Jonathan Haselden hin kouna ahilouleh temna aneina-a hi 10 leh 15 ti tobang numeiyin donbut na ahin neijong leh apha khop setíe tia anagel ahi.Ahin agin chat louhelíin khangthah numei 10,000 val lang'in hiche music video a apan nomnau ahilouleh thanom na aneiyu ahinsei uvin ahi.Hijeh chun amahi tuhin bolding helouvin aboi chengtan ahi ti thulhut khat chun aseiyin ahi.
Haselden,kum 28 a tah pahin hiche la hi ast'a a bedroom'a recorded abol ahi.Chuleh Facebook group khat ahon'a hiche la music video a akitho pi ding numei anahol ahi. Amahi achen na gam sung'a um numei ho keo hilouvin gam dang danga um numei hon jong alimíu ahin thot uvin ahi.
Numei akim khat chun panthei tei tei nading'in kalam them'e ti vetsah na in alampet'u video pictures ho ahin thot uvin ahi. Bachelor Jonathan hin audition abol na-a chun a fans hohi atamjo ala doh in numei 118 bou alheng doh in ahi.Chuleh amaho chengse hi final video akap pet chun abon uvin apang'un ahi.
Chuleh numei 10,000 a photo'u hin thot holah-a chun Jonathan in hiche la artwork a pang ding hin 395 a lheng doh in ahi. Hiche holah-a hin New Zealand, Mexico, Canada, Russia, Bulgaria, Cyprus leh South Africa mi apang'in ahi.
Jonathan, Wimbledon, south London mipa hin, first 'unsigned' artist, music chart'a number one spot mukhat hithei nadingíin hatah in lungtup aneiyin ahi. 'Donbut naho kamudan hi kavet leh hatah in katha anom lheh in ahi. 2,500 tobang aphah chun hichan kal val hin adang hung tapon te tin kana gelíin ahi.Ahin 10,000 lang agei hi kavet leh kidang kasa lheh-e tahsan umlou tah thil khat ahi.Alunglet nauleh apan lah nau hi kavet leh thupi kasai' tin Daily Express thusoh chun Haselden hin aseiye tin thulhut anei uvin ahi.
