Sadar Hills, Lhaphul. 18: Kangpokpi khosah a Leibul munna bomb kipo kehsah kigot nachung
chang thua Thadou Students Association (TSA) fact finding Committee report kimu dungjuiyin hiche
tohgon nei goho chu Naga ho ahiuve ti thuchen hetdoh ahitoh lhonna ahung lhungding Lhaphul nisim 21 nikho kikah a mipi masanga kiphon dohna ahin nei diuvin Pu. Minlun Singsit, President TSA in hetsahnahahin neiyin ahi.
Aman sei na ah, ‘Naga tehin Kuki te chunga ipi lung nopmona anei jeh uva Kuki ho khopi munhoa
thil phalou le thildih loutah ahiti boljing uhamí tin aphong doh in ahi. Vetsahnan ningkum chun Dr. Kisan le atoh khompi mi 2 chu Kuki ho kho ah melse tahin athat uvin chuleh tuchung injong Kangpokpi munna deilou umtah ahung bolkit uvin, hitobang ahijeh chun alung nopmo nauhi mipi hetdinga hilchetna anei diuvin jong hetsah nah akineiye tin Pu. Minlun chun aseiyin ahi. Chukitleh tunung tuban tengle koi Organisation hitaleh National Highway teni a thilphalou mipi genthei naho abolkit tahlou diuvin Thadou Students Association in mipiho thalheng in temna akineiye tinjongaseiye. Kuki te chenna gam sunga hitobang thil phalou hohi tunung tengle kihet khelna aumlou nadingin koi community hijongle abol louhel diuvin hetsah najong ahin neiyin
ahi.
Alangkhat ah Kangpokpi Youth Union (KYU) honjong hitobang thilso nachung ah demna chu Pu. Thangminchon Singson, President KYU a konin ahin neiuvin ahi. Aman aseina ah, ëhiche thilgon hi Kangpokpi le avel dunga um mipiho chunga Sepai hon akhutlha sah ding deina kigong ahin hitobang
thil phalou hi avella Kuki hochenna muna abolkit tahlou diuvin thupeh anei uvin ahi. Chuleh akinthei lam penna ahung kiphondoh loi diuvin jong thupeh anei uvin ahi.
TSA in demna sangtah pe
