Lhaphul 10 : Orissa Koraput district a sepai holeh Maoists ho akikaptona achun mi 6 athi in ahi. Police thulhut khat in aseina achun, Narayanpatnathingnoi Podapadar mun lah a anti- Maoist operation a Senior
officials pang ho akon in thulhut akimui.
Masangjep in chun Maoist mi 10 tobang hi kikaptona achun athi etin thulhut akimui. Epi hita jongle Police in aseina achun, athilong u tuchan in akimu naipoi. Chief Minister Navein Patnaik
in Bhubaneswar a thuso miho koma thulhut anina achun, Security Force hotoh akikaptona achun Maoist mi themkhat thiding chuleh themkhat kitongkha dingin police hon atahsan uvin ahi.
Manchah choi hohi hiche munlah a kholchilna neidinga natoh kipe u ahi. Amahohin hilai munlah jouse ahi
combing operation abol u ahi. Kipunkhom team Orissa police, Andhra Pradesh elite Greyhound Force chuleh BSF hohin thinglhang munlah Chu alhun jou uva misem nijan achu kikaptona anei u ahi. Thingnoimi police ho amu phat uvin ahin kap uvin chujouvin police hou alethuh pei uvin ahi.
Kakaptona a pang hi mi ejat ham tihi tuchan in akihedoh naipoi tin police akon thulhut chun aseiye.
Jharkhand a Khunti district achun Security Forces hon Peopleí' Liberation Front of India hinga aginmo hotoh
kikaptona aneijou uvin meithal le achang themkhat amandoh uvin ahi
Security Force hon Orissa Koraput district a Maoist mi 6 that
