District Level Literary Competition 2010 um ding
Lamka, Ellha 20 :District Administration Churachandpur leh Zonal Education Office, Churachandpur in ahung lhung ding Ellha (Oct) 22, 2010 nidan 12:30 teng leh District Level Literary Competition 2010, Lamka khopi
sung’a School, Secondary School leh Colleges apat simlai athem chungnungpen ho kipaman pehna ding’a agon uchu Churachandpur Government College Multipurpose hall mun’a um ding ahi. Hiche kin ahi Minister T. Phungzathang chu Jingun a pang ding, PHED Minister TN Haokip, Sumant Singh IAS, Secretary to Hon’ble Chief Minister, Manipur & SPD (SSA/RMSA) leh Pradeep Kumar JHA IAS, Joint Secretary (Finance) SMD, NRHM & PD MACS chu Jinja-um hiding ahi. Hiche a Kin neipa ding chu Vivek Kumar
Dewangan IAS Commissioner (Education/Finance/ Sericulture) hiding ahi tin thulhut akimui.
Neh le joh lou ding’a hetsah
Lamka, Ellha 20: Prevention of Food Adulteration Rules, 1955 dungyuiya Manipur gamsung a Keshari Dal,
Gras Pea, Almorta Ov Khesadi dal hohi mihem leh gancha ho a ding’a Neurological Disease umthei ahijeh in koiman aneh lou ding chuleh joh jong ajoh lou dingin achesa Ellha (Oct) nisim 7 nikho chun kham anahitan ahi.
MZP lamkai thah kilhengdohta
Imphal, Ellha20:MizoZirlai Pawl (MZP) (Mizo Students’ Association) Manipur, 2010-2012 ading’a lamkai thah lhendoh ahitolhonin President dingin Lalawmpuia, Vice President P. Gominlien, Secretary L. Kiamlova Gangte, Asst. Secretary Lalzuithuanga, Treasurer Thangtinthuom chule Finance Lalbiaktluanga chengho lhendoh ahiuvin ahi.
Chuleh Adviser dingin Upa L.S. Gangte, Pu H. VL Sanga, Pu Zuithanga, Pu V. Zathang ahiuve tin Secretary L. Kiamlova Gangte MZP (HQ) Manipur akon thulhut akimui.
Album thah ki thenso ta ding
Imphal , Ellha 20: Ahung lhung ding Ellha nisim 23, 2010 jingkah lam nidan 11:00 leh K. Chingkhong Christian Revival Church Meeting Hall mun’a Thadou-Kuki Gospel Visual Album thah “Ki Ngaito Phan” kiti Miss Thenkim Khongsai in asah chu thensona kin kimangdin ahitolhon’a Jin-gun ding milun S.K Vaiphei, MDC, 13-Kangchup A/C, SHADC, KPI hiding ahi.
Simlai ho Solar lamp kipe
Lamka, Ellha 20: Science & Technology Department in simlai ho khohsah najal leh athep nadiuva deisah najal’a topper a hungho Solar lamp kipe ding anatiu chu simlai atamjo in anamu tauvin ahi. Hiche solar lamp chu Churachandpur district hopsung block 10 lah a simlai mi 10 bouvin amu ding’u ahi.
Police Commemoration Day kimang ding
Lamka, Ellha 20: Churachandpur Police Station in Ellha 21, 2010 jingkah lam nidan 7:30 teng leh SP Churachandpur GB Sharma makaina noiya Police hon Police Commemoration Day aman diu ahin hiche ahi India gamsung pumpi a achesa Lhalam (Sept) 1, 2009 apat Lhajing (Aug) 31, 2010 kikah a Police anathi ho
geldohna anei ding’u ahi.
RJD in meeting’a panglou ho chung’a action lading: Gen Secy
Imphal, Ellha 20: Rashtriya Janata Dal (RJD) General Secretary akon thuphon kimu dungjuiyin party kihouna, gelkhomna meeting a hung panglou MLA ho – Md. Helaluddin Khan, Ngursanglur Sinate chule Thangkholun Haokip, amaho chung’a kivaipohna toh kitoh’a action kilading ahi, tin thulhut akimun ahi.
Inspection team hon kho 16 velha ding
Lamka, Ellha 20 : Deputy Commissioner, Churachandpur in Churachandpurdistrictsung’a Town area sung- Lamka, TuibuonglehSaikotTD. Block sung ho ah “Month Long Cleanliness Awareness Campaign cum Competition Programme 2010” a ding’a anapangkho60hochuofficial teamhonvetchilna(inspection) a3veinadinginEllha(Oct) 22, 2010 jingkal nidan lam 7:00 teng leh kho 16 vetlhahna aneikit diuahi.
Hichenikholeh aphah nadiu mun hochu Saikot Village, Muolbem Village, Thenmuol, Khuongnung, Tuibul Village, HmunthaTampak, Hiangtam Lamka, ZomiColony, Sielmat Village, Bijang Village, B. Vengnuom Village, Kamdou Veng, N. Molhoi Village, S. Haijang Village, Ramthar VillagelehK. Salbung Village kho hohi hiding ahi.
