Queen Baton Relay launch bolna ding dangka £440,000 kigong lah achun, OC hon Mohindroo hi London muna OC team cheho achele nadingu, aumna dingu chuleh adang akimanchah nading uvin advanced in dangka £127,930 ana pe uvin ahi. Team chuleh thalheng hohi St. James Court Hotel muna aum uvin ahi.
Thulhut khat in aseina achun, OC hon tuhin amain ahin lena ding uva claim abol sum chu akhih nemsah nom uvin ahi.
'Mr Mohindroo hin Organising Committee ahina akon haina anei hi achesa lha 2-3 lang ahitai. Amain athum hihen lang ahilouleh athum lou hijongle khoh sahna kanei deh poi. Ahivang in tuchan a kahet bang in, keihon hiche chu sanpihna kaneinai hih uvin ahi,' tin OC thuphong pa Lalit Bhanot in aseiye. Avel vel in boldoh gotna neijongle, Mohindroo in vang alunggel ema aseidoh naipoi.
Fabregas in Arsenal a kichep den ding dei, Barca bid lolhing talou
Arsenal captain Cesc Fabregas in La Liga champions Barcelona kinung chep kit na dinga lunggel anei chu ahaisan in, Premier League club a aumdan nom hi gansem ni in ana phongdoh in ahi.
'Amasapen in khunung a kakichep nading gangtah a seidohna kanei lou jeh in Arsenal fans hokoma
ngaidam kathum in, ahivang in tuchan in epi kabol ding ham tihi kahe chen naipoi,' kum 23 a upa Spain midfielder pain Arsenal's website (www.arsenal.com) achun thulhut aneiyin ahi.' Barcelon tobang club a kichem dinga eihung kise hi kamoh da thei pon ahi. Leiset chunga Barcelona a kichem nomlou players hi themcha bou ahi,' tin aseibe kit-e.
'Hiche club hi football kahung kijilna chu ahin, kaloi holeh kain sungmite ho umna ka home town chu ahin chuleh club kichepna dinga phatseh a kahin geljing khat chu ahi. Professional players khat kahin chuleh Arsenal in eijoh doh nomlou hi hoitah in kahe them in ahi. Fans jouse koma kasei nom khat chu tun kihouna chu akichaitan chuleh malam a Arsenal a hoitah a kichepna neiding tihi kalung gel chu ahitai,' tin Fabregas in aseiye.
Fabregas, Barca youth player pahin, Catalan club in season kichai a 29 millionpound ($46.1 million) panna a pih dinga anasei chu ahiasan in ahi, tin British media akon in thulhut akimui.
Tyson Gay in Usain Bolt 100m a jou
Stockholm, Lhajing 7: World record holder leh Olympic champion Usain Bolt, gansem ni Diampond
League meeting 100m rclash a Americaís Tyson Gay in ajou chu, kumni jou a apatna penna lelna in aneitai. Gay hi Bolt khelna ding in 9.84sec sunga alhei doh in, Bolt, 9.97sec hi anaina in apang in, chuleh Trinidad's Richard Thompson 10.10sec hi athumna in apang in ahi.
'Usain kajo hi kakipah lheh in ahivang in hoitah a kagel leh amahi ajo chan a lhei chu ahipoi,' tin Gay, hiche event thusim a second fastest pain aseiye.
'Amain in ajo channa lheina anei tengle joding tihi malam a kalunggel chu ahi.' Gay in aseina achun, Bolt hi tuchan a dal ding pachu ahi ati.
'Usain in ahithei nading chan(limitation) chu ahe in ahi. Tukum a ama lungtup chu world record hilou in, lelna neilou ding tihi ahi. Amain phat saotah anei nalaiyin ahi,' tin Gay in aseiye.
Bolt in achaina a lelna anei chu Stockholm track mamaa kum 2008 a Jamaican compatriot Asafa Powell in jona anei chung chu ahi. Bolt in aseina achun, kipatna dinga nivei vaigei na chun kathanopna alhahsam sah in ahi ati. 'Kakigong in ahivang in nivei kiding doh chun eilung han sah in ahi. Tyson chu keisang in akigong hoijo in
Phelps in 100m butterfly a 50th channa U.S title lata
Multi-Olympic champion Michael Phelps in 100 metres butterfly chu ajou in, 50th channa United States national swimming title chu vanghom ni in alatan ahi.
Phelps in 50.65 seconds a lhun jouna anei hi tukum adinga leiset chung agangpen ahin chuleh hiche field adinga ginchat umlou tah chu ahin, Tyler McGill 52.20 hi anina in apang in chuleh Tim Phillips 52.41hi athumna in apang in ahi.
'Thengtah in kakipah lheh in ahi,' tin Phelps in race jou in aseiye. 'Tu dinmun ading in ahoilheh in chuleh kei adinga race a ahoipen chu ahi.'
Phelps in aseina achun, vahchan nia 200 metres butterfly leh freestyle ajo a chuleh Tracy Caulkins in
record 49th U.S. title ana semdoh akhel hi kidang tah in agel in ahi.
Phelps, Beijing Olympics a gold medal get (eight) ana mupa hin, misem nia kichai ding 200 metres
individual medley leh 200 metres backstroke championships ahi pan alah ding ahi.
