Imphal, Lhaphul. 20: Tuchung Higher Secondary School Leaving Certificate (HSSLC) examination 2010 Council of Higher Secondary Education Manipur in abol chu Science Stream ah Puspanjanli Takkhellambam chu asangpen in ahi. Amanu hi Wangkhei Angom Leikai muna cheng Bhupenkumar Takhellambam le Sunita Devi chanu anina ahin anu Mayai Lambi College muna lecturer ahi. Thuso mihon thudoh anei nauva Puspanjanli chun hitin adonbut e, “Kalo lhinna hi kainkote le Human Resource Academy (HRD) muna jilkung hon eitilkhou najal uva pachanna kanei ahi’ tin aseiye. Chule amanun IAS katha anomin katup ahin ajehchu Society hi kasem nom ahi tin thuso miho adonbut e.
Aman aseibe na ah, Topper kahi eihung sei peh uchun kidang kana salheh e hinla hitobang pachanna
sangtah nei dinga chu kain kote le ka jilkung hon eina tosot u ahi tinjong aseibei. Ningkum a the Council ofHigher Secondary Education, Manipur exam kibolna noiya jongchu a upa Seityam Singh kitipa chun 1st position ma analah ahi.
Ningkum Lhamul 23 chungchang chun themjil namun ho tamtah ana kikhah in nommo kana salheh e hinla lekha sim lunglut nah kanei jehchun kana ha kibol thounan ahi ati. Hitobang lolhinna kaneihi
simlai chapang hina dola katoh ding kaki het a hiche chungchon a chu kainkoten ei thumop jing jal
uva lolhinna kanei ahi. Ima jouse inkote tosotna ijuile lolhinna chun ei panpi ahijeng e ati. Mabana themjil kitet naho a pan kaha lah ding ahin, gamsung Semhoi nadinga MBBS lam pang hitahta Union Public Service Commission chule Manipur Public Service Commission hon thepvetna anei nahoa kaki habol nahlai ding ahi tin thuso miho henga houlim aneiyin ahi.
Tuchung Class XII Science a Topper numei hi
