Miley Cyrus in Justin Bieber chunga phulah ding gel
Los Angeles, Lhadou 9: Rising star Justin Bieber in ahin tot chavei jou apat in teen sensa- tion Miley Cyrus in achunga phulah ding tin kigonna aneitai. ‘Hannah Montana’ star nuhi Bieber in London a akhojin sunga jankhang tengle kijoma phone ahin bol jing jeh in alung hang in chuleh tuhin kimupi ding lunggel aneitai, tin Aceshowbiz online akon thulhut chun
aseiye.

‘Ama in in phone a eihin dai chavei in, janhia eihin call phat kikhelna chu kagel doh thei tapon, jingkah lam nidan 3 vel hiding in akilom e. Kalung handan chu kathi nom in, ahin call in! kapeng jah in ahi ajeh chu koi hamkhat in ka number hi ahet hiding ham tin kagel in, ka number chu kaloh tai. Ka number kakhel in ahinlah amain eidai chavei nalaiyin ahi,’ tin Cyrus in aseiye. ‘Kin chapang hiding in kanatahsan pon, kapeng jah pon ahi ajeh chu epi pen hiding ham ti in kahet chen loujeh in.
Achaina in, jingkah lam nidan thum in kahung pengjah in ahileh amain in Bieber jahi tin eihin nung
call in ahi. Ama hiding in kanagel in, hiche chapang pahi alung kasuh natding ahi. Kanaonu in alungset vang in katha ding ahi,’ tin aseibe kit e.


Suduko hi tua kangai sanpen chu ahi: Salma Hayek
London, Lhadou 9: Spanish actress Salma Hayek in aseina achun, kajipa Francois-Henri Pinault in tulaitah a computer hoitah a eihil jeh in hetthemna kaneitai. ‘Frida’ star nuhin computer hi kum ejat hamkhat ahin het theilou ahin, ahivang in tuhin businessman ajipa in log on eti bolding ham ti chu ahil in ahi, tin Contactmusic akon thulhut chun aseiye.

'Kal masa in chun computer hi eti manding ham ti chu kihilna kaneiyin ahi. Hiche hin hinkho nopsah thei in ahi tin kajipa in kihilna nei ding in temna einei in ahi. Keivang hiche akon in kaki dalse in, ahivang in amain eilhem lha in ahi,' tin Hajek in aseiye. Kum 43 a upa actress nuhi ajipa in Apple iPad mangcha in amanu favorite games numbers challenge Suduko avetsah in ana lhemlha in ahi. Hyek, Pinault toh kum nia upa chanu, Valentina hingnu hin aseibe na achun, ‘Suduko hi kakichep nompen chu ahin, iPad hi ven, hiche ahi Suduko nakichep thei ahi tin amain aseiye. Hijeh chun Suduko kichep patna kahin nei in chuleh adang kihilna jong kahin neitan ahi. Tuhin kakichem thei tai. Tu dinmun adinga kangai sangpen chu ahitai.’

Shakira in charity a football shirt launch bol
London, Lhadou 8 (PTI) : Colombian singer Shakira hin tua ahung lhung ding FIFA World Cup South Africa a umding hi jana (honour) in charity in football shirt launch abol in ahi ‘Hips Don’t Lie’ hitmakers nu Shakira hi UNICEF te toh akitho khom in hiche red and gold sport shirts hi a global education fund, Barefoot Foundation phat chom thei nading leh khanlet sah nading in tohgon anei uvin ahi tin, Daily Star thulhut chun asei in ahi.

Hiche songkhol ho charity a launch abol bolehi akiha gotna ahipon ahi. Kum 33 a tah singer nju hi top football event a dingin jong hatah in kigot na anei in ahi. Shakira hi hiche tournament opening  ceremony Soweto mun a lhadou nisim 10 umdinga hi a track ‘Time for Africa’ kiti la chu local band
‘Freshly Ground’ kiti te toh asah khom dingu ahi. Chule hiche asah dingu la hi World Cup official anthem tin akilheng doh in ahi.

Hiche hin an pha le anphalou a napui hoi thei ahi
Damthei na hinkho phatah hi exer cise leh an phat kitup chet inei a ibol leh akichang thei in ahi. Aniseh a diet phatah a jui sangin, thei leh anche louhing hi phate a ineh leh itah sa apha in chujong leh akidam thei in ahi. Anche leh thei hi ahin sit set laileh ineh leh adeh in ahachomin ahi. Chuleh thil a lhum (Sweet) idu chat naho jong hi, fresh fruits le berrie hohi ineh leh apha in ahi.

Anche louhing jouse a hin Vitamins leh mineral tam tah apang in ahi. Hijeh chun ahithei chan in anche louhing lang phot phot hi ha neh ding lunggel nei in. A Nutrition hoitah leh phatea apot thei nading a steam bol angai in ahi. Chuleh sauces lang hi kicheh thei angai in ahi. Ajeh chu hiche a hin calories leh fats sangtah apang in tahsa ding in aphapon ahi. Surary snack le pastries akon najonghi hatah a kidal se angai in ahi. Apple hi aphan ahin apple pie vang khuti tah in aphapon ahi. Tui bongnoi, thei leh anche lou hing hi aphat seh a neh leh don jing dingin hatah in apoimo in ahi. Anoi a hin anpha le phalou het thei dingin ahung hikit in ahi.

Unhealthy foods 
Battered and deep fried foods, Sugary Sodas, Greasy snack chips, Sugary breakfast cereals.

Healthy foods
Green and brighty colour vegetable, Fresh fruits and berries, Nuts, dried fruits, Healthy cooking oil like canola, olive oils, low fat milk or soy beverages, seed and legumes, whole grain leh brown breads chule pasta, Dark leafly greens and lettuce.

Naomi Campbell kalbi a kal ding nomlou
New York, Lhadou 9: Supermodel Naomi Campbell in kalbe a kal nading apan jeh in promotional event ahi pang louding ahitai. British melhoinu hin ama perfume hi promote bol dinga kigonna anei ahin ahivang in hiche achu panleh ding hi anompon ahi ajeh chu kalbe a akal tou nomlou jeh ahi.

Campbell former agent Carole White in aseina achun, kum 40 a upa British model nuhin elevator aboh jou a, kalbe sao tah a kal ding ti ahet doh phat ahi televised awards show Australia muna chu pangnom lou ahitai. ‘Hiche show a ahung panthei lou hi lungnop mona bou hilou in, hiche hin Wella perfume chunga Australia muna mipi ho lunggel ngeidan tampi akon doh sah in ahi,’ tin White in 2000 event achun anasei in ahi.

Moodform Mission a White's co-director, Chris Owen in aseina achun, Campbell hi promotional tour adinga kilhon khompi hahsa tah khat chu ahin, amahi phatseh in meetings ading in avaigei ji in chuleh khatvei jong bottle a bulu ding eigo in ahi. Campbell toh kum 12 tobang adinga perfume namtui tah Cat Delux leh Cat Delux with kisses promote boldinga kihouna ahin nei u chunga Naomi Campbell in pan alah tah lou jeh in Moodform in court a hehna aneitai.

Allen in lasah nalam a lunglutna ahin neihi kisih lheh
London, Lhadou 9: Pop star Lily Allen in lasahna lam a lunglutna ahin neihi kisihna nasatah in anei in chuleh aki phondohna achun, minche ding kana dei hin hitobang lunggel einei sah ahi ati. Kum 2006 apat in ‘Smile’ hit-maker nuhi British pop lah a aminchepen lah a khat in ahung pangtan, ahivang in tua amain aseina achun, minche ding kadei in eina lhemlha in chuleh jalhang hetdoh a kahung umhi kakisih na chu ahi tia asei, female first online akon thulhut akimui. ‘Thil khat kanadei chu atahbeh hiding ham tin kana gel in chuleh tua kahin geldoh chu hichi hi ahipoi,’ tin Allen in aseiye. ‘Hiche ho jouse akon kikangse ding kagel hi nanghon neimu dingu ahi,’ tin aseibe kit e.

Kum 25 a upa singer nuhin music lamle sil le chen design bol nalam joh gelkhoh thei nading in, tukum kichai kon lamle lakhum naleh lasahna ho akon kichol ngah ding tohgon anei tan ahi.