ahi. Hiche tohgon hi mipi jouse thaje khom na a sah dohding lungtup ahi.
Ipi ham ?
Gospel for Shalom Nation hi Nampi damna ding, kiledoh nading chamlhat nading a chamna hi athupi a kimang ahi. Hiche chamna hin Namkhat tahsa le lhagao Pathen lungdei'a chamlhat na bulhingset anei thei ding chu agel khoh ahi. Hichun Kukite Pathen lungdei holnam, Pathen lungdei a hinkho mang, Pathen Namlhen theng, APathen u a Pakai hikha Nammite chu anun nom uve atibang a ahina diu ahi. Pathen, Gam, le Nam sepkhen lou, pumkhat ahi na aphondoh a, Hou- Lamkai, Nam Lamkai, Haosa, Upa, Milen, Milal, Ateh, Akhang kikam gopna,Kilungkhat na chamna kulpi asodoh ding kinep na ahi.
Ipijeh a kisading?
Psalm in khopi ngah a Pakai apanlou leh khongah ho panna bei a jan hah khovah ahiuve tia aseibang in achesa kum hon melma ihau un, gentheina sangt ah itoh un, suhmang dingleh thagam dingin ium un, Ikhopiu hoi lai lai lah peh a nodoh ding lunggel umlai tah in Pakai Pathen ikhopiu ngah in apangin, Kelngoi chin in eichingun, eikaihoi jun apangin, phattheina lampi chom chom tamtah eipeuvin apangin ahi.
Zechariah themgao in eiho thanei thahat vang hilou amavang Pakai Lhagao vanga bou hi thei ding ati bang in eiho thanei thahat gal manchah vang a kihuhhing leh Ikhopui hoidoh hilouvin Pakai Pathen banthahat vanga eigal kai sah uva lungmonga eichensah jal uleh khonunga (future) jong Ama (Pathen) panpina imujomjing thei na diuvin Christa galjona Cross (Victory Cross) tundoh ding tohgon kinei ahi. Christa thina Cross in mihem chonsetna asuhbeiya Pathen le mihem kah chamna asodoh banga, hiche Cross hin Kukite leh Pathen kikah a chamna asodoh a Nam sunga lungmon alensah a phattheina Ihingset apeh ding avetsah ahi.
Cross bul Pathen in kataona Kukite hi Cross a akibulphu diu eihetsah in ahi. Hichu Haosa ho, Politician ho, Business ho, Milen, Milal Officer ho, Nam gollhang ho, Pakai lhacha Rev, Pastor hon Jesu Christa thisan
a kachonsetna kisoptheng ahi ti tahsan a Christa a akibulphu diu aseina ahi. Vetsah nan Politician ho hi vaihom leng dinmun a mopohna nei ahijeh uva Cross bul a chu Politician ho thalheng a khat in kinthupi alah ding hitia aseiding ahi, ìKeiho Kuki Politician hon Jesu Christa hi kaleng pau kachung uva vaihompa ahi ti katahsan uveî Hitobanga hi chunga kimin phah khatcheh in Nampi thalhenga Nam dam nadinga abol diu ahi. Hichun avetsah chu Christa mihem chonsetna angaidam banga Inam sung uva Politician ho, Haosa ho, Pakai lhacha ho tohkhel na jouse Christan eingaidam uva Nam Pathen phatthei boh ichan thei nadiu ahi.
Nam thisan Muchi Pathen in Cain koma Vo Cain nasopipa Abel hoiya nakoi hitam? Ven, nasopipa thisan
kakoma ahungkaplut tai. Genesis 4: 10 Pathen thujala kithat ho lhagao in Aw sangtah in asamin, Vo Pakai leiset chunga chenghon keiho thisan asou phulah ding chu itihchen gei nakhongai ding ham? Revelation 6: 10 Pathen mitmule mihem mitmua michonpha ho thisan hi phulah na thisan bou ahin, ahinla Jesu Christa thisan vang chonset sopthengna thisan ahi, atibanga Kukiten kum sotah gal le tol inei un mona eilou nunao chapang chule Pathen a huhhingna neiya thina toh gam le Nam mina ahinkho ana chan a thisan anasoh ho lhagao Pathen kom a kapkapa pengpeng ding ahiti tahsan nalentah inei un ahi.
Hiti ahijeh a chu eiho Christiante ikinepnao Jesu Christa ahi a, Pathen in ahaikhum a lekhabu theng (Bible) itahsan uva ichepiu ahijeh chun Bible lim lentah isem uva Bible chunga Genesis le Revelation a kisei thuchengho isut uva Bible foundation ning sagi feet 5 sanga chu Gam le Nam min a thina toh mihem 1000 val ho mincheh isutdiu, hichu Nam thisan Muchi tia kiminsah ding ahi. Hiche Gam le Nam mina hinkho lem ho jal a Pathen lainatpina ichan uva Pathen in I Nam u akiledoh sahding avetsah ahi.
Kon asah ding?
Pakai Pathen henga taona kaneina a kalunga kilang chu Kukite phatthei channa dinga Kukite lungthim angaijin,
Thale jung angai in, nei le gou angai in ahi. Hiche thaje khom kilungkhatna chun phattheina lhingset apeh ding ahiti kalungthima alangin ahi. Hiche banga chu tuchung Galjona Cross (Victory Cross) isah na diuva hi mijouse pan lahcheh angai in ahi. Khentum umlouva mihao, Mivai thajekhomna le kikam gopna hiding ahi.
Hiche thajekhomna akon a kitungdoh ding Galjona Cross hin Gam le Nam adamsah a semphat ahung hisah ding kinepna ahi. Thuchih in Pan lah khom Galjona ati banga eihon jong lungkitoh tah a mipin pan ilahcheh uva hongphal tah a inei igou itokhom uva ni kho thakhat, nikho thani isekhom teng uleh Galjona Cross itundoh uva Pathen in phattheina le Galjona eipeh diu ahi. Mipi lungthase louhel a pan lahcheh dingin avelvel in Pakai min in ikitem cheh uve. Hiche natohna dinga Pathen-in alungthim a thu aseiya pan lanom hon noiya Address a hi doh chen thei ahi. Kakipah uve
1. Pastor Hemkholun Haoikp 2. DR. KHAIJANG TOUTHANG Director Gospel For Shalom Nation At large Evangelist Gospel For Shalom Nation
Moriah Lhangtheng, Moriah Lhangtheng, Moreh
Moreh Manipur-795131 Manipur-795131 India
India Mobile No. 9862247279/9402262356
Mobile No. 9436317477
