sepai ho koma akipelut tauvin ahi. Thingnoi mi 10 kipelut ho chu National Liberation Front of Tripura (NLFT) kiloikhom akon ahiuve. Amaho hin Bangladesh a um camp chom choma kon hung jam doh uva India gam ahin kho khel uva Border Security Forces ho leh Assam Rifles ho koma kipelut uva ahi tin police spokesman chun aseiye.
Thudoh anei nauva amaho chun Bangladesh security forces hon a camp ho chu anokhum phat uva kahung jamdoh u ahi tin police leh para-military ho henga asei uve. Tunia kipelut ho pum in Bangladesh a kichuhna nei thingnoi mi 16 ho amanchah u akoi tauve akiti. Tukum sungin NLFT leh All Tripura tiger Force (ATTF) thingnoi mi 60 in Bangladesh ahin dalha un Indian security forces ho henga akipelut tauve akiti.
Achesa 1993 kum pat thingnoi mi 8,000 val akipe lut tauve tin akiseiye. Amaho chu ATTF leh NLFT
akon thinglhang mihon Tripura a gal abol u ahi akiti e. BSF akon thulhut kimu dung juiyin Bangladesh gama thingnoi mi camp 90 val aume akiti e. Sheikh Hasina makaina a Awami League sorkar in Ollha 2008 kuma pat achu thingnoi ho chunga operation ahin bolpat ahi. Bangladesh in ULFA lamkai ho jong aman un India ahin pedoh tauve.
Jaswant Singh in BJP jop kit ta ding
New Delhi, Lhadou 24 : Lok Sabha MP chuleh masanga external affairs minister anahi Jaswant
Singh in tuni leh Bharatya Janata Party (BJP) anung jop kit ding ahitai tin party spokesman in aseiye. Ama lah lutna hi party sunga senior lamkai LK Advani chuleh party president Nitin Gadkari masanga kinei ding ahi tin spokesman Ramnath Kovind in thuso miho koma aseiyin ahi.
Ningkum Lhajing lha a Pakistan founder Muhammad Ali Jinnah chung changa lekhabu asut jeh a BJP akon na ana haisah u ahi. Tua lha 10 nunga Jaswant Singh hi avel a BJP a lahlut kit ding tohgon um ahi. Jaswant Singh hin Lok Sabha a West Bengal state a Darjeeling akon kaidoh ahi. Ama hi BJP sunga jong mi het chuleh thil bol thei tah ahi ban a senior lamkai khat jong ahi e.
Jing teng leh Manmohan Singh Canada kholjin ding
New Delhi, Lhadou 24 : Prime minister Manmohan Singh hi jing teng leh ni 3 cham dinga Canada gam G-20 kikhopna a gapang ding ahi. Hiche kikhopna hin Vannoiya economic kile dohna leh tax funding thu ho seikhom na anei diu ahi. Bank ho kido dohna dia panpi ding kiti hi India in apom lou thil khat chu ahi.
Singh hin high-power Indian palai ho amakai ding nikho 2 sung Toronto muna Lhadou 26-27 a um ding ahi. Hiche kikhopna ahi India in banking transaction levy ho aphat sah lou na thu jong aphon doh tei din ginchat aume. Ajeh chu gam khangtou hon banking regulation ho alhahsuh pet in jong Indian bank hon abol hoi lheh e akiti. Hiche banking levy chung chang hi masang Busan le Seoul muna jong G-20 finance ministers hon anasei sa ahitai. Gam khangtou US, France leh Germany ho hin levy umsah ding aphatsah un akiseiye.
Gujarat sorkar in UN Public Service Award mu
Ahmedabad, Lhadou 24 : United Nations in abol Public Service award hi tukum Gujarat sorkar in innovative programme achepi toh lhon in hiche manlu tah kipaman hi asan sing ahitai. State pumpia kibol Attention on Grievances with Application of Technology (SWAGAT) programme in United Nations Public Service award (UNPSA) amu ding ahitai.
United Nations Department of Economics and Social Affairs in governance and public administration
noiya thil thah podoh ho chu het pehna a hiche kipaman hi asan sah jiu ahi. Tukum in SWAGAT hi Improving Transparency, Accountability and Responsiveness in Public Service Category a ani channa a akoi ahi. Sorkar spokesperson Jaynarayan Vyas in aseina a UNPSA in state a thil kibol ho hetpehna anei hi kipa umtah ahi ati. Chief Minister Narendra Modi inaseina a democracy lolhin nahi mipi awso akon jeh ahin hiche awso ngai jehin vaihom kitup aum doh theie ati.
