(MNF) hon nasatah in ademmun ahi. Congress sorkar hin achesa kumkhatle akeh sunghin mipi nengchetnin chang apejoupoi tin MNF hin themmo achansah in ahi. MNF hon kumsom vai apohsung chun mao apah vangin mipi nehding nengsellin akipen ahi, tin aseije.
Hetding khatchu, nikho phabep masangchun chief minister, Lal Thanhawla chairman hina noija cabinet nin kimutona aneina a chun state sorkar hin chang chohna dinga dangka 4,046 lakhs asuhmangjeh hin Mizoram sumdinmun akilonlouna dinga petrol leh diesel manhi litre khatna Rs. 0.50 paisa a suhkal ding atiu ahi.
Mizoram Agriculture department suhtoh dungjuia jahin Mizoram hin 2006-2007 kumchun chang 29,646 metric tons analan, 2007-08 kumchun 15,688metric tons analan chuleh 2008-09 kumchun 68,917 metric tons analan ahi.
CPI-M kiletsah jeh a Civic election a Left hat lou ahi
Kolkata, Lhadou 23 : All India Forward Block in aseina a Communist party of India-Marxist ho kiletsah jeh a West Bengal Civic election a Left party hat jou lou ahi ati. Hiche thu hi Forward Bloc
general secretary Debabrata Biswas in aseidoh ahi. Aman aseibe na a CPI-M hi party len khat ahibana Left Front alamkai ahin pan mun len tah aeiyin ahi. Hinla election a hatlou hi party dang ho jeh jong ahi ati.
Mipi in sorkar chunga kinepna lentah anei in hinla sorkar in mipi kinepna ahet peh poi tin Biswas in aseiye. Ahung lhung ding 2011 assembly election teng leh vang phatah a natoh kinei ding ahitai ati. Assembly election um nadin kum khat lhingset aum nalaiyin Left Front in elction aum vah ding jong adeisah poi. Ipi bol a kino ngaiding ham tin Biswas in aseiye.
