Amani u-cha chu apet pet in hospital a apui un hinla lam kah-a athi lhon tai akiti-e. Emmanuel leh Sajjad chu lha masa a chu Islam hou taitom na lekha (pamphlets) ana hop doh lhon jeh a police ho in ana mat Islam hou taitom na jeh a Christian mi 2 kikap lih u ahi. Hinla Faisalabad a um senior church official Jame Aftab in aseina a amani chu thildih lout ah a kiman lhon ahi tin aseiye. Alangkhatna Federal Minister for Minority Affairs Shahbax Bhatti in Faisalabad a um local mosques ho themmo achan in ahi. Hiche thilsoh chung change Prime Minister Yousuf Raza Gilani in nasatah in gelkhohna aneiyin hijeh chun Punjab CM Shahbaz Sharif thupeh anei yin chuleh gamsunga hou lhachom ho venbitna anei din aseiye.
North east gamkaiya thu apha dom tai: Army Chief
Shillong, Lhamul 20 : Chief of Army Staff, General UK Singh in aseina a north east gam'a thu apha jep jep in
tupet a angai cha chu vaihom kitup tah aum jing ding chu ahitai ati. Assam hihen Manipur chuleh mun dang dang hijong leh thu apha jep jep tan angaicha pentah chu vaihom kitup tah nei ding ahitai tin Singh in thuso miho kom'a aseiyin ahi. Hiche thuboi na mun ho a counterinsurgency operation a pang army ho venbitna aum nadin aseiyin ahi.
Mi tamtah in adeilou Armed Forces special powers Act (AFSPA) hi lahdoh ding nagel am tia adoh nauva aman mipi vaihomna chu akidei mo ahipoi. Hinla phatah a kichuhna nei chuleh manchah phatah tah choi ho kidoupi na dinga chu hitobang dan hi ngaikhoh ahi ati. Northeast India hi nam 200 val umna ahin galguh bol 50 tobang aum'e. Achesa kum 50 tobang hi chamlhat delna a kiphinna hi um ahitai akiti-e.
Punjab mun’a train toset dinga kon sohcha
Chandigarh, Lhamul 20 : Tuni chun Punjab mun'a train toset dinga kon in asohcha in ahi. Ajeh chu engine leh bogies 4 chu thih kimatna aset chu train tolpa in ahetdoh phat a gangtah a akingah sah ahitai. Hiche pet tah-a chu train chu 100 km per hour a lhai ahi. Koima akitongkha chuleh athi amang aumpoi. Himsagar Express engine leh compartment 4 chu akikhen in, hiche thilso na mun chu Lehragaga station kom Sangrur district ahin Chandigarh akon 150 kms a gamla ahi.
Railway official hon aseina a train tol hon akikhen chu ahetdoh vah jeh a imacha boina umlou ahi atiuve. Amit tah a mu hon aseina a train kimatna chu bomb apokeh jeh a tan ahi atiuve, hinla train officials hon vang manchah phatlou jeh ahi atiuve. Athu hetchen nadin phatah in kholchil ahi jing nalaiyin ahi. Ase lai chu semphat nadin natoh achelha pan tai. Himsagar Express hi Jammu apat Kanyakumari chan lhai ahi. Gam sunga dia train lhaina asaopen khat ahi akiti-e.
Sri Lankan Tamil MP hon Karunanidhi kimupiu
Chennai, Lhamul 20 : Colombo apat hung kalsong Tamil MP hon tuni chun Tamil Nadu Chief Minister M Karunanidhi akumupiu vin seikhomna anei un ahi. India in hiche natoh na ahi pan alah nadin Chief Minister kom a temna kanei uve tin Tamil National Alliance (TNA) a lamkai R Sambandan in Karunanidhi toh akimuto jouvin thuso miho koma aseiyin ahi.
LTTE gal akichai jouvin Sri Lankan sorkar in gal jam ho chen nading natoh achepi hi Sri Lankan Tamil MP hon Karunanidhi kimupiu het thei in amudoh hih-e tin Sambandan in alung kimlouna thu aseiyin ahi. Hiche natoh vesui dinga India in Sri Lanka muna special envoy khat aum sah dinga DMK lamkai pan asei chu ache hon jong pha asa lheh jingun ahi. Sambandan in aseibe na a SriLanka mun'a jat le nam boina hi political solution aum doh lou ding adeisah na thu jong aseiyin ahi. Chuban leh Tamil ho chenna mun'a Sinhala mite acheng ho jong suhtang a aum loi ding adeisah in ahi.
