Lamka, Lhadou 14: Tuni nilhah lang nidan 12:30 chun Pu. Jangkhodem Chapa Thangminlen Kum 9 M. Songgel a cheng tule tua Green Wood Academy school ah Class-1 simlai chu aloi mi-2 toh Tuibong a Pu.Thongsei inn lhang a inkhom kitun nadinga kilai Ft 10 a thuh tui kivei na muna aki chep nauva akhelut in ahi.Hiche thilsoh hi KKL hon ahetdoh uchun Tuibong a Zion Clinic mun ah apolut uvin hinlah adamjou tapon ahi.
KKL hon Thangminlen Longdamsa chu achenna M. Songgel mun ah a innsung mite koma apedoh uvin jing nikho tengle alongdamsa hi M. Songgel lhanmol a vui hi ding ahi.
KNO/KLA in hetsahna hinnei
Lamka, Lhadou 14: Kuki Liberation Army (KLA) Government of Zale’n-gam,Tactical Headquater Information & Publicity KNO/KLA Pu. Armstrong Kuki in Mipi ho koma hetsah na ahin nei dungjuiyin Centeral Social Welfare DDO a natong Mrs.Chinthennem @ Nempi W/o Suoknun hin akintheipen na Organisation Lamkai ho akimupi ding’a hetsah na ahin neiyin ahi. Iham tia akimupi nom louva ahile mo akipoh ding in jong hetsahna ahin neiyin ahi.
Chukitleh koitobang aumna hehon jong akinthei penna ahin hetsah diuvin jong ngehna aneiyin chule aumna vengsung hon jong nopmo asah theilou diuvin jong KNO/KLA a konna temna chu Armstrong Kuki in aneiye.
Central Social Welfare a Worker/Helper le Staff hon Consultant ho kom’a athu akichet kah’a koiman hiche
chungthu hi aseithei louding ahin chule organization in mo kipoding ahitai tin KNO/KLA Information &
Publicity akon thusoh chun aseiye.
District Hospital’a Duty aphatcha chelha nailou
Lamka, Lhadou 14: Achesa nisim 11 nikho nidan 1:00 chun Dr.P. Nengzadou Medical Supt District Hospital office chamber mun ah Joint Philantrophic Organisation hon joint meeting anei utoh kilhonna Visiting Hours leh Sanitation to kisaiya akihounau Lhadou nisim 14 a patsa Joint Philantrophic Organisation ho lamkaina a District Hospital a Duty kipan ding thu aseikhom uchu tuni jingkah in apan tauvin ahi.
Hinlah kihoulhah nao bang uvin District Hospital mun ah achelha pon ahi. District Hospital mun ah OPD Ticket Counter pung 9:00 a kihong ding tichu Pung 9:40 in ahong pan uvin, Chuleh asung’a Duty ding
Nurse ho jong Pung 9:50 vel ahung lhung uvin,ahin OPD sung’a damlou vedia Lhalo nei a Duty dia um Docter ho pung 10:30 chanin koima muding aroom uvah aum pouvin Room sunga umchasun ho chu Nurse Duty ho ahi. Hiche District Hospital muna Duty ho dinga routine asem ujong nidan 10 chanapo hih uvin ahi. Hiche thua Joint Philantrophic lamkai hon ahoulim naova chun hilai muna NurseDuty ding hi mi-46 hiding ahin ahin lah tuhin Nurse Duty mi 22 bou in abol uvin ahi ati.
Tuni jingkah ahin OPD mun ah Damlou kivet sah dia hung mi atam in hinlah aveding Doctor ho aphat cha atou namun u ahunglhun lou jeh uvin Damlou mitam tah in OPD sung’a phatsot toh angah uvin ahi.Joint Philantrophic lamkai hon District Hospital muna Ward mun jouse khol chilna anei un chule Joint tunia patsa nisih a Duty abol diuvin jong ase uve.
