Imphal, Lhadou 20: Imphal West district hopsung Samusang Shantipur Makha Leikai a thingnoi aum e ti het jeh in 12 Maratha LI, 9 Sector, HQ IGAR(S) ho noiya um hon
operation abol nauva KYKL thingnoi 1 Lhadou 19 nikho nilhah lam nidan 2:10 vel in aman uvin ahi. Akiman pa chu Mankhan kum 30, Moinam Singh chapa akitin amahi Samusang Shantipur Makha Leikai a cheng ahin ama akon in AK chang 5 kapdoh nailou toh akimat tha e akiti.
AMUCO in kipa thu phong
Imphal, Lhadou 20 : All Manipur United Clubs' Organisation (AMUCO) hon Lhadou nisim 18 nikho a "Unity Day" aman nauva mipi ho leh pan laho chunga kipa thu aphong uvin ahi.
AMUCO in thuso miho koma aseina a organization hon hiche nikho a hungjao mipi ho chunga kipathu asei un chuleh ahideh a AJYCP a general secretary, Manoj Baruwa leh All Assam Mongoloid People Cultural Organisation a organising secretary, S. Kamlakanta teni chunga jong kipa thu aphong uvin ahi.
Non-residential science camp kipan tading
Imphal, Lhadou 20 : Jagadish Chandra Bose National Science Talent Search, Kolkata in Early Attraction of Talents (SEATS) of the Ministry of Science and Technology, Govt. of India scheme noiya Lhadou nisim 21 apat 25 changei Human Resource Development Academy, Ghari muna non-residential science camp abol diu ahi.
HRD Academy akon thulhut kimu dung juiyin 80 student tobang school munchom chom akon hungpang diu ahi akiti. Student ho chu Indian scientist minthang ho toh jong kihoulim na anei diu ahi. Prof. H. Nandakumar Sharma, pro vice-chancellor, Manipur University in jing jingkah nidan 10:30 teng leh kin hondoh na thu asei ding ahi.
Gari 2 Police hon mandoh
Imphal, Lhadou 20 : Imphal East district police team hon Honda Activa (Steel color), chassis No- ME4JF087C52008315, engine No-JF08E8008330 leh Bajaj Pulsar 220DTSI (Black color) chassis No-
MD2DHDKZZPCH-06608, engine No-DKGBPH-06607amudoh uvin ahi. SP Imphal East a konna hetsahna kimu dungjuiya hiche gari kimu akigu hidinga ginmo hi tutua custody muna aumin, anei hon gari document ho ahinkichoi a Imphal East police station muna akilhat thei u ahi tin
akiseiye.
AR hon hilchetna nei
Imphal, lhadou : Achesa nikhoa Imphal a thuso ho AR hon Tangkhul ho asugenthei uve tia asei uchu jouthu ahi tin AR hon hilchenna anei uve.Amahon asei nauva hiche thisoh hi kahlah a miphalou hon Ukhrul district sunga chamna umhi asuhboi nom jeh u hinte tin thuphon na anei uve. Hitobang thilso aum kit leh kholchil na kinei ding chule akisalal ho gotna lentah kipe ding ahi tin thuphon chun aseibe na ahi.
Regional
Assam airport a gancha gu le vun ho kimandoh
Guwahati, Lhadou 20: Lho (tiger) lugu leh Pangolin vun dangka 2 crore man chu Guwahati a
Lokapriya Gopinath Bordoloi international airportakon in forest department hon amandoh un ahi. Police akon thuguh ahet phat un Customs official hon sakhao 2 a kichun Lholuchang leh Pangolin vun amat doh u ahi.
Hiche gamsa gu le vun hochu Dimapur apat Imphal channa poh ding dinga kikoi ahi. Thulhut kimu dung juiyin hitobang gamsa gu le vun hohi China gama ngaichat len tah um ahi akiti. Hiche ho chu China ten lou le ai a asem jiu ahi. Customs official hon asei dung juiyin hiche thil kiman doh ho chu international market a dangka 2 crore val man hidin asei uve. Hiche hi Wildlife Crime Control Bureau of India kholchil dung juiya kisei ahi.
Kolkata meikah na chunga mi 6 themmo kichan
Kolkata, Lhadou 20 : Stephen Court Ltd. a director mi 3 panna in mi 6 chu Lhakao nisim 23 nia hiche insong meiyin akah na chunga themmo akichan un ahi tin police in aseiye. Hiche Stephen court inkah a chu mihem 43 ana thi ahi. Tunia themmo kichan lah a director mi 3 panna in 6 ahiuve- Sanjay Bagaria, Sushil Surekha, Predeep More, caretaker Tarun Bagadia, assistant caretaker Ram-Shankar Singh chuleh liftman Jaiprakash Singh ahi tin Deputy Commissioner of Detective Department, Dananyanti Sen in aseiye. Meikah jouvin care-taker leh assistant caretaker bou ana kiman in hinla amani chu bail in anapot lhon tai.
Stephen Court hi Park Street muna in kisa het thei dom pen khat ahin hetman louva meiyin akah jeh in mi 43 anathi lo e.
Sumi Hoho loiyin phalna neihih jongle Muivah lut ding kigo
Dimapur, Lhadou. 20 (NNN): Sema Tribe ho ki loi khomna lenpen Sumi Hoho lamkaihon phalna
neihih jong uleh NSCN-IM General Secretary Thuingaleng Muivah chu Zunhe boto district hopsunga
Pughoboto muna lut thou thou dingin aumin ahi. Zunheboto District hi Sema phungho tamna mun ahi.
Masanga ana kigonsa dung juiya Th Muivah hin Lhadou nisim 21 nikho ten gleh Pughoboto agavil dng ahi. Gah hetding chu Sumi Hoho lamkaihon NSCN-IM lamkai pa in Zunheboto district agavil gothi ipi “moral rights” anei ham tia thudoh ana bol u ahi.
Alangkhat nachun NSCN-IM cadre mi 4 kimandoh hochu Sempatni nikhole lhadoh thei dingin thulhut
khat akimun ahi. Amahohi Muivah umna munvel dungía manchah toh ana kimat tha u ahi. Amahoa
patna kimandoh manchah hochu ahile AK 56 rifle 2, M-16 rifle 1, 9mm pistol 1, hand grenade 3 chule radio set le meichang tamtah ahi. Kohima police hoa konna thulhut kimu dung juiya chu Assam Rifles hon amaho loihi ceasefire ground rule palkeh jehía kiman ahi atiuvin ahi.
State
NH-53 khonung ding thua Road Congress ho kihou
Imphal, Lhadou 20 : Imphal-Jiribam teni kijot tona National Highway-53 apoimo dan tunin 1st Manipur Road Congress (Na- tional Highway) a speaker pa in aha seikhoh lheh in ahi. Technical session a expert hon aseina a NH-53 hi Manipur a dia lifeline (kihinso napen) ahi atiuve. Amahon aseibe na a khanggui a pat chuleh khonung a dinga NH-53 hi sorkar in iti lampanga khantou sah ding ham tichu agel diu ahi ati.
State PWD a Superintending engineer Kh Temba in agel dan aseina a state government in Central
government koma NH-53 hi state a dia lifeline ahilou theilou ahijeh in action ahi ding chet a alah diu ahi ati.
United Club NH-53 a president, Shama Khaba in achesa 2005 kuma All Naga Students’ Association, Manipur (ANSAM) in economic blockade ni 52 sung abol u geldohna a aseichun sorkar in aphachom ding khat abol uvin hinla chomkhat ahileh anga kit tauve ati. Mipi ho kap le mau in aum in hinlah mipi ho kilolna highway tilou adang kihinso nathei ding aumpoi tia agel uchu chomkhat jouvin ahaimil kit tauve akiti. Tun ANSAM hon angaima bangin ahinbol kit tauvin hijehchun tun mipi leh state government hon National Highway-53 apoimo dan ahe tauvin ahi.
‘Tun mipi jousen kilung khat tah in kitho khom u hitin chuleh state government ho koma ahiding dol
in National Highway 53 a natohna chelhau vin’ tin Khaba chun ngehna anei in ahi. Khaba in thudoh anei na a ‘Manipur toh kijopmat national highway 3(thum) lang aum in, ibol a NH-39 bou akhoh sah u aham?, ati.
Manipur a Retired District leh Session Judge anahi C Upendra chun hiche kin ahin Jingun in apangin aman aseina a state government in aphachom ding NH-53 a kabol uve atin hinla aphatchom na ima akimupon mipi ho alhep lhah bep u ahi ati. Aman aseibe na a ‘NH-39 a boina ahideh a Nagaland gamkai a aum jeh hin state government in tua pat a NH-53 hi khohsah tauvin tin aseiye.
Manipur government in Naga Students’ Federation (NSF) ho koma Lhaphul 3 nikho Mao Gate chung
change phamo anasah u chu, C Upendra in state government in security forces ho chaloh na chung changa NSF ho koma phamo asah nau chu asei u angai poi ajeh chu chunga kon a thupeh um ahi ati. Dr RK Ranjan, Registrar of Manipur University anahisa in congress a houlim anei na a akhang khanga pat na NH-53 hi Manipur mipi hon hungkimang peh ahi tin aseiyin ahi. Hinlah NH-39 hi 1932 kum ahung um apat na NH-53 hi ana kidonse lou ahi ati.
Central government in Silchar, Assam hopsunga um chu South Asian Commercial Hub hisah din tohgon anei un tun Trans Asia Highway leh Silchar-Jiribam railway line Tupul, Tamenglong district chan na ahin bol u hi khonung teng NH-53 hi hung poimo ding ahitai tin RK Ranjan chun aseibe in ahi.
UNACCO Merit Scholarship kihomdohta
Imphal, Lhadou 20: Janhi a UNACCO School of Excellence, Khongman Zone-III munna 2nd UNACCO Merit Scholarship leh ExcellenceAward pehdohna kina chiefguest ahinatoh lhonna ahoulimnaíh works minister K. Ranjit nin public worksdepartment nin NH-53 semphatna dinga na atoh hi Lhamul nisim 15 leh kichai tante atin ahi. State sorkar hin state sunga national highway jouse adeh a NH-53 BRTF hon kum sottah donlouva anakoiju lamlen semphatna dinghin bolthei chan akibolin, mi natongding leh natohna ding machine akinei jouse kimang ding ahi tin K. Ranjit nin aseije.
Ranjit jonghin mi phabepmin state works department nin national highway ho asemphapoi tia ademmuhi
adihpoi, Imphal kimvella NH- 39 themkhat hi state PWD in asem ahin, mi tampin anahek-hel jongleh BRO hosem ahipoi tin aseije. O. Ibobi lamkaina noija SPF sorkar hin Centre a Congress lamkaina noija UPA sorkar tosotna jallin mipite phatchomna dinghin lungluttah in na atonge, tin aseibe e.
Education thutoh kisaija ahoulimna a chun state sorkar hin simlai ho phatchomna dingin natoh tampi achelhahpin ahi. State education department hin HSLC leh HSSLC a asangpen simlai 300 hochu merit
scholarship apehding ahi ati. Award kihopdohna kinhi UNACCO financial company managing director, N. Irabanta in alamkaije. UNACCO foundation trust, Imphal in anaphudoh UNACCO meritorious awards hi district jouse a class I apat XII channa aneijoulou simlai 206 leh 2010 kumma HSLC leh HSSLC exam a sangtah a lolhing hochu akipen ahi.
AR in Sajik phaicham a dinga school bus pe
Imphal, Lhadou. 20: Brig. S K Bhanot, Cdr 26 Sect AR in Officiating Commandant 8 Assam Rifles jaona in Sajik phaicham agavil in chuin Sajik a haosa le mipi ho toh phat chomkhat akihoulim uvin ahi. Amahon iti lam panga Sajik phaicham khangtou sah ding ham ti gelkhohna anei nauva chun Cdr 26 Sect AR in 8 Assam Rifles hon anabol Sajik phaicham a dingin school bus apeuvin ahi.
Brig S K Bhanot in local miho koma ahoulim na achun themjilna lampang hi Manipur a khangthah ho
dinga iti khoh hitam atin chuleh AR ho leh Sajik a a cheng mipi ho kithokhom ding thu jong aseiyin ahi. Alangkhatna 23 Assam Rifles 10 Sector, HQ IGAR (South) noiyin ni 2 sung Free Medical camp Khongbal Tkl kho Senapati district hopsunga um chu Lhadou nisim 20, 2010 chun ana bol uvin ahi. Hiche camp chu medical officer team hon numei doctor khat leh amaho Unit a paramedical staff hon anabol u ahi.
Alhangpi in mi 250 tobang Khongbal Tkl leh anaivel lah khoho akijen/akive uvin chuleh ani 1 ni in lou
manbeiyin ahop peh uvin ahi. Chujou in kho 10 akon in mipi ho chu doctor hon tahsa vendan, kisuh
thengdan leh junthahehthah lam panga thending dan thumop anei uvin ahi.
Thilsoh dang khat a Lhadou 20 chun 43 Assam Rifles hon Changjal kho a Samtal Salient mipi ho din
medical camp khat abol uvin chuleh mi 104 val in kivetsah na le lou manbei in amu uvin ahi.
Truck 11 police hon kilhonpi
Imphal, Lhadou 20: NH-39 a Transporterís and Drivers’ Council hon truck cheho nokhumna aneijeh un Manipur police hon janhi a patchun Sekmai police a pat Imphal chan truck ho akilhonpi taove. Janhi chun truck 11 Sekmai police hunglhung hochu police hon Imphal chan akilhon piuve. NH-39 lampia Imphal chan hunglhungho driver khatchun gari a thil kahetdoh uvapat blockade jeh a lhakhat jen kathamden nungun kasummu lah akichaitan, hijongleh namphu in NH-53 langah eichesah gotnun ahi tin aseije.
Gah geldoh ding khatchu Transporters and Drivers’ Council, National Highwaya gari tolho kiloi khomna lenpen hin Manipur gariho Nagaland sunga ban kibol leh ANSAM makaina a economic blockade chu kiladoh jongleh, ngehna kinei hohi sorkarín eipeh tokah uva NH-39 nahi gari kitol ponte atiu ahi.
Transporters and Drivers’ Council hohin Nagaland leh Central sorkar komma galguh bolho leh NGO hon Nagaland sunga tax nadon sahloudiu chuleh NH-39 lampi a NGO holeh simlai kiloi khomhon adeiphat phat uva ban abol jiukhu na ngahsah diu ahi tia ngehna aneiju ahi. NH-39 hi akihontah vangin tunichan geijin bus alhaipan hihlaije.
Sagang vella cheng Kom nam miten lunglhai louna phong
Imphal, Lhadou 20: Tua achelhajing KOM nam mite dangdetna neitah a 20/Sagang ADC constituency a vote akilhahsah loujeh a JAC hon Lhadou nisim 15 nia patna Sagang Bazar a abollu an-ngol kiphinna a hin kho nunga hichithu jeh a thil phalou ahung soleh sorkar hin mo akipoh ding ahi atiuve.
Amaho sei dannin, Sagang komlah vella Kom nam mite hi ADC election’a Tong minthang Lhungdim deisah hon thingnoimi themkhattoh kitho a lampi atin uva Dampi leh Saiton Khullen, 20/Sagang ADC constituency, Churanchanpur, Manipur munna Lhaphul nisim 30 (Repoll nikho) nia Kom nam mite vote alhahsahlou jeh uva kiphin ahiuve.
JAC ho jonghin Kurbung kho a cheng Ngamjang Hmangte leh aloitenin Moirang Mantak Kom kho a hunguva Kom voters ho komma Saiton Khullen polling station a vote kalha naove tia namphu a soi akaisahgot ujongchu ademmun ahi. JAC hin Governor pa ahung kikumlut nungin jong state sorkar leh state Election Commission hin JAC ho ngehna suhbulhit pehna dingin ima abolpoi tin aseije.
