Film achu lead character khat ahinan Griffith hi mass murderer khat holdoh in apang’in chuleh amaho hinkho mandan leh lunggel hetdoh thei nading in kholchilna aneiyin ahin akichai lang in hetphah louvin a hobby hi aphalou lamtah in ahung kiheidoh e tin contact music thulhut chun aseiyin ahi.
‘Band of Brothers’ writer Frank John Hughes in a script asut film hi Suri Krishnamma in direct abol dingin akiseiyin chuleh coproducer Michael Cudlitz jong hiche film a hi pang ding ahi tin jong akiseiyin ahi.
Griffith role nukhahpen hi recurring character Brandie Henry kiti medical drama series ‘Nip/Tuck’ neitheina
ding in hatah in kigotna aneiyin ahi.
‘Working Girl’ star nuhintutuhin ‘Yellow’ kiti drama jong hi Nick Nolte toh atho khom ding ahi. ‘The Grief Tourist’ film hi 2011 kum leh release bol ding in aum in ahi. Lily Allen tahsa damlou London, Ellha 6 (IANS)
Actress Lily Allen, tulai naovop nuhi Paris khopi chomkhat aga um chun ahung dammo in chuleh amahin kathoh lel lheh e tin aseiyin ahi.
Amahin adamlou nachung chang thuhi a Twitter page achun avel vel’in post anabol in ahi tin femalefirst.co.uk thulhut chun aseiyin ahi. Actress nuhin a Twitter page achun “Kahin kho a kahet khah leh kanei khah lou lolnat nasatah kaneiyin, leiset chunga anapen hiding in jong katahsan in ahi. Hiche jeh hin jan imuthei louvin kahah khovah jing in, thil ima chajong kavallut theipon ahi. Flu in kadamset in damdoh jou ding in jong kaki ging chapoi” tin asun in ahi.
Pop star Allen, tunaicha a vintage clothes store Lucy in Disguise kiti hong nuhin France gam’a Givenchy’s Spring-Summer 2011 collection show leh fashion show adang dang’a panla dingin ana kholjin in chuleh hiche apat a hi hung damlou ahi tin thulhut khat chun aseiyin ahi.
