Imphal,Lhaphul. 12: Manipur sorkar in Vanghomni chun sorkar lhacha jouse 6th Pay peh nadia official
memorandum ana sodoh tan ahi. Hiche memorandum hin sorkar lhacha hodia 6th Pay noiía amudiu, lhalo (pay), pension, Allowances, pension updation, pay band, chuleh adang tampitah ahop ahi.

Hiche memorandum ahin central sorkar in 6th Pay recommendation holah’a anajui  ho atamjopi ajao in ahi. Hinlah, sorkar in 6th Pay nitding agot vangin, arrears apehlou ding ahi tin kichentah in hiche memorandum chun aseiyin ahi.
Sorkar lhachajousen 6th Pay hi Lhatun nisim khat(1),2006 akonna amu diu ahi. Hiche dingin sorkar in Manipur Service (Revised Pay)Rules, 2010 kiti ahin semdohin Lhaphul nisim 05,2010 nia chu official notification No. 1/42008-FD(PIC) noiya ana sodoh ahi tai. Chuleh 6th Pay noia sorkar Lhacha hon Lhatun nisim 1,2010 nia apat alhalouh apeh pandiu ahi tai.

Sorkar lhacha hojong (Grade-D apat Grade-A) Dearness Allowances hi basic pay 35 % a kipan ding ahi . Dearness Allowances hi Manipur sorkar lhacha hon Central sorkar lhacha hotoh thakhat chetna akibahsah diu ahi. House
Rent allowance (HRA) ahileh basic pay a10% hiding ahi. Chuleh Special Com pensatory (Remote Locality) Allowance hi hitia kipe dingahi, “Grade Pay Rs.5400 apat achung lam sang hon Rs. 1500 amu diu chuleh Grade Pay Rs.  5400 apat anoi lamsen lhaseh’a Rs. 1200 amu diu ahi. Pension chuleh adang tamtah jong 6th Pay in chepe ding ahi.

Pension sang ho dingin Dearness Relief hi basic pension/basic family 35% hiding ahi. Hiche hi January 01,2010 apat amu diu ahi. Pension/family/ pensions/disability pension honjong nasatah a phat chom na amu diu ahi. Atam jopi hi, pensioner ho chuleh a pension  loulai ho dia Central Sorkar a toh kibang ah ahi.

Manipur sorkar in 6th Pay thua Notification chuleh order alha hohi hiche ho ahie; Classification of Post vide order No. 19/3/2010-FD(PIC), officie memorandum No. 2/6/2010- FD(PIC), OM No. 3/1/2010- FD(PIC), Manipur Civil Services(Commutation of Pension) Rules, 2010, HRAs and Special Compensatory (Remote Locality) Allowance vide office Memorandum No. 4/1/2010- FD(PIC), Notification No. 6/1/ 2010-FD(PIC), Govt. OM. No. 9/4/2010-FD(PIC),. Vide OM No. 9-3-2010-FD(PIC), OMNo. 9-2-2-2010-FD(PIC).  Hiche memorandum ho jouse hi Lhaphul nisim 05 nia kiso doh ahin, chuleh 6th Pay noiya lhalo hitah tah, ahilou leh pension, family pension, chuleh adang dang hohi January 01,2006 akona hiding ahi. Hinlah sorkar in arrear kiti mong mong khatcha cha pehding hi agot lou ahi.