Shillong/ Guwahati, Lhaphul 17 (NNN): Meghalaya Cabinet in tunin Assam Sorkar komma Gansemni
a Meghalaya-Assam gamgi a Assam police thal lha ho chunga gangtah a gihchah na aneidiu vin kilolna
anei laiyuvin, Alangkhat a Meghalaya NGO tamtah hon tumasang jep a LangpihKhomun( Meghalaya leh Assam gamgichin a um kiboina kho) a Assam Police hon thal alha jehuva boina aso jeh in Meghalaya a um Nepali miho ‘Quit Notice’ apeuvin ahihleh achunguva kichatna leh tijatna adimtan ahi. Hiche thu a hin,
Meghalaya Cabinet in jong Centre sorkar koma hiche thal kilha na thuso hi aphat tep a kholchil ding ‘Independent Inquiry’ semdingin ngehna aneijin ahi. Hetding khat chu ahileh, Khasi holeh Nepali ho kiboina a Assam Police hon thal analha uvin milham 4 (aboncha Khasi mi) ana mol lem un chuleh mi 10 val ana kitongkha in ahi. Assam sorkar leh Meghalaya sorkar hi Langpih khomun kichu a ama ama gamgi melchih na lkha bu chom cheh neiya kiseilhon ahi.
Hiche thuso toh kilhon a kipinna nei NGO khat in aseina a chun, Langpih khomun a Khasi milham 4 kikaplih jeh in, Jaintia Hills a cheng Nepali ho jousen hiche district ni 7 sunga adalhah diuvin thupeh aki neitai ati.Thulhut kimu khat chu ahileh, Jaintia Hills leh Nongstoin (Langpih kho apat KM 50 vel gamlha) mun phabep hoa cheng Nepali ho chunga khut lha na le kibuluna aume ati. Natonga vahleNepali mi
tamtah ho hi Jintia Hills a um songmeihol mun(coalfields) a hoa natong ahiuve.
Hiche milham ho kikaplih demna in, Khasi Students’ Union (KSU), United Democratic Party chuleh Hynniewtrep National Liberation Council hon achom chom in Leisem nia kipat in Bandh bolding
atiuvin ahi. Leisemni leh Meghalaya political party chom chom hon thakhat a Langpih khomun vilna leh athu
amun a khochilna leh vetlhahna aganeidiu ahi.
Meghalaya a cheng Nepali ho Quit Notice kipe
