Lamka, Lhaphul. 21: Tuni jinglam nidan 7:30 chun Tuibuong Peace Ground mun apat in MDC Election a Duty dingho akondoh pan taovin ahi. Hiche nading ahin Vangai Range Polling station mun 15 a Securty dingin Manipur Police kilathah Traning jounailou mi-120 Duty adin Manchah jaolou vin akondoh uvin ahi. Hiche toh kilhonna Vangai Range Polling Station munkhat a Securty Mi-5 vettup nanoiya umding ahi. Chuleh Jingnikho le Thanlon, Parbung, Henglep, Senvon, Polling Station mun hoa kon doh diu ahi.
Alangkhat ah Tunia Vangai Renge mun ah Election Duty min jao a chelou ZEO noiya Natong mi-6 aum uvin
ahi. Achelou ho chungchang thua holimna Miss Jacintha Lazarus IAS D.C in aneina ah, “akondoh lou mi-6 hohi People Act, noiya Case kibol khumdiu ahitai, avangset uva ahile Kum-3 sung Songkul tang thei diu ahilou le anatoh namun apat haithei diu ahi ati. Hiche toh kilhon chun Churachanpur S.P thupeh na noiyin nilhah lamchun ahung louho Mi-6 mandin asol in ahi.
Chukitleh jing nikho a Election Duty a dinga kigongho kondoh louding aumkhah ahile tunia sang’a khoh jep’a
kholchil na kinei ding ahi tin DC nun hetsahnah aneiyin ahi.
Election Duty dingho kontau, achelouho kihol
