Vannoi leiset'a sangtah a chesang thei ahina ding chun Club lentah khat phudoh angaiye. Tekahnan a club min chu GOLSEH BOLLOI sah thei ahi. Hiche Golseh Bolloi hin adoi le atup chu vannoi leiset'a sangtah a kichem sang dia Kuki chate athem thei ding dom ho,
ama thep theina mun cheh a chesang dia akithem chuh sahna ding ahi. Football a them ho chu football a world cup dung, Olympic dung geiya kichem thei dia gon ding ahi. Hitobang tohgon ahiding jeh a chu noiya hi ache ding dan ahi.
(i) Sum le pai Lam : Hiche Golseh Bolloi chejom theina dia hi chunga
(a) naa sum to ding dan kiseiya kon ham, lam chom dang ham khatía bol ngai ding dan ahi.
(ii) Hitobanga nasa ahiding jeh a chu anatong ding ho jong lhingsetía aum angaiye. Tekah nan noiya tohmun
hohi aum angaiye.
Tohmun Ahina
1. Director/President B.A/M.A/B.Sc./Ph.D.,etc
2. Join Dierctor B.A./B.Sc. etc.
3. Secretary B.A./M.A./B.Sc./M.Sc./Ph.D.
4. Joint Secretary B.A./B.Sc. etc.
5. Finance Promotor B.A./B.Sc. etc.
6. Registrar B.A./B.Sc. etc.
7. External Affairs B.A./B.Sc. etc.
8. Treasurer 10+2, B.A. etc.
9. Peon Class VIII passed
(iii) Member a Kilalut Ding ho Hina.
(1)Football Pilhinga
Football a pang ding (pasal) chun noiya hina ho hi anei tei tei angaiye.
(a) Dum/ja chep lou mi hiding
(b) Judon lou mi hitei ding
(c) Lou (No. 4) nelou, manglou mi hitei ding
(d) Feet 5.5 chunglam mi hitei ding :
Football a pang ding chu alhompen, anempen'a feet 5.5 a pat chunglam mi hitei ding ahi. Hiche hi ngaikhohna ajeh chu achesang theiyule gam dang mito kitet thei dia alendom dom, asang dom dom lah ding tina ahi.
e) Agih dan : Pilhing football a jao ding ho chu alhom penía Kg. 55 chunglam ahicheh u angaiye.
(d) Damtheina lam : Football sangtah a che thei ding kihol ding ahijeh chun akila ding ho chu midam thei cheh
ahiu angaiye. Damtheina Certificate khat anei angaiye. Hiche nading hin Golseh bol loi chun Doctor neihih jongle mikhat chu atum'a akila ding ho veding khat nganse angaiye.
(e) Akumjat : Hiche a dinga chu khangthah kum 15 - 20 sunga miho bou kila masa ding ahi. Chapang Loiya : Chapang football aum angaina chu ahile sangtah a chesang sah ding thilgon ahijeh a chu chapang a kon'a hilpat ngaiya ahi. Hijeh chun chapang club khat jong aum angaiye. Akilading chapang ho hina chu noiya bang hi vetding ahi.
(a)Kum 10 vel mi hiding : Golseh bolloiya pang ding chu kum 10 vel mi hiding ahi. Akum dih hitei ding ahi.
Birth Certificate dih umding.
(b)Anu apa milen chi hiding : Chapang ho chu anu apa gongso milen ahi angaiye. Achate alen ahitheina
dia chu anu apa milen chi ahi angaiye. Anu apa len nam ti vet angaiye.
(c)Anu apa dumchep judon, loune hilou ding : Chapang ho chu itoh ahungbah diu akihe masa poi.
Hijeh a chu tohkhel aumlou domna dia anu apa judonlou, dumchep lou, lou (No. 4) nelou, manglou ho vet
angaiye.
(d)Chapang Damthei mi Hiding : Hiche a kila ding ho chu chapang damthei ahiu angaiye. Hiche hetna
dinga chu Golseh Bolloi in anganse Doctor khat bou chun Medical Certificate apeh thei ding, ama peh bou
kila ding ahi.
banjom nalaiding......
