London, Lhaphul 27 : Bulgaria gama mobile phone number +359 888 888 888 choi jeh in achesa kum 10
sungin mi 3 athi lo tai. Achaina a thipa chu Indian restaurant mun khat a kikap lih ahi. Hiche jeh hin sorkar in hiche mobile number kisei hi asumang tauvin ahi. Akisei number choi masapen chu Mobile company a CEO anahi Vladimir Grashnov ahin amapa hi kum 48 alhin in cancer jeh in 2001 kum in anathi in, athi dan chu kinel baotam na ana umin ahi ajeh chu cancer natna chu radioactive poison kimanga hinte tia tahsan loi jong ana um
in ahi.
Aban in hiche number ma ma chu Bulgaria mafia boss Konstantin Dimitrov anachangin, amapa hi 2003
in Netherlands gama kham nathei lou le ai 500 million pound kholchilna nei dinga achena a melhelt lou hon
anakap lih un ahi. Chujouvin hiche mobile number hi sumkolvei Konstantin Dishliev achang kit in Sofia
khopi restaurant khat a aum pet in akikap lih kit in ahi. Hiti ho jeh hin hiche mobile number chu akimangcha tapoi.
Mobile no., khat choijeh a kum 10 sunga mi 3 thi lo
