Nowegian polar institute a director Kim Holmen in aseina a Russia gam'a hui umdan chu achesa ni phabep sung chun apha dom e. Hinla hui nun dan akikhel a ahileh Moscow akon meikhu chu sahlam Arctic mun'a kichon ding ahi ati. Holmen hin Svalbard mun'a hi pollution monitoring station ahondoh ahi. Holmen in Russia sorkar kom'a meikha akon'a radioactive umdoh thei ah tin gihna aneiye. Radioactive isotopes lah-a strontium 90 leh Caesium 137 chuleh PCBs ho jong hung kithe jal thei ahi ati.
LTTE gal kibol kholchilna umdinga Sri Lanka in phatsahna neita
Colombo, Lhajing 11 : LTTE gal akichai ding lam'a Sri Lanka sepai ho Tamil milham ho amoh tha tha uve tia kisei jing chu phatah-a kholchilna aum na dingin Sri Lanka sorkar in Colombo mun'a natoh ache pi pan tai.
Hiche kholchen'a nei ding chun member mi 8 lhendoh in aum in, amaho hin Colombo khopi a ni 5 toukhom na anei diu chuleh gal umna kom vavuniya mun'a ni 2 toukhomna anei diu ahi. Hiche Committede hin 2002 a kinoptona sorkar leh LTTEs hon ananei chu ipi jeh-a losam a chujouva gal khohse tah umdoh ham? ti akhol diu ahi.
President office in aseina a hiche committee hin SriLanka gam sunga avel'a gal aumkit louna dinga ipi bol ngai ham ti jong akhol diu ahi ati. Tunia toukhomna um chu amin'a kibol ahin ani vei chan'a chu ahung lhung ding Lhajing 17 teng umding ahin hiche teng chu leh mipi ho akon'a photchen'a ho jong ngai lhahna umding ahi.
Alangkhat a UN in Committee semdoh ding ati chu Sri Lanka anom poi. UN in aseina a gal kichai kon lha 4 sungin Tamil milham 7,000 val akithat-e ati. Hinla Sri Lanka in milham koima akithat poi hiche jeh a chu UN ahilou leh independent body kholchilna aum ding kiphat sah lou ahi ati.
Morocco in agam sunga Mosque 1,250 khah tading
Rabat, Lhajing 11 : Tu kum Bulte lha a minaret khat ana chim jeh-a mi 41 athi jeh in Moroccan sorkar hitobang tosetna aum kit louna dingin kichat umna mosque 1,256 hoi akha dingin thupeh anei tai. Hiche
thupeh chu Morocco lengpa Mohammed VI in anei ahi. Aman thupeh aneina a agam sung pumpia Mosque jouse phatah kholchilna aum na din thupeh anei ahi. Ajeh chu Meknes mun'a mipi taokhom pet a kum 100 val
minaret achim tobang avel'a aum kit louna dinga thupeh hi ananei ahi.
Meknes hi khopia lui khat ahin UNESCO World Hiritage list a jong pang ahi. Religious affairs ministry in aseina a gam sunga mosque alui 500 val kisu chim'a athah beh-a kisa pha ding ahi tin aseiye. Hiche sung ahi mipi atao ho dinga lambuh kisah peh ding-u ahi. Ministry thuphon in aseibe na a tuchan in gam sunga mosque 48, 000 um lah-a 19,000 tobang hi kholchilna aumtai ati. Mosque 513 sah phat na dinga dangka $ 325 million akikoi doh tai tin aseiye.
Pak Taliban hon twilet jeh-a US kithopina alah lou dia sorkar thupeh nei
Islamabad, Lhajing 11 : Tehreek-e-Taliban Pakistan (TT[) galguh bol hon tuchung Pakistan gam'a twi let jeh-a hahsatna toh ho kithopina US kom'a alah lou diuvin sorkar henga ngehna anei un ahi. Pakistan a twi let chu kum 80 sunga dia akhohse pen ahin mi 1,600 hinkho abeiyin chuleh mihem 15 million tobang atongkha in ahi. UN thulhut dungjuiyin Tolbol 13, 2010 a Haiti lingpikiho, Ellha8,2005 a Kashmira lingpi kiho chuleh Ollha 26, 2004 Asian tsunami ho sangin tuchunga Pakistan twisang let hi agim nei jo e ati. US in Pakistan mite kithopi vannoi gamhon aneina dingin temna aneiyin ahi.
Washington in tuchan in 55 million dollars kithopina aneitai. White House in aseina a US helicopter hon mi 1,000 val hinkho ahuh doh e ati. US in World Food Programme noiya mihem 158,000 ho neh ding jong ape jingin ahi. Hinla Pakistan sorkar in US akon'a kithopina alah lou dingin TTP a spokesman Azam Tariq in aseiye Pakistan sorkar in kithopina angaichat a ahileh dangka 20 million dollars kipe ding ahi tin Tariq in aseiye. Kami teho sorkar in man ponge tia kitepna aneiya ahileh ka lamkai pau hakimullah Mehsud min'a kithopina kanei diu ahi tin Tariq in aseiye.
