Jhargram, Lhaphul 28 : Howrah akon Maharashtra chan lhai ding express train khat chu maoist hon bomb apokeh sah jeh un asunga tou mi 65 athi in chuleh adang mi 200 val akitongkha in ahi. Train coaches 13 ase in hichu alelam a hung thilpo train khat in aphut khum kit in ahi. Hiche train chu Howrah-Kurla Lomanya Tilak Gyanshwari super deluxe express ahi tin eastern railway spokesman in aseiye. Tuchan in thilong 65 akila doh in hiche sanga tamjo maithei ahi tin West Bengal home secretary Samar Ghost in aseiye. People's Committee
against Police Atrocities (PCAPA) hohin kiphonna anei un ahi.
Amaho hi maoist hon akithopiu ahi.PCAPA hohin lekha adalhah nauva Gyaneswari Express a bomb pokeh sah chu keiho kahiuve tin phatah in akisune tin IGP (law and order) S Karpurakayastha in aseiye. PCAPA hon aseina a Jangal Mahal (West Bengal) muna security forces ho chon dohna dinga ngehna sorkar in asanpeh lou jeh a boina hi kasem u ahi atiuve. Hiche train toset nahi jinglam 1:30 am vel a chu khemasoli leh sardiya stations kikah a um ahi. hiche mun chun Jhargram akon 135 km gamla ahi tin south eastern railway officials hon aseiye.
Indian Air Force (IAF) ho chu apet pet in train toset namun alhung in akitongkha ho chu hospital a apolut in ahi. Railway Minister Mamata Banerjee jong amun alhung in bomb thahat dan chu rail lampi asuse soh hel e ati. Athi ho chu dangka 5 lakh cheh peh din aphong doh in chuleh akitongkha ho chu dangka 1 lakh cheh peh din aseiye. Tuchunga maoist hon buluna anei hi tulha sunga dia anivei channa ahi. Amasa chun Chhatisgarh Dantewada mun lhaphul 17 nichun civilian bus khat akapse un mi 36 athi lah a special police officers mi 12 jong apangin ahi.
Maoist hon bomb apokeh sah jeh in express train in toset toh, mi 65 thi
