Imphal mun’a thenso ahitai. Hiche lekhabu ahin Pu Chengjapao in British te, Anglo-Kuki War 1917-19 gal laiya hangsan tah’a ana doudan ho akijih in ahi.
Jamir Khan kimat jeh’a mipi’n kiphin nanei
Imphal, Ellha 20: Achesa Ellha nisim 19 nia Jamir Khan (35), s/o Jalaluddin, Sangaiyumphal Part-II mun’a
cheng, kimat nachung ahin Thoubal mun’a mipi hon kiphinna sangtah ana neitauvin ahi.
Hetthei khatchu Jamir hi Thoubal police holeh 33 AR chule 15 AR hon combine team in nilhah nidan 7:30 vel achu 9mm pistol 1 le achang 5 toh ana matdoh’u ahi. Hichung chon’a PULF sung’a finance secretary ahi jong hetdoh anahin, ahinla alangkhat’a mipi’n them mona neilou ahi, tin police akon gachudoh nadin kiphin na aneinau’a chun mi 15 akitongkha lo tauvin ahi.
Hitia Thoubal Police Station sung’a kiphinna anei uchu suhthip nadin police hon teargas le rubber bullet ahin kapkhum uvin mi 15 akitong kha’n hiche holah’a chun mi 4 RIMS analhut uvin ahi. Agei pen’a thulhut kimu
dungjuiyin akitongkha jouse serious behseh a’umtapoi, akiti’n ahi.
Dewlahland mun’a KCP hon bomb seplut
Imphal, Ellha 20 (NNN): Melhetlou hon jat le nam chomchom chenkhom namun Dewlahland achun Ellha nisim 18 jan nidan 7:30 velchun MBC Higher Secondary School maiya Kabo Leikai Nongpok mun achun hand grenade ana seplut uvin ahi. Thulhut kimu dung juiyin Th. Biren kiti Kangpokpi Autonomous District noiya Assistance Inspector of Education a natong Dewlahland mun a cheng pahin achesa Ellha nisim 14 nichun Kangleipak Communist Party (KCP) Malemnganba faction ho akon dangka lakh 5 demand anamu in hijeh ahi meilhei leh thinglhang mi tmapi chenkhomna nalah ahi bomb ana kisep hidin tahsan ahi. Hitichun jan nidan 7:30 velchun gari songpo ho umpet chun auto0rickshaw apat melhet louhon bomb chu ahinsep uvin hiche ahin Biren inn themkhat asusen in ahin koima vang akitongkha aumpon ahi.
Hitobang hohi anung umkit nalou din Dewlahland mun’a cheng jat jousen toumun kiphin anabol uvin ahi.
Thoubal’a National Environment Campaign kibol
Imphal, Ellha 20: Achesa Ellha nisim 19 nikho nichun Thoubal district sung’a Tanjeng Ningthou Flower School mun achun National Environment Awareness Campaign kiti Nehru Yuva Kendra (NYK) Thoubal makaina noi achun ‘Role of Youth in Environment Conservation’ ti thupi mang in lolhing tah in ana kimang in ahi.
Hitobang kin-gon a K. Shyam Singh, IFS, Divisonal Forest Officer in khangthahteho athumop na achun hui phalou CO2 in ichan’a atmosphere asuh khah’a global warming in ichan asuhset hitam tin CO2 mandan lhasuh sahding tilkhouna aneiyin ahi. Hichung chon’a DYC lamkai Y. Lakshman Singh in aseina achun Nehru Yuva Kendra (NYK) in climate khohsah najal’a youth club, Mahila Mandal chule student hon community holah’a pan alahdan sangtah in pachatna ape’n ahi. Chule resource person’a pang L. Suraj Singh in aseina achun loumun hole gancha ho chung’a lou le ai aval’a kiman jeh’a gam le leiset asuhset danho ana tahlang in ahi.
Hiti chun hitobang kingon toh kilhon chun thingna louna chung chang thu’a essay competition anei uvin, ahoipen le pachan na neiho kipaman peh najong ana nei uvin ahi.
Manipur Legislative Assembly Under-Secretary gihna neiho kimandoh ta
Imphal, Ellha 20: Manipur Legislative Assembly Under- Secretary hung gihho mi 3 chu Patsoi Police ho’n
aman doh tai, tin Police akon thuphon kimu chun aseiyin ahi.
Thuphon dungjui chun KCP Khaba faction mi 3 hochun Mayengbam Shyam kum 58, Patsoi Part-IV’a achen namun achun ahung uvin insung mite masang achun thal le bomb avetsah uvin gihna anei uvin ahi. Chomkhat jou apotdoh uchun veng sung’a avah le uve ti ginmo nachun akihol in, ahile matdoh hung hiuahi, tin jong thuphon chun aseiyin ahi. Akimandoh hochu Moirangthem Kenedy kum (27), s/o Borkeshore, Langathel Mayai a cheng, Oinam Naobi kum (24), s/o O. Mani, Uyungpok Mani Leikai a cheng chule Ningthoujam Deben kum (19), s/o Manihar, Moreh a cheng ahiuve.
Amaho akon hin Chinese hand grenade 1, Pulsar bike (MN O4B-6739) 1 chule Yamaha bike MN14-2182) 1 matdoh tha ahi. Hiche toh kilhon chun Patsoi Bazaar a mipi’n toumun kiphinna ana neiyuvin, atou lah’a lamkai L. Tombi in thuso miho masang’a aphondohna achun achesa phatsung chun dangka lakh 50 demand mel hetlou hon Under-Secretary Mayengbam Shyam anabol khum uvin, ahinla michang kibolna hilouvin Department toh kisaiya kibol anahin hijeh achu hitobang hi anung umkit nalou din akigui joppi authority in venbitna apeh tolhon’a galguh bol honjong ipi lung gel’a department chungthu michang chung’a sosetna aneiyu ham, ahin suhchen diuvin temna tolhonin thuphon anei uvin ahi.
Police hon akham vangin, thao black market in akijohthou thouve
Imphal, Ellha 20 (NNN): Union Home Secretary, G K Pillai nili kholjinna ahungtoh kilhonna Consumer Affairs, Food and Public Distribution (CAF & PD) hon angehkhoh jeh a Manipur Police hon thao johson dinga kikoiguh ho ahol vangun petrol leh diesel hi jonchihtah in black market in ajoh nalaijun ahi. Ellha nisim 14 nichun P. Vaiphei, CAF and PD commissioner hin DC holeh SP ho kommah lhakhat valjen blockade jeh a thao ahahsathi phaje sa a black market bolholeh thao selguho talen amatsahna diuvin thupeh aneije.
Hichi thupeh juinan Ellha nisim 16 ni a patchun Manipur Police hon phaitol district sungah mi aginmou hochu akhollun ahileh petrol, diesel leh S K thaohi tamtah alongdoh un ahi. Thao akimatjeh hin black market nin thaoman 10 percent tobangin akalben ahi. Petrol manhi dangka 15 in akalben, litre khatna dang-ka 70 a patnin tuhin dangka 85 ahitai. Hibangchun, diesel manhi dangka 50-55 a patnin tuhin dangka 65-70 aphatai.
Lamlen panga numei thaojoh ho aumloujeh a black market aumtapoi tithei ahipoi. Amahohi akinocheh
vangun insungah guhthimmin thao ajohthou uvin ahi. Thulhut kimudung juijin insunga aguh a thao johohin mi ahetkhah louho akichohsah nompouve ati e. Blockade akilahdoh a pathin LPG anhonna gas khathin dangka 700 a pat dangka 800 amannin, milham hodin chohjou ahitapoi.
Black market a johson dinga thil kikoi guhho aholnaovahin LPG cylinder akiman dohpon, Ellha nisim 18
nia Keishampat, Imphal munna mei akahchun LPG cylinder 22 tobang apohkeh in ahi. NH-39 tanglou hella akimanjing theilou toh NH- 53 gariche nathei ahiloujeh a mipi ichan geija hahsa dingham tihi sorkar hin ahetlou
ahidem?
North East zone Cultural centre Director thah hung tading
Imphal, Ellha 20: North East Zone Cultural Centre (NEZCC) thuphon kimu dungjui chun 1998 kum Batch Indian Postal Service (IPS) Som Kamei chu NEZCC Director thah hiding ahitai, tin phondohna aneiyin ahi.
Thuphon in aseibe na achun NEZCC hi Ministry of Cul-ture, Government of India noiya India Sah solam sung’a gam jouse kipunkhom khat ahina chung’a Director thah panmun hinla ding Kamei in phat masa’a atohna Ministry of Communication & Department of Post sung’a hetna le chihna pum’a ahung machal lheh ding dan jong aphong in ahi.
AMSU mopohna kipe jouta
Imphal, Ellha 20: All Manipur Students’ Union (AMSU) akon thuphon dungjui in Lamsang Branch mopoh nachu Koijam Polenjit le Brahabashimayum Gokulnanda in President leGeneral Secretary panmun aloding chule Thangmeiband Branch sung adingin Yumnam Momole GuruaribamSanaton Sharma in President le General Secretary panmun alolhon ding in phondoh ahitai.
MOBC akon hetsahna
Imphal, Ellha 20 : Ministry of Minority Affairs, government of India kom’a simlai hon hehna (complaint)
lekha anapeh naban uva minority scholarship kipehdoh dan leh kilhen chil nathua avel’a kholchil na aneidiu ngehna ananei utoh lhon’in tua lungkim lou holeh nopmo sah hon jong Minorities and Other Backward Classes Manipur department kom’a ahung lhung ding Ellha nisim 30, 2010 masanga Accounts Officer Shri K. Poukhamlung kom’a ahiding dol’a form ahin thahlut diuvin Director (MOBC) Kh. Dineshchandra Singh akon in hetsahna akimun ahi.
