CCpur 23/1/10 ni nidan 12:30 velin Top 10 lhenna ding kitetna chu mi 11 in ana neiun, round 3 in ana homkhen un amasan ama deilhen cheh asaovin, aninan Kuki Idol lapi anasao vin, achainan ama deicheh ana sakit un ahi. Lasah athem theilheh jeng taovin, Judges ho dingin jong lhenlhah ding dan ahahsa lheh tan, hinlah Judge ho jong ama pannacheh a thepna sangtah nei ahijeh un, adeh a mipi akon lhenlhah ding umthei talou khop hijong leh Judges hon Contestant ho suhkhel neocha cha mipi hettheilou ho ana mandoh jalun Top ten lhendoh theijin ana umin ahi. Nilhah Nidan 7 velin Top 10 Result phonna Kuki Idol 2009-10 2nd Phase Day 4 Night program chu Pu Thangjang Haokip, Chief of Tuinom Khopi CCpur Jingun hina leh Pu Khuplen Lhouvum SDPO – Thanlon leh Pu Lhunkhomang Khongsai SDPO-CCpu Jinja um hina leh Pu Ginkhohen Kipgen Casher UBI-CCpur Jinja um hi nan Mipi Hall sung le polam lentol letleovin Nilhah program loupi tah in ana kimang in ahi. Ahi Jingun a pang Pu Thangjang Haokip in asei na ah “ Mi jouse kipana le thanopna chu la ahin, Committee ho chung pachat umtah ahi’ ati. Jinja uma pang Pu Khuplen Lhouvum in aseina “Inam u khantou na dinga hitobang khangthah te nahin dop uhi pachat umtah ahi” ati. Chuleh Pu Lunkhomang Khongsai in aseina ah “ Keiman sapte lasa minthang ho kana vejingin tunin inam sunguva lasathem kamu nom tamtah jong kamun, chubana ahung khangtou ding khandong tamtah la lama semdoh na ding a Kuki Idol nahin bolu jong pachat umtah ahi ati.
Chuto lhonin Kuki Idol result phon ahin, Top 10 dinga lhendoh ho chu :
Sl. Name Address
14. Hoineng Touthang Janglenphai
18. Haoneo Touthang N. Lambulane
44. Shokhopao Molnom, Cdl Dst.
56. MS Lienna Kuki Mollien, S/Hills
62. Mamang Kipgen Haipi S/Hills
68. Jack Jamkholen Lhungdim D. Phailien, CCpur
83. LR Ruata Khohreng Tripura
93. Lamginlien Chongloi L.Munlui
105. Shei Haokip Khengjang, CCpur
106. Thangtinlen Haokip Leisan
Mr. Hethong Haokip Masemjang Sl.No.26 hi Top ten ana kai joutapon ahi.
Top ten ho Kuki Idol kichuna hi Nisim 25 Sempatni Chomalam Nidan 10:30 leh kipan kit ding ahi tai. Hiche Top ten hohi Nisim 25 leh 27 nikho a hi athepnao jatchom chom a kitetna anei diu, Nisim 27 nilhah teng leh Kuki Idol result phonna toh Kipaman pehdoh na kin loupi tah chu umding ahi tin Kuki Idol Committee thulhut chun aseiye.
