Dimapur, Lhaphul 10 (NNN) : Achesa ni phabep sunga imacha seilouva aum nungin NSCN-IM general secretary Thuingaleng Muivah in apenna kho Somdal Ukhrul district vil ding ati jeh a Mao Gate a boina aum hi centre sorkar in agan nathei channa athu hi asei cham dingin temna aneiyin ahi. Achuti lou leh Naga miten adei dan tah a natoh ache lhah pi ding ahi tin gihna jong aneiyin ahi. Chuleh centre sorkar in Naga mite phatna hi nahsa louva akoi a ahi leh Naga ten abol thei chan abol ding ahi tin Th. Muivah in aseiye.
Naga thingnoi lamkai Thuingaleng Muivah in apenna gam avil ding Manipur sorkar in aphal lou chung changa National Socialist Council of Nagaland (NSCN-IM) in tuni chun centre sorkar themmo achan in ahi. Amahon
aseina a Naga mite chun ga Manipur sorkar amangcha e tin centre sorkar chu themmo achan in ahi. Mao Gate a thilsoh akon a mudoh thei khat chu centre sorkar in Manipur sorkar amangcha in Naga mite adoudal sah e tin
NSCN-IM general secretary Thuingaleng Muivah in tunin Viswema (Kohima) kho a thuso miho toh akimuto na a aseiyin ahi. Aman aseibe na a hitobang lunggel-ngaito chun iti Naga ho leh India chu kinai tah a aum sah jing thei ding ham tin alungnop louna aphongin ahi.
Achesa Lhaphul nisim 5 nia Dimapur akon Manipur a apenna kho Somdal vil dinga ahung na ahi NSCN-IM general secretary pa hi Manipur sorkar in aphal lou jeh a Nagaland gam Viswema kho ahi tang den ahitai. NSCN-IM lamkai pun aseina a India sorkar in tua kiboina suhthip nadin chihna leh hansanna aneipoi. Naga miten kile thuh thei ahin hinla ipi aphatna um ding ham tia kikhongai ahi ati.
NSCN-IM general secretary Th. Muivah in thuso miho kimupi
