Lamka, Lhaphul. 27: Churachanpur District agam kai sung'a Autonomous District Council Election Vote lhahna na Jani nikho'a akichai toh kilhon in State Election Commissoner akon a Sorkar dankal a Constituency sung'a Polling Station mun ho a Re- Poll um nading mun ho aphongdoh tauvin ahi, hiche hochu 3-Henglep ADC Constituency akon 3/2- Phaibong Polling Station, 3/3-Songkong Polling Station, 3/4-Khanpi Polling
Station, 3/5-Naphou Polling Station, 3/7-Songphu Polling Station ahiuve.
20-Sagang ADC Constituency akonin 20/3-Saitol Kholen Polling Station, 20/ 7- Tuiring Phaisan Polling
Station, 20/8-Dampi Polling Station ahin chule 2-Leimata ADC constituency akon 2/1-Kungpi Naosen
Polling Station, 2/3-Pokpa Kabui Polling Station, 2/14- Tongsang Polling Station hocheng ahiuve.
Chukitleh 1-Khousabung ADC Constituency sung a kona 1/6-Khousabung Polling Station,14-Tuibuong
ADC Constituency akon a 14/8-Sielmat Polling Station ho ahi. Hiche Re-Polling Station mun 16 a umding
hi State Election Commissoner Imphal akon a Vote kheh thah nading nikho ahin gon diu ahi tin thulhut kimu chun asei e.

Churachanpur District mun a MDC Vote sim nahi D.C Office mun a Lhadou (June) Nisim 7 nikho leh Kipan ding ahi. Kum 20 nunga ADC election masat napen a dan khatna chu Chandel, Sadar Hills le Churachandpur
district muna chai ahitan ahi. Hivachun polling sation 552 aum in amahon a district cheh uva council member
24 akilhen diu anahi. Mi 33 jenchu kitetpi umlou hella ana kaidoh ahiuvin hiho lahchun mi 32 chu Indian National Congress (INC) ahin chule khat chu Rastriya Janata Dal (RJD) a kon ahi.

ADC Election adan nina pa vat nalai ahin hichu Lhadou nisim 2 nikho teng umding ahi. Alangkhat ah Tangkhul Naga frontal organization hon election umding doudal najal in Ukhrul District sungse a Lhaphul 31 nikho a patsa nidan 72 sungse bandh umsah dingin akigo uvin ahi. Chukitleh amaho tosot dingchun Zeliangrong
Interim Body (ZIB) hon Lhaphul nisim 29 a kipatsan Tamenglong District sungse bandh akoukhum kit tauvin ahi.