Houlamkai1inUS sepaiho thatding;aMuslimho tilkhou
Yemeni gama radical hou lamkai Anwar al-Awlaqi in United States army a um muslim hon ningkum phallha a Major Nidal Hassan in atoh khompi agal mi 13 atha banga amahon jong hitobang tohgon aneina diuvin tepna aneiyin ahi. Nidal Hassan in abol chu minthan a ahi hijeh achu US army a um Muslim hon ama nung ajui u angaiye tin Awlaqi in jihadist websites a aphongdoh in ahi. Aman aseibe na a Nidal Hassan chu keima simlai khat ahin athil bokl chu kakipapi lheh jenge ati.

Major Nidal Hassan chu US army a pyschiatrist ahin ningkum phallha achu Fort Hood, Texas muna atoh
khompi US sepai mi 13 anakap lih ahi. US sepai hohi Afghanistan leh Iraq gama galsat dinga aum pet tah uva
anatha ahi. Awlaqi in aseina a hitobang lungtup anei chu kidang tah ahi, aman agam mite venbitna dinga hitobang tohgon hi ananei ahi ati. Nidal Hassan hi Palestinian nam mi jong ahi akiti e. Awlaqi in Washington post a aseina a Nidal Hassan chu phatthei kaboh in, hitobang chonna hi Islam hou in jong aphal ahi ati.


Khonunga kibulu na aum leh venbitna kineiding ahi : S Korea
Seoul, Lhaphul 24 : North Korea torpedo in S Korea warship ana bulu jeh in President lee Myung-Bak
in gam teni kikah a sumkolveina kikham tang ding ahi tin aphongdoh in ahi. Chuleh khonunga hitobang
kibuluna aum kit leh S Korea in venbitna lhingset a kinei ding ahi ati. Lee in aseibena a North Korea tuikong
ho S Korea twi lama che kiphal lou ding chuleh lhakao 26 thilsoh hi United Nations Security Council a kipolut ding ahi ati.

President Lee in television a thu aseina a tua kipat North Korea apatsa kichouna aum leh kimoh um thimlou
ding ahitaiati. SouthKorea gamsung, twipi chung hihen van thamjol hijong leh gam danga kon phalna umlouva
chon aumleh kiven bitna dinga pan kila ding ahi ati.

Alangkhat’a multinational investigation team in Vanghom ni chun North Korean submarine apat torpedo kikapa1,200 tonne a gih Cheonan twikong chu kipo keh sah ahi tin photchenna aumdoh un ahi.

Thingnoimi70 kithat lah a lamkai3pang
Islamabad, Lhaphul 24 : Pakistan security forces hon Orakzai Agency kiti Federally Administered
Tribal Areas (FATA) muna thingnoi mi 70 atha lah a Taliban Commanders mi 3 jong apangin ahi. Thulhut
kimu dung juiyin helicopter gunship leh fighter jets in Dabori, khadizai leh Mamozai mun ho a Taliban
galguh bol ho kiselna abulu nauva thingnoimi tampi anathat un ahi.

Daily Times in aseina a Taliban ho trainning centre mun khat jong asuse uve ati. Hinla Taliban hon a lamkai thi ho chu aphongdoh pouve. Security forces hon mi 70 athi e atichu amun tah a thuso miho lut ding phal ahilou jehin athi jat chu photchetna aumpoi. FATA muna hi Pakistan sepai hon thingnoi miho nodoh agot nauva sepaitampi jong athi tai.

AI toset na a Sharjah a um pasal khat in sopi 7 mansah
Dubai : Air India Express huikongin Mangalore muna toset anato na chunga Sharjaha um Mohammed Farhan in sopi insung mi 7 aman sah tai. Amaho chuchapang leh numei jong apangin, huikong tosetna ahi thi ahiuve. Kum 23 a upa Farhan in aseina a tuhin insung mi khat cha kanei tapoi chuleh amahon huikong khat a atoukhomuhi vangset um tah khat chuahitai ati.

Farhan in aseina a insung miho chu chapang, numei chuleh tehse jong apange ati. Amaho hi kin chom
choma India hung kholjin ahiuve ati. Insung len tah thakhat a chengkhom kahiuvin hinla tun imajouse
akichai tai tin Farhan in thuso miho koma aseiyin ahi. Air India in huikong dang agon vangin seat aum
tapon, huikong dang khat a hunga Mangalore mun lhun tei ding kagot ahi ati.

Tamang kihalna dinga mipi tamtah in kijotna nei
Siliguri, Lhaphul 24 : Mipi Sangval Darjeeling a tunin All India Gorkha League (AIGL) president
Madan Tamang kihal nadinga go hajuh in ju jing jongle thipbeh in kijotna lampia anei uvin ahi.

Hiche kijotna hi Tamang inmun, Rhododendron-del apat jingkah lam nidan 10 am a anei pan u ahi. Atahsa chu amasapen inAIGL party office Darjeeling muna Ladin-La Lampi achun apolut uvin, aban inTamang kigona ding munama akho, Meghma, Darjeelingtown apat km 30gamlha achun Manebhajan akon in apo uvin ahi.

Hiche mipi kijotna achun,jilkung, Simlai chapang lamkai kipunkhom ho leh Democratic Front Workers, anti-
GJM party get kigom khom,CPRM, AIGL, Congress leh BJP hon lamkai pa achaina ajona pehna dingin apang
uvin, ahi. Hiche thilsoh hi Darjeeling hills a ‘The first Martyr For Democracy’ tia kihejing ding chu ahitai.

Aphatseh a kiging jing dia Obama in thupeh nei

President Barack Obama in US military ho henga South Korea toh pan lah khoma aphatseh a kiging jinga aumna diuva thupeh aneiyin ahi tin White House thuphon chun aseiyin ahi. Khonunga North Korea akon kibuluna venbit ahi jing thei nadia hiche thu hi asei ahi. White House spokesman Robert Gibbs in aseina a North Korea in South Korea naval ship ana lhumsah na chunga United States in South Korea panpina anei
ding ahi ati.

Aman aseibe na a North Korea in ngaidam akithum a chuleh khonung teng hitobanga avelbol tah lou din jong
White House in temna aneiye ati. President Lee in North Korea henga apet pet a ngaidam athum a chuleh hitobanga chonneo ho gotna apeh dinga asei chu United States in jong akipome tin Gibbs in aseiye. Obama le Lee lhakit teng Canada a G20 kikhopna aum teng kimuto lhon ding ahi.

NATO sepai 1 that jou $2400 kipe ding ahi : Taliban
Taliban galguh bol honNato sepai khat that aum leh dangka $2400(200,000 Pakistan rupees) kipaman a kipe ding ahi ati. Hiche sum hiKani (Opium) akon taxes kila ho leh gam dngakonna kithopina ho akona kipe ding ahi tin senior Taliban lamkai khat in aseiye. Afghanistan a tukum sungin Taliban hon Nato sepai mi 211 athat tai. Amaho lah a British sepai 41 apangin ahi. Hijeh chun Taliban mithat ho peh ding hi agom’a dangka $500,000 alhingtai. Taliban commanders hon aseina a ningkum sangin tukuma Nato sepai atam thi e atiuve. Galguh bol ho hin “hit and run” tactics amanchah uva Nato sepia patrolling holeh convoys ho abulu jiu ahi.