Imphal, Lhaphul 28: Alhompen in thingnoi mi 6 Manipur gam sunga umho security force hon janhi chun aman uve tin official akon thulhut akimui. Thulhut kimu chun Imphal West district police commando hon Kangleipak Communist Party (KCP-Nayon) akon amin Sapam Rishikanta @ Choaba @Thoi Singh (30) s/o (L) S. Sanatombi Singh, Singjamei Sapam Leikai (North AOC), Bakliwal Oil pump, Imphal koma Gansemni chun aman uve ati. Hiche commando ho machun KCP (MC) akon Sorokkhaibam Ojit Singh (24) S/o S. Thoiba Singh, Chairen Mayai Leikai leh Sinam Rojen Singh (20) S/ o S. Bijoy Singh, Moirangkhom Samashakhi Girl High School, Imphal koma tuni chun aman uve tin thulhut chun aseibei.
People Revolutionary Party of Kangleipak (PREPAK) akon Thokchom Robert @ Yumbi @ Jinmi (24) S/o Th. Momon Singh, Moirangkhom Sougaijam Leirak a um chu Keishamthong muna police commando hon tunin aman uve tin official thulhut chun aseibei. SSP Imphal West district akon thulhut kimu chun Imphal West district police commando leh 26th Assam Rifles ho kitho khom in People Liberation Army (PLA), thingnoi khat Phayeng, Manipur muna Vanghomni chun ana man uve akiti. Senior SP khat in aseina a PLA mi 2 akiman in mikhat pa akon in 9mm pistol khat toh achang 5 kikap doh nailou akiman doh e ati. Akiman teni chu Usham Dinesh alias Tomba Singh (31) s/o U. Rabi Singh, Bamol Leikei Tensubam Leirak leh M.Natonjao alias Bhaiya alias Binichandra (37) s/o M. Bihari Singh, Heirangoithong Makha Leikai ahi lhon in ahi. Thudoh anei nauva amani in ningkum chun (L) Oinam Naoba kitipa Maibam Leirak muna umpa a kona PLA kana jao lhon in Boy Singh toh kitho in government office-PWD, contractor, dukan ngah le adang dang ho koma sum dongin kapan lhon e ati.
Manipur gamsung mun chom choma thingnoi mi 6 kiman
