Sanya (China), Ellha 30: Achesa kum 1951 apat ana kibolpan vannoiya nungah hoi kitetna Miss World chu tukum 2010 adin Miss Alexandria Mills (USA) lhendoh ahitai. Amanu hi kum 18 a upa high school graduate nuhin hitobang title lah nadin pageant 119 ana dalha jouvin ahi. Aman 30 second thudoh donbutna ananei na achun kahinkho hi midang chunga kasuh lang nomin chuleh jochan’a mi kithopi kiti hi katha anom lheh e anatin ahi. Hitichun Miss Botswana akon Emma Wareus chu first runner-up anahin chuleh Miss Venezuela akon Adriana Vasini chu second runnerup anahin ahi. Alangkhat a India akon Miss Manasvi Mamgai in round 20 jong ana khokhel jou tapon India
kinepna tobang ahi tapoi. Hetthei khat chu Miss World ahung um apat India leh Venezuela hin vel 5 cheh title analah toh kilhon in tuchan hin title tam lahpen ahi jing nalai lhon’e. Hiti chun China gam’a chondan khandan, lam chom chom vetnom umtah tah vetsahna aumtoh kilhon in Miss World talent adin Ireland chuleh Miss World sports adin Northern Ireland, Miss World Top model title adin Norway, Miss World Beach Beauty adin Puerto Rico chuleh Miss World Beauty with purpose adin Kenya lhendoh ahiuvin ahi.
About author
Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.
