Amasan kangailutna chibai kahin bol'e!
Nisim 4 nikhoa AMUCO ten Manipur Integrity Day aman Kuki Inpi Manipur President agapan nathu thuso phabep a kasimdoh in phatah a kangaito leh kalung adong lheh'e. Tulai iboinao thing lhang gam phaicham'a lahlut ahigot laitah a Namlamkai a kitung khat in Meilheite abel le le hi aching dom jouse lungdong inte. Manipur Integrity Day, Khongjom Day, Uprising Day etc hoa iga panlah nomten jiuhi ajeh khat um hidi ham lungdon aum-e.
Ahilouleh lamkai a kitung chasun hi Doi a eiki lhimngol ji hitam? Meilheite kin a gapang hon imacha hiloutah in hilai mun'a chun kaga chenai tinao vinte. Hinlah Nidan 1 nidan 2 "Chair" a noptah a aga tou uchu min lekhabu pheng tampi a ajih lut ding ahepha pouve.
Manipur Integrity ipom mong uleh ipidia Zalen Gam/Kukiland isap nahlai diuham? Kuki Inpi jong ipidia um nalai ding ham? Hinlah Kuki State khat neidoh ding itup un hijeh chun miseiman-mibolman man bolpou te, khonung leh ikipal nadiu ahibouve. Kakipah'e
Keima
Lien Chongloi
--------------------------------------------------------------------------------------------------------------------------
Pu Editor,
kabolthei pen kataona ahijinge, Chule kahin seinom chu, ithusuo uhi daily new hichi bousheh ahijeh in homtho aum lheh in hijeh chun newspaper ahingal leh gospel thuho hi kiha sodale tin kagel le, ajeh chu gospel magazine tampi inei taovin news paper hi hichi bouseh hi ahin, hijeh vannoi thusuo hohi kihaso jeh le phading ham tin kagelle.Chukitle employment news hohi local (manipur) sunga ho jong hungkiso thei le mipi deidan ahi.Chule applied boldingdan hojong detail jeh henlang career counselling type hile tulai khangthah ho adingin phachom inte ti kagelle.
The Gosem chung Pathen in phatthei boh hen, nampi khankho ding gelnan hung gingjing tahen,
Lhunsei Kipgen,
Leimakhong
