mun hungsei len leh hung khang len anahin ahi. Steve Vai hi akhandon lai chun guitar them tah tah hole legendary artist Jimi Hendrix, Led Zeppelin chuleh Alice Cooper kiti ho ahin mudoh jouva kipat hin guitar langa hatah in lunglut na achombeh in ahin nei ahi. Amahi high school akai laiyin Joe Satriani kom a lesson ala in hiti chun phat chom khat pi guitar anaki jilin ahi. Lunglut naleh thanop na neitah student khat ahi toh kilhon in amahi gang tah in thepna ahin nei doh in ahi.
Kum 18 ahin phah chun Vai hi Berklee School of Music, Boston mun achun anakai in hiche mun a student khat ahi najal chun Vai chun Frank Zappa technical tah a hah guitar tum dan ho chu transcribe anabol ji in ahi.
Chuleh Vai hin hiche transcription copy 'Black Page' kiti ho chu Zappa kom a jong anathot ji in ahi. Zappa chu hiche khangthah guitarist pachunga hin impress ahilheh in hijeh chun akimupi in chuleh, aband a pang dingin anajol in ahi. Hiti chun Vai jong Zappa band a chun apangin amatoh world tour ho anache in, album jong ijat ham khat, 1981 kum chun "Tinsel Town Rebellion" le "You Are What You Is" kiti anasem lhonin, 1892 kum chun "Ship Arriving Too Late" Kiti chu asem lhonin, 1983 kum in "Man from Utopia, chuleh, 1984 kum chun "Them or Us" leh ëThing Fishí kiti album chu anasem lhonin ahi. Vai hi Franki Zappa band a anaki
chep lai hin "Stunt Guitarist" leh "Little Italian Virtuoso" tin mihon anakou jiu vin ahi. Chomkhat jouvin Vai in
Zappa band ahin dalhan aman finance akibol in 1984 kum chun "Flex-Able" leh "Flex-Able leftovers" kiti release anabol in ahi. Hiche album apat hin Vai guitar kichep them leh a lasut theina talent ahung kihe doh in ahi. Ahin hiche album hi Zappa in hatah in influence abol lheh in ahi.
Steve Vai hin Al Alcatrazz kiti band, Rainbow a vocalist lui Graham Bonnette pan na band a chun Yangwie
Malmsteen anakhel in, 1985 kum chun "Disturbing the Peace" kiti album release anabol un ahi. Hiche kum ma
chun aloi phatah bass master Billy Sheehan in singer David Lee Roth solo band a guitar peh a pang dingin ana tem in ahi. Ama jong hiti chun David Lee Roth band achun apang in 1986 kum chun "Eat" Em and Smileí kiti album chu release anabol un chuleh, hiche album hi Year top hard rock release khat jong anahin ahi. Hiche apat hin instrument talent aneilhon jeh in Vai le Sheelan hi hatah in amin lhon ahung che inb leiset chunga mi het tah khat jong ahung hilhonin, Chuleh, guitar magazine ijat hamkhat a jong hiche kumjou apat chun jana tam tah anasang lhon in ahi. Hitia lolhing tah a ahung chesuh peh vang uvin 1988 kum a "Skyscraper" kiti album release anabol jou uchun hiche band hi Sheehan in anada lha in ahi. Hiche album hi pop lang lut thim jong leh hit khat anahin ahi. Chujong leh hiche album a hin Vai in Co-producing credit Roth toh amu khom in ahi. Hiche kum hin Vai in a own line guitar Jem 777 series Ibanez chu ana podoh in ahi.
Hiti a 1988 kum sung Roth toh tour anache jou chun solo album asem nom ahilouleh, abol nomjeh in Roth chu ana dalha in ahi. Hiti a solo album a natoh na dinga anaboi na chung chon ahin chart-topping pop-metallist band Whitesnake kiti ten aband uva pang dingin anatem uvin chuleh, atepna uchu amanjong anasan peh in ahi. Vai hin Whitesnake band te toh album khat bou "Slip of the Tougue" kiti chu ana sem uvin hiche album hi 1098 kum chu hatah in ana chelheh in ahi. Hiche kum jou chun Vai in a third solo album "overall, Passion and warfare" kiti chu release anabol in ahi. Hiche instrumental album hi hit che tah khat jong ahung hin chuleh gold certification jong amu in ahi. Hiche phat lai hin Vai in Ibanez company ah seven-string guitar ana podoh ahilouleh, anasemdoh in ahi. Hiche seven-string guitar hi hiche khang lai a chu ache leh min ajah louvang in late 90s lang ahin ahungche lheh in ahi. Het thei dingin metal band Korn le Limp Bizkit chuleh, adang dang ho chun super-low tuning muthei nadingin ana mang uvin ahi. Phat ong lhem khat anei kah hin, Vai in conventional rock band "Vai" kiti Devin Townsed-vocal, T.M. Steven-base, leh Terry Bozzio-drum toh aphut doh uvin 1993 kum chun album khat "Sex & Religioní kiti chu anapodoh uvin ahi. Ahin critically leh commercially a lolhin na anei loujeh uvin album khat bou asem nung uchun anahai un ahi. Hiti chun Vai hi all-instrumental lang jong ah akipe lut in 1995 kum chun EP khat "Alhin Love Secrets" kiti ana release in hitichun solo album ho release anabol jing ahi. Hiche solo album lah ahin, "Fire Garden" 1996, "Flex-Able leftover" 1998, chuleh, The ultra Zone 1999 hohi apangin ahi.
Late 90s lang chun Vai le Satriani annual co-headlining tour dingin ahung kigom khom lhonin G3 kiti chu ahin boldoh lhonin ahi. Chuleh, 1997 kum chun live album G3, Live in Concert kiti chu release anabol lhon in ahi.
21st century kipat langa hin Vai in instrumental album, "The 7th Song: Enchanting Guitar Melodies Archive, kiti chu 2000 chun and release in, "Alive in an Ultra Worldí kiti chu 2001 in arelease in, "The Secret Jewel Box" kiti jong hiche kum machun arelease in ahi. 2005 kum chun "Real Illusion:Reflection" abol in, 2007 kum chun "Sound Theories, Vols 1-2 anabol in ahi. Kum ijat tobang hamkhat sung hin Vai hin artist dang toh simjou lou album tamtah anasem in ahi. Hiche lah ahin hetthei dingin, Gregg Bissonette, Alice Cooper, Randy Coven, aldi Mesla, Public Image, Joe Jackson, Billy Sheehan, Zappa kiti hohi apang uvin ahi.
