New Delhi, Lhamul 3 (PTI): Pakistan a pansa Lashkar-e-Taiba (LeT) chuleh galguh bol dang hon commonwealth Games teng boina asem kigo uve tin US think-tank in aseiye. Tactical Intelligence Vice-president Stratfor Scott Stewart in thudoh donbutna aneina
henge ahung lhung ding Ellha a um ding kichep- golseh ahi galguh bol ho akon gihna aume ati. Stewart in aseibe na a Bulte 13,2010 a Pune mun bomb apokeh ni 2 jouvin Al-Qaeda galguh bol a pang Ilyas Kashmiri in Field Hockey World Cup, Indian Premier League cricket chuleh Commonwealth Games ho gihna aneiye tin thuso miho koma aseiye. Tukum Bulte 13 ni a Kashmiri in Asia Times online a aseina a Indian army hon Kashmir ada lhah tokah a India mun chom chom a boina kisem jing ding ahi anati e.

Andhra Pradesh a Maoist luboh khat kikap lih
Hyderabad, Lhamul: Tuni chun Andhra Pradesh police ho toh kikapto na a Maoist lamkai chuleh spokesperson Cherukuti Rajkumar alias Azad chu athi tai tin police thulhut chun aseiyin ahi. Amapa thi jeh a Maoist ho natoh ichan ham khat a lhasam chon ding ahitai akiti e. Kikaptona hi Hyderabad akon 300km a gamla Adilabad district sunga Jogapur kom ahi. Hiche kikaptona achun Maoist khat jong athi in hinla koi ahi hetchen ahi hih laiye.

Kikapton mun a chun AK-47 khat, 9mm pistol khat chuleh sakhao 2 jong amudoh un ahi. Azad hin aluchanga dangka 12 lakh apoh ahin communist party of India-Maoist (CPI-Maoist) a Central committee a member khat in jong apangin ahi. Ama hi Krishna district akon ahin achesa kum 40 val Maoist movement a na ahin toh pan ahitai. Azad kitha jeh in Andhra Pradesh, Orissa, Chaattisgarh, Madhya Pradesh, Jharkhand chuleh West Bengal mun ho a security agencies hon kivenna sangtah anei diuvin thupeh aum tai. Maoists hon Central Reserve Police Force (CRPF) ho Chhattisgarh a mi 27 atha u ni 2 jouva Azad hi kikap lih ahi.

PM in IGI Terminal 3 na hondohna nei
New Delhi, Lhamul 3 : Prime Minister Manmohan Singh chuleh National Advisory Council (NAC) Chairperson Sonia Gandhi in tuni chun Indira Gandhi International Airport Terminal 3 na chu hondohna anei lhonin ahi. Hiche terminal hi leiset chung alenpen 5 chamna in apangin chuleh kum seh leh passengers mi 34 million 10 million bouvin amanchah ahi. Thulhut kimu dung juiya Prime Minister hin tuni 10.40am vel a chu hondohna anei ahitai. Hinla hiche international services hi ahung lhung ding Lhamul nisim 16 teng leh man pat hidin akiseiye.


Hiche airport hi Bangalore a um GMR Group ho asah doh ahin Airports Authority of India, Fraport of Germany chuleh Malaysian Airport holding ho jong consortium member in apangun ahi. Hiche terminal thah hi
Dubai, Beijing, Singapore, Bangkok chuleh Mexico city ho ban tah ahi. Amun hi khopi sunga khopi um
tobang ahi ajeh chu amun hi 5.4 million sq ft. a len ahin chuleh international leh domestic operations jong um gel ahi. Pung kal khat sunga sakhao 12,800 akhol jou ding counters 168 un chuleh immigration counter 95 um ahi. Parking muna Car 4,300 kinga thei chuleh elevators 63 leh escalators 35 um ahi.