Amahi 1965 kum chun Hanship JB School ah Headmaster anapang in hiva konchun Lungthulian JB School,
Thanlon Govt High School leh Henglep Govt. High School ho ah a pension geiyin Headmaster natoh ana
neiye. 1990 kuma Pension ahijou nungin Politics alut paiyin Sixth Schedule demand Committee Manipur ah General Secretary anahin ahi. Thanlon Assembly Constuency ah 1995 a patchun term 3 sung 2007 chan MLA a kaidoh in hilai chun Minister khat ahi naban ah Chairman HAC jong anatuh in ahi. Athi nikho geihin PDA working President leh Chiarman Zomi Council ahi nalaiyin ahi.
Athi nikhon Hill Area Committee team a patsan Pu Thangminlen Kipgen Chairman HAC lamkaiyin DD
Thaisi Minister(TD), TN Haokip Minister(PHED, IPR & Tourism) Marung Makunga MLA, V. Hangkhanlian
MLA leh T. Hangkhanpau MLA hon alongdamsa ahin tom uvin ahi. Chuban in BD Behring Ex. Minister & Ex. MP leh Selkai Hrangchal Ex. Minister hojong ahung lha uvin ahi.
Pictures: Zogam.com
TSA Chandel district in ADC Primary jilkung kilahna chunga lung lhailou
Imphal, Lhalam 13: Dr. Holkhongam Haokip, president TSA Chandel district leh M. Jamkhomang Haokip, Gen. Secretary, TSA Chandel district in ADC Primary jilkung kilahval naleh Die-in-harness a quota akipehlou jeh in Chief Secretary, Manipur sorkar komah mipi ding gelkhohna jalla anoija kipedung juijahi lung agelphatna suhdihna aneina dingin lunglhai louna lekha aseplut lhone.
Chief Executive Officer, ADC Chandel'n sorkar order toh kitoh louva jilkung 72 alhenval hohi kahlhah ding, Waiting list a mi 74 umhohi sorkar dantoh kitoh a hinam kholtoh ding, DPC result hin persons with disabilities (PWD) hohi atohkhah em, kholchen ding, Die-in-harness a dinga amin pelut hohin amaho ding quota chang uva hinam, MGEL noija Roll No. 4 Sl. No. 4 chu Primary Teacher 2009-10 exam abollou vanga iti amin jao theija ham?, Assistant jilkung 7 hi kho umlou leh school umlou ho a posting akipeh a school tampi jilkung kivatna aumhi dihtheija hinam? Chuleh adang tampi hojong ahi.
Bethsaida Prayer Mountian le Hou-inn tin’a Taona neiyu
Lamka, Lhalam. 13: Naga thingnoi mi NSCN(I-M) Tangkhul te Lamkai na noiya Kuki te mona bei nunao
chapang, numei,pasal,tehse ho khenlouva nikhat sung'a mi 104 jen atam thapen nikho Lhalam 13, 1993 kum Kuki ten 'Black Day' kitia akumseh le mipin aum nacheh uva amang jing utoh kilhon in Churachandpur gamsung'a Kuki Namipin Bethsaida Prayer Team ho gon-nan Bethsaida Prayer Mountian mun'a Kuki Black Day 'Sahnit nikho' chu anit uvin ahi.
KIC, KSO Ccpur lamkai holeh Nule pa nungah gollhang le Khotin leh Vengtin a Pathen Hou-inn theng mun'a Galjeh'a thina manna toh insung mi adam nalai ho adia malam hinkho ding gelpehnan taona anei uvin ahi. Chukitleh Kuki chate chung'a thilsoh gimnei avel'a anungso kitlou nading, Melmaho ngaidam jou theina ding injong taonan ageldoh uvin ahi. Hiche nikhoa taona dinga geldoh dang hochu ahileh, Kuki chate lah'a achingthem apunbe jing'a themjil nalam, innchen khosah nalam'a khantou thei nading, tahsa leh lhagao va lunggel thakhatía pan lahkhom thei nading, Kuki Nam sung Pumpiía eima mopoh na cheh leh natoh dungjui cheh'a son umtah le nganse thei cheh hethei nading leh Namlamkai jouse Pathen in chihna apeh'a Govt vaihom Sap le alenho masang'a kilom tah'a Kuki Namsung gentheina ho aphon doh thei nadiu, Kuki Nam Sepai hon anam mite angailut a Chonle khan,mijadan athep uva Lamdih tah'a apoh thei nadiu, Mipi ho lungmong'a hinkho amanthei nadiu leh State le Centre Solkar toh hemkham kihou naho kitup tah'a ache lhah jing nading tiho chu ahi tunia Kuki Nam mipi ten tunin Anngol taona anei uchu.
Chuleh Kuki Black Day Sahnit nikho ahitoh kilhon in inntin ah ana mollemsa ho janan ponvom akhai cheh
uvin ahi.
Barak vadung a khelut
Lamka, Lhalam 13: Tipaimukh Sub Division hopsunga Barak river achun nidan 1:00 velíin Buanthasang (23) s/o Remvel of Taithu chu akhelut in tunichan geiyin atahsa akimudoh naipon ahi.Buanthasang hi lou mun a
gehji ahin zan tengle Barak vadunga ngalen agaseji ahin hiche nilhah a chu ngalen aseleh khelha kha a avel dunga umhon azan hol jeng vanguva amudoh lou u ahitai.
Thangjalet Memorial Football Tourney kipan ding
Imphal, Lhalam 13: PIB (Defence Wing) apat thulhut kingahdan in, Red Shield Division nuai ah 27 Sector Assam Rifles in September 14-22 sung sepaih hangsan Hav. Thangjalet Haokip theihgigena in Lamka Mawltual ah Thangjalet Memorial Football Tournament sai ding hi. Sept. 13,2010 zingkal dak 7:45 in kipan ding a, Cultural shaw jong om ding a, Chief Guest in hongkhe ding hi. Churachandpur mi Thangjalet ahihleh 11 Assam Rifles sepaih hi a, May 13, 2009 a Tamenglong district a helte toh kikaptuahna a helte 4 a kaplup nung a amah leng kaplup a om ahi. A sih nung in a hangsanna pahtawina in Shaury Chakra piak in om a,
amah theihgigena dia tournament leng a tapa T. William Lalgunlen Haokip patsak hiding hi.
COPTAM akon hetsahna
Imaphal, Lhalam 13 : Tuni chan;a COPTAM min'a igam leh i-rights hou venbitna dinga mipi hon pan nahin
lah jing jeh un CIPTAM lamkai hon kipa thu ahin phongun chuto lhon in ahung lhung ding Lhalam (September) nisim 15 pung 12 :00 teng leh H. Kotlenphai Community Hall, Pallel Chandel District a Overlapping Census, District boundary, Land records leh adang dang seikhomna um ding ahin hiche kin ahi Executive/Cabinet/Member ho hung pang cheh din COPTAM lamkai ho akon in hetsahna ahin neiyun ahi.
116 Bn. BSF in manchah mudoh
Lamka, Lhalam. 13: Police a patsa thujah kenei dungjui chun 116 Bn. BSF hon nidan 12:30 velchun Saikot hopsunga operation abol nauvah 9mm pistor 2, Magazine 1 leh 303 Rifle chang 3 gamlah a kisel chu amudoh uvin ahi. Hiche thil kimaidoh hochu nidan 4:00 velchun Lamka Police station ah pehdohna anei uvin ahi. Thal kimudoh hochu koi group hoa ahi akihepon ahi.
Joupi le Nampisha Kho hoa AR in Panla
Imphal, Lhalam 13: Head Quarter IGAR (South) noiya 10 Sector, 12 Assam Rifles chun Lhalam 12 nichun Nampisha khomun'a, 'Education for Girl Childî ti chanu te lekhasim nalampang, thusei-houlim (lecture) na kin ana neiyun ahi. Hiche chanu te lekhasim nalampang'a thusei kinel-tet (debate) jong ananei un ahi. Alangkhat a 26 Sector, 37 Assam Rifles chun 'Zero Garbage Drive' tin Chandel district'a Joupi kho ah, Lhalam 12 nichun, thenna lampang - ikim velah iti thensah'a, tahsa damtheiya umna ding'a kisuh-theng danho chu, unit Medical Officer pu chun khomite vetsahna le hilna anei in ahi. Hiche kinna chun 37 Assam Rifles Commandant pu chu
jin-gun in ana pang in ahi.
MPCDDWA akon hetsah le temna
Imphal, Lhalam 13: Manipur Police Constable (Driver/Despatch) dia tumasang'a lhen'a ana umho chu lha 10 lang aval nung in jong, government akon kouna ahilou leh thu ima jah a aumtah lou jeh chun candidate ho in-chen khosah ahahsa lheh taove.
Government in donlou le dailouía akoiyu chungchang thu kihouna adin MPC (Driver/Despatch) candidate jouse ahilou le a-insungmi thonlou'a, ahunglhung ding Lhalam 16, nidan 8:00 leh MDU Hall, Yaiskul mun'a hung lha tei diuvin tem nahiuve tin Th. Sanjit Singh, Secretary MPCDDRWA in thuphon le hetsahna ahin neiyin ahi.
NH-39 phatecha semna dia TSA in ngehna nei
Imphal, Lhalam 13 : National Highway-39 Pallel apat Moreh chan lampi kisem chu Thadou Students' Association, Chandel District in vetlhahna aneiyun hinla thil kisem dan chu phatecha akisem lou jeh in TSA in demna aneiyin ahi. Hiche jeh chun contractor hon lampi semna ahi Mini Hot mix plant amanchah diuvin jong ngehna anei un ahi. Chuto lhon'a Chandel PWD Division aExecutive Engineer, Assistant Engineer, Section Officer chuleh mopohna nei contractor hon apet petna thil kisem ho avetsui diuivn temna ahin nei un ahi. Hiche thil ngehna hi donse louna aum'a chuleh lha khat sunga natohna aum louva ahileh TSA, Chandel District in kiphinna chom chom kinei ding aphalou aumleh sorkar in mo apoh ding ahi tin gihna ahin nei un ahi.
