Hosts Assam in gold medals 2 leh points 25 amu in runner up a apang in aban a Punjab in gold medal 1 leh points 19 amu in athumna in apang in ahi. Manipur's Sarjubala Devi (48 kilogram category) hi hiche event adinga best boxer tia kilheng doh chu ahi.
Devi hin ama category a Mizoram Rebecca chu final a 9-2 in ajou in gold medal chu asang in ahi. Assam Anita Kahar in best loser award chu asang in ahi. Kahar hi 51kg category final a Haryana Sonia in 8-5 a ajo ahi.
Italy’s Rai in kiboina ho so talou ding
Italy's Rai television in referee gellhahna chunga boina ho velvetna chu tactical issues chunga kiniel na akhan jeh in tu season sunga hi aso louding ahitai.
Company hin hitobang kiniel boutamna suh hai ding chu adei in, mithanopsah ding egel le, pundits hon kal kichai kona highlight show a referee kikou ho thudohna aneinao achun kiniel boutamna phatseh in aum jitan ahi.
'Tuahi football kihousang na a enei sang uva hagel ding joh hi egel u angaitan ahi,' tin Rai president Paolo Galimberti in sempat nia thulhut aneina achun aseiyin ahi.
Kisuh khahna goal pannalou kivel vetsah ahiloule kidaldo tiho hi team tactics lamjoh hatah vetchilna hin akhel ding ahitai.
Italian referees' association hiche khelna dinga lunggel anei u hi lemna anei uvin ahivang in hiche members hohin deilamtah a um Italy Sky leh Mediaset show soccer lam a Rai sanga machalna neijo chuleh velvetna chunga kiboina ho suh haina dinga tohgon neilou teni ahi haina bou amu dingu ahitai.
World governing body FIFA in matches sunga referee ho kithopi nading in video evidence chu amang chapon ahi ahivang in tunai cha a thilsoh ho jeh in abelap ding officials ni neibeding le goalline technology athabeh a manchah ding tihi agenda in aumtai.
Kerala in goal 5 akhum in, Assam te Santosh Trophy a potdoh tau
Kolkata, Lhamul 27 :Yuba Bharati Krirangan muna sempat nia last Cluster VII match achun Kerala in
Assam ajou in, vahchan ni tengle pre-quarter final match a Mizoram toh kichem ding ahitai. Mizoram in Railways chu Howrah stadium a ajou in chuleh goal akhum tam joh jeh in Cluster VIII a amachal betai. Teams thum, Mizoram, Railways chuleh Orissa hohin points gup (six points) cheh amu uvin ahi. Orissa hin goal alhom khum jeh in amachal jou tapon ahi.
Ahivang in Mizoram leh Railways hi goal difference +9 a akibang lhon in ahi. Mizoram in goals 12 chuleh Railwaysí 11akhum jou in ahi. Alangkhat a kichepna achun, Uttarakhand in Himachal Pradesh chu 4-0 in ajou in, amaho Santosh Trophy campaign chu asuhtang pih tai. Himachal Pradesh hin points muna ding in goal khatcha ana khum jou tapon ahi.Machalna dinga jona angai chat jeh uvin, Viva Kerala midfielder, Javed OK in 19th minutes achun Kerala in lead abolna dingin goal khat akhum in ahi. Assam central defender Naoba Singh in ball chu pehdoh ding agot vang in apeh joutapon ahi.
Akibah nading uvin minutes thum jou in Assam Akum Ao in corner-kick akon in goal khat ana khum in ahi. Draw hijeng jongle Assam tehi machal dingu ahi.
Ahivang in Ao's in akibahna ding uva goal ahin khum jeh in alung len jah uvin, mi atamjo chu up front a akichem tauvin ahi. Kerala hin a gaol lang uva nokhumna chu mujing ujongle asoh cha tauvin ahi.
Sanjay Boro in gamla tah akon apeh ball chu post akha in ahinla Ao in apeh lut jou tapon ahi. Jaseer Karanath in corner ahin peh Chirag United's new central defender, Justin Stephen in alu a atat lut in, Kerala in 41st minutes a kichepna chu avel in ana lolhum kit tan ahi.
Kerala in 68th minute a kithopina goal khat ana mukit in ahi. Kerala te in 81st minutes a goal khat ana khumbe kit uvin Assam te kinepna chu asuhtang pih tauvin ahi. Saaker in nemtah a ahinpeh corner chu Brijesh Ben in goal sunga ana peh lut in ahi.
Lhajing ading’a kigong Soccer refereeing leh coaching course suh hai hita
England FA (Football Association) second batch, level-1 refereeing leh coaching chu Lhajing 24-30 chan a Abhijit Kadam Football Development Centre (AKFDC) muna umding ahitai. Hiche tohgon hi Bharati Vidyapeeth in AKFDC phutdoh Kickworldwide , UK tetoh kitho khom a agon u ahi. AKFDC in Lolhingtah in FA Level - 1 Coaching leh Refereeing Course first batch chu FA tutors ho vetsuina noiya ana chai taovin ahi. Coaching Batch a student hochu local, district, state chuleh international akon ho kipunkhomna chu ahin, alangkhat a refereeing course achuleh ahile, All India Football Federation (AIFF) hon Goa, Chennai, Kerala, Gujarat, Bangalore, Chattisgarh, Mumbai, Kolhapur, Patna, chuleh Poona District Football Association (PDFA) Pune ho akon alhendoh ho chu ahi. Hiche course chai students hohi FA (England) in hetpihna anei dingu ahi.
Hiche course jaona dinga application form pehlutna ding achaina nikho chu Lhajing nisim 14.2010 ahi. The Director of AKFDC Director, Kuldeep Gaikwad in second batch adinga boltheina nei ho min seiding, Nigel John Quincey, Richard David Cooper, Stephen Charles Rhodes chuleh Steven Lazenby hocheng min phondohna anei in ahi.
Gaikwad in aseina achun, ni 7 intensive course sunga Coaching leh Refereeing syllabus achun practical coaching, delivering a range of set games, adaptations linking the basic technical details, theory elements, introduction to coaching principles chuleh long term player development ho jong apang in ahi. Hiche course a hin, indoor leh outdoor practical chuleh theory sessions, multimedia manchah ding dan ho jong apang in ahi.
FA Level 2 CCF courses a enroll akibol nom tengule hiche hohi application kithopi dinga poimo tah thil hochu ahi, tin aseibe kit e.
International referring course AKFDC a bol aphatchom dan chu ahile, koi hijongle India muna hiche course hi chai jongle England muna referee dinga alhing jounai tia hetpina kinei ding chuleh apat pat a Whistle amut thei jing ding ahi. Coaches koi hijongle international coaching course AKFDC muna chai jouse chu England muna jong kichon thei ding ahin chuleh Level 1 coach adinga pangthei ding chuleh technically fit a kigel ding ahi.
Students koi hijongle hiche course chai hohin, original FA Kit football, coaching manual, T-shirts, kit bag, digital watch, whistle, cards chuleh flags ho amu dingu ahi.
Armstrong leh ateam rider jouse kileusah dingLance Armstrong leh a team RadioShack hon breaching riders' clothing regulations, Tour de France sunga asuhkeh jeh uvin achung uva thudohna kinei ding ahi, tin International Cycling Union (UCI) in sempat ni in thulhut khat aneiyin ahi.
American cyclist pa, Tours kum 1999-2005 sunga kijom a sagi vei lolhinna anei masangin cancer a ana dam'o in chuleh kum 2009 in kichepna a ahung kile kit in ahi. Amahin achaina adinga ride abol ahin, achaina nikho pathen ni in amain red le grey strip a team shirt chu kiah louvin black Livestrong shirt joh chu akiah in ahi.
Kum 38 a upa pahin jersey thah number 28 akiah a ama Livestrong foundation publish bolna dinga aphat lou changa ki ngahna anei a cancer natna nei mi 28 million thalhenga thuseina anei chun race kipatna ding phat chu avaigei sah in, ahinla amain hiche chu achaina changei in akiah deh poi.
'RadioShack's umchan hoilou tah chun final stage kipatna ding phat minutes 20 tobang avaigei sah in, hiche chun race TV a sodohna kinei chu asuboi in, dan dungjui a rider jouse chuleh team managers pa chunga fine kibol ding ahitai.' tin thulhut chun aseiye.
Gatlin in Astonia muna race nia pan lata ding
Rakvere, Estonia muna, Lhajing nisim 3 tengle 100 metres a lhei masat pena kanei ding ahin chuleh abanna ni nga joule Tallinn muna lheina kanei kit ding ahi, tin 2004 Olympic 100m champion Gatlin in aseiye. 'Kahung damdoh tan chuleh kagel sanga majo in ban hi akichai in ahi,' tin Gatlin, lhadou kum 2006 apat lhei kitetna a hung pang talou pain aseiye.
Kum 28 a upa pahin kum- li ban ahina akon lhei theina dinga phalnahi pathen nia chu amu ahitai.
'Mipihon kadin mun hi ahoi nalaiye tia aseina ding uvin hoitah in lhei jouna kanei nom in chuleh dinmun hopitah jong kanei nom kit e,' tin Gatlin, veteran sprint coach Loren Seagrove noia training bolpa hin aseiye.
'World championships leh Olympics kahi banga list a kamin hung pang kit ding ahitai.' tin 2005 world double sprint champion pain aseibe kit e.
