Imphal, Lhaphul 18: United Committee Manipur(UCM) in agon mipi kijotna tuni nikho Thao ground a nidan 9:30 a kipan ding chu Police hon anabol sah pouvin, ana sukhen uvin ahi. Hiche kisuhkhom naleh kijotna chu UCM makaina a jat le nam phabep ho anapang khom ahiuvin, Nagaho lamkai Th.Muivah inManipur vil ding agon na deilou vetsah na a kigong ahi.
Mipi kikhom ho chun lekhajih tampi adom un, Manipur sorkar, Central sorkarchuleh Naga movement
demna aneiyuvin ahi. Hiche lekha kijih khosam ho chu ahileh, ‘Govt. of India in panmun kicheh louva aumna dalha hen (Remove the double standard policy of GOI)’ ‘Greater Nagalim umthei louding (No greater Nagalim)’ ‘Minipur gamsung kipum khatna suhkeh louding ahi (Territorail integrity of Manipur should remain intact)’ ‘India in Manipur gam ahopkhen leh, Manipur hi India gamkaiya konna potdoh ding ahi (If India divides Manipur boundary, Manipur departs from India)’ ‘Chidambaram in hiche thuso chung a tohkhel aneijeh in sorkar apat in haina pe hen (resign P.Chidambaram on moral ground)’ ‘Manipur ahina hi suhkeh lou ding ahi (don’t break Manipurís Identity)’ chuleh ‘Manipur gamgi hi sukhen hih uvin (Don’t divide Manipur boundary)’ etc. Sapamcha Jadumani, tumasanga UCM lakaipan aseina a chun, ipi atileh, sorkar in Naga Student lamkaihon ‘Economic Blockade î aboluva mipi gentheitah a akoijeh uva dan noiya amatlou uham tin jong thudohna aneijin ahi.
UCM ho kijotna Sorkar in bolsah theilou
