Lhagao a kisemthah na nei, Kiphutdet khat ahitah toh lhon in, Munchom munchom ah kipana thupha lhangsap in aphat ho amang in, adeh in khangdong amangthah ding ho lainatpi na aneitoh lhon in nungah gollhang ho lah a akiha mandehset in ahi. Tumansang in Bangalore tolpia khangdong holah a camp aga bol in, 5-8 November, 2010 sung in jong New Delhi a sopi Vaiphei holah a jong camp ahungbol in, hiche camp kichai jouvin jong RK Puram Sector-IV, Methodist Church (Tule tua KWS Delhi kikhopna mun) ah nilhah nidan 6 apat 9;30 chan camp a panglou Delhi mun'a khosa Nu leh Pa, Nungah Gollhang ho ngaithei din Pathen thuah houlimna phat amang in ahi.
"Tuchung Camp kapan got chun, Vaiphei pau themtah khat jong hilou, a background jong chuti tah hoibehseh lou ahin, camp a pathen thu mai mai hilou, Huhhing na, Kipana thupha seiphong dia ahung kigot hi Lamdang kana sa in, Camp kichai ding kahin hetdoh chun Phat ho chu pamai kasa thei behseh tai" tia Campa pang sopi le guol ho akidoh na achun asei uvin ahi. Amaho ngaidan chu, Totna, Houlim na mai mai, Lasahna, thildang dang hohi paochom paochom in akibol thei in, ahin Pathen henga taona leh Pathen thu dihtah seidoh nadia hi Eima pao tilou vin agilna tah akiseidoh jou po'n, hijeh a chu Vaiphei pau themlou khat chu sonlel na kinei kha ahi atiu vin ahi.
Pu Elvis in tule tua Ministry amachal pi jingtoh lhon a hiche Gospel Video Album thah ahin semdoh hi khatle mai mai in akipapi hilouvin, Vahchoila a alhagao hinkho kisuh hal jing ho jouse'n akipapi cheh ding tahsan aum in ahi.
Ka Cross Lampi - Jehovah Jireh II
Leiset Minthanna - Jehovah Jireh II
Calvary Lhang - Jehovah Jireh II
Pakai Aphai - Jehovah Jireh II
