Adang chu Memorandum of Understanding between Federaton of India Chambers of Commerce and Industry (FICCI) and Indian Chamber of Commerce in Laos chuleh memorandum of understanding between Associated Chambers of Commerce and Industry of India (ASSOCHAM) and Indian Chamber of Commerce in Laos ahiye.
Hiche masang chun President Patil in National Assembly of Lao PDR president Thonsing Thammavong chu Lao Plaza Hotel a minute 30 ana kimupi in ahi. Patil in business kikhopna a houlimna anei jouvin Presidential palace achen vai lhahna aganeiyin chu in Cambodia khopi Phnom Penh ajontai.
Army ho bulu dia kigo Australian Muslim mi 5 them’o kichan
Sydney, Lhalma 13 : Australian Islamist thingnoi mi 5 hon automatic man chah kichoiya sepai tampi tha ding tohgon anei uve ti jeh in amaho chu mat in aum un ahi. Amaho hin Sydney army barrack a sepai ho chu tha ding atiu ahi tin Melbourne Court chun aseiyin ahi. Amaho chu Saney Aweys (27), Yacqub khayre (23), Abdirahman Ahmed (26), Wissam Fattal (34)chuleh Nayef El Sayed(26) ahiuve. Hinla amaho hin hitobang bol na ding tohgon imacha kanei pouve atiuve. Amaho hi Somalia ahilou leh Lebanon akon Australia gam'a hung cheng uva ahin sepai ho buluna dingin muslim lamkai khat kom'a phat theina akithum uve tin police in aseiye.
Amaho lah a mi khat chu Africa a ache in fatwa thum in ache peh in ahi. Tukum a amaho chung thu kiseina
a court in amaho chu Somalia a um galguh bol alShabaab ho toh akikhut jop uve ati. Hiche nikho chun Fattal in Nanghon Iraq a milham ho that dingin sepai nasol un, galguh bol ahi nei tiuvin hinla kema tuchan in koima kathat kha hih laiye tin apeng jah in ahi. Amapa hin Court jabolna umlouva thu asei chu adih poi court in aseiye.
Thailand in vietnam activists ho agam’a lut ding phal lou
Bangkok, Lhalam 13 : Bangkok Press Conference a houlim dinga um vietnam human rights activist mi 2 chu Thailand in agam alut lhon ding aphal poi tin journalists' organisation khat in aseiye. Hiti jeh chun Vietnam committee on Human Rights (VCHR) in Foreign Correspondents' club of Thailand (FCCT) kin gon chu avohai tauvin ahi. Rights activist teni hn Vietnam a Communist vaihomna a human rights kija lou na thu asei kigot lhon ahi. FCCT in aseina a Thailand Foreign Ministry in hitobang kikhopna chu abol lou ding in hetsahna
ananeiyin ahi. Ajeh chu akinaipi gam ho dinga thil pha lou um khante ati. Hiche chung thu a Thai leh Vietnamese vaipo ho akon imacha thu apet in akija doh poi. Association of Southeast Asian Nations (ASEAN) a Vietnam in president mopohna anei sungin jong human rights dihlou tah in apal keh jinge tia activists teni hin photchetna apeh kigot lhon ahi. Thulhut kimu dung juiya civil, political, social leh economic rights ho chu Vietnam in ajabol poi akiti e. Tupet in hitobang dan toh kitoh lou in Vietnam songkul ho a mi alhom pen in 258 aum uve ati. Independent judiciary aum lou jeh in one-party system a economic liberalisation aum jeh in nehguh adim set in aum'e ati.
S Korea in warship tosetna report phongdoh ta
Seoul, Lhalam 13 : South Korea in achesa Lhakao 26 nia naval warship kibuluna full report chu phondohna aneitai. Masanga patna chu South Korea in warship lhumsah chu North Korea ahi tia phong taha ana seilou vanga ana ngoh jing ahi. Defence ministry in report abol chu page 300 jen a sao ahin Lhaphul lha a international investigators hon North Korean submarine apat torpedo in akapset ahi tia anasei chu avel in aphongdoh kit in ahi. Het ding chu hiche warship kibuluna ahi mi 46 jong anathi ahi. Report akibol phabep akihet nungin South Korea in North Korea toh sumkolveina akham tan in hijeh chun North Korea nasatah in ana lung hangin ahi.
