CERI Co-ordinator dia Dr M Nara lhendoh hi
Imphal, Ellha 30: Tunichun Hotel Imphal mun ah electoral reforms chung chang kihouna North East Co-ordination Committee a kon palai mi 15 hon anei uvin, thulhuh phachom pi jong phatsahna jong anei uvin ahi. Hiche ban chun achekhom hochun Dr M Nara chu lamkai ding in alhengdoh uvin, Arunachal Pradesh le Mizoram kon palai alahbe nahlai diu ahi.
Bee Net Manipur VP in kipaman sang
Imphal, Ellha 30: Bee Net Manipur (Bio-diversity Ecology and Environment Network Manipur) chun 'AEB Honour 2010' kipaman mu ama ho Vice President Prof W Vishwanath kipapina kin aman pi uvin ahi.
Thulhut kimu chun asei na ah Vishwanath hin Resource Management and Environmental Sciences chungchang a anatohdoh ho melchihna hiche kipaman hi Manipur University Dept of Life Science Conference Hall mun a Ellha 27 nia chu ana kisan ahi, ati.
Free Veterinary camp kibolpeh
Imphal, Ellha 30 : Achesa Ellha nisim 29 nichun Sampardisa leh akom vel'a kho ho NC Hills sung achun 45
AR hon Red Shield Division noiyin Free Veterinary camp ananeipi tauvin ahi. Gancha 186 lou akikap in
529 lou akineh sah in chuleh Army Veterinary Hospital hon gancha vahdan leh venbit dan anahil uvin ahi tin thuphon kimu chun aseiyin ahi.
23 AR hon Shangshak simlai ho golnop bolpeh
Imphal, Ellha 30 : "Run for fun" kiti simlai ho tahsa hoi nading leh lunggel nop na- din 23 AR 10 sector hon HQ IGAR (S) noiya Shangshak mun'a simlai jouse lheitetna anabolpeh uvin ahi. Pachan na sangpen 3 hochu Tribal Christian School simlai ngen anahin chuleh 23 AR commandant pan hitobang kihui lhana golnop hi
jochanía kibol jing ding ahi anati.
