Imphal, Lhaphul 12 : Tupetna phat tep louva national highway teni a economic blockade kibol na thu a All Tribal Students’ Union, Manipur (ATSUM) in hilchetna ahin neiyin ahi. Amahon aseina a blockade ahin ATSUM in pan akila poi chujeh chun organization ahilou leh Union kon khat in tupet a state sunga blockade kibol na a ATSUM jong pansah tei agot hi adih lou ahi ati.
ATSUM in thuso miho henga thuso hohi kicheh tah a aso nadiuvin hetsahna ahin neiyin ahi. Achuti lou leh tribal students’ body hin pha’nte ati dung juiya thutan na anei ding ahi tin gihna ahin nei uve. Hiche kiboina ahi ATSUMmin amoh phah hah lou diuvin hetsahna ahin nei uve. Achuti lou leh High Court a Public Interest
Litigation (PIL) kibol athil phalou aum leh state in mo apoh ding ahi atiuve. Achesa Lhaphul 6 nia Mao
Gate a imacha hephalou simlai mi 2, N. Chakho Mao leh Loshu Mao dan neilou state force hon melse tah a atha nauva ATSUM in demna sangtah aneiyin ahi. Mithat na pang chuleh tupetna boina semdoh hi state security force ahin amahon cham le lungmonga um thinglhang miho asuh genthei jeh u ahi ati. Hiche jeh a chu Manipur sorkar in thinglhang gama angaiya hinkho man na aum kit loi nadin temna aneiyin ahi. Chuleh tua kiboina hi state sorkar leh central sorkar teni angoh in ahi.
Blockade thu a ATSUM in hilchetna nei
