Imphal, Lhaphul 27(NNN): Manipur sorkar Semang Pachong apang Pu Y. Erabot, Tamenglong district
a akhol chena dei bangtahin alolhing poi ti thulhut akimun ahi. Pu . Erabot in Vanghomni nisim 28 nia chu
Tamenglong district sunga bazaar thupipen, Noney Bazara muna Naga milhamho toh giltaha houlimna neiding
tia akigot vangin, Noney bazaar ana kikhah in ahi.

Hiche thilsoh thua ahin Pu Y. Erabot in alunglhai louna thujong thuso mite hengah seiphongna jong ana neiyin
ahi. Pu Y. Erabot hin Tamenglong district sunga thinglhang mite dia kithopina thilpeh phasah pitoh kalson
ahin, hinlah Noeny Bazar alhunchun bazaar kot jouse ana kikhahin chuleh Milham houlimpi ding khatcha cha
ana umlou jehin, Imphal lamana lejot tan ahi. Erabot in thuso mite hengah houlim aneina ah, "Tunia Noney Bazar a thilsoh hi, Manipur Semang Pachong a Home Minister pa themmo ahi. Home Minister pun Naga
milhamte dia security phatecha agonlou jeha Milham hon akelkot uh akhokal ngamlou ahi" ati. Pu Y.Erabot
in jong National Socialist  Council, Nagalim (NSCNIM) ho taimona nastahin aneiyin ahi. Milhamhon Manipur adia thilpha agel vanguvin, NSCN-IM hon gihna apeh jehuva, mipi ho kichatlo ahi ati. Hinlah thinglhang mite dia Manipur sorkar in thilpha agon hohi achelhah piding ahi tin jong vailhahna ana neiyin ahi.


NoneyBazarmipihonkikhop khomna ana bollou vanguvin Pu Y. Erabot in Naga Numeilom phasahbep toh chomcha houlimna ana bol uvin ahi. HicheNumei lomho hin, gamsung aphatdom tengle houlimna abanjom dingin Pu Y. Erabot tilkhouna jong ana nei uve tithulhut jong akimu'n ahi. Chujongleh Pu Y. Erabot hinjuiho laha Jeep gari No. MNB- 806 khatjong NSCN-IM hiding ginmo thalchoi hon ana apui mang uve tin thuso jong aum kitin ahi.

Thuso nungvet dia pha khat chu ahile, National Highway No. 53 a All Naga Students' Association, Manipur (ANSAM) leh United NagaCouncil (UNC) hon economic blockade ana bol jehuva gari 300 tobang ana kiting den  hochu Pu Y. Erabot lamkaina jehía Imphal hunglhung thei ana hiuve. Hinlah, vangset umtahin Vanghomnia Naoney Bazar a Milham hotoh houlimna neding tia ana gon chu ana lolhing tapon ahi.