Imphal,Lhaphul. 12 (NNN) : Tuni chun Independent Naga MLA mi 7 ho haina chu Manipur Legislative
Assembly Speaker in asanpeh tai. Achesa Lhaphul 6 nia Th. Muivah hung kholjin ding jeh a Mao Gate a security force hon thal akap jeh a simlai mi 2 anathi in chuleh Manipur sorkar in NSCN-IM general secretary Th. Muivah apenna kho Somdal, Ukhrul district vil ding aphal lou jeh in Naga MLA ho hin New Delhi apat a ahainau lekha chu fax a Speaker pa ahin thot u ahi. Amaho hin ahainau lekha a Mao Gate
a kitha jong demna aneiyin ahi.
Hinla Speaker in MLA hon abol diu phabep aum nalai jeh a ahainau chu apet tah a asan peh thei lou anahi.
Ajeh chu MLA hon amaho khutjih mong monga soi abol u angai jeh a hitih chan hi ana khongai ahi. Tunin Independent Naga MLA hon atahsa tah uva Assembly Speaker masanga angaicha ho abol phat uva Speaker
pan anasan peh u ahitai. Naga MLA mi 7 haina nei ho chu W. Morung Makunga (Tengnoupal AC), Awangbow
Newmei (Tamei AC), K. Raina (Tadubi AC), Dr. Khashim Ruivah (Chingai AC), M. Thohrii (Mao AC), Wungnaoshang Keishing (Phungyar AC) chuleh Danny Shaiza (Ukhrul district) ahiuve.
Naga MLA mi 7 ho haina Speaker in sanpeh ta
