New Delhi, Ellha 6 : India a test-tube baby hin podoh masa penpa chu geldoh in aum hih laiye. Sempatni a British doctor Robert G. Edwards in tukum medicine a Nobel prize asang tai tia ana kiphon vangin India a test tube baby masapen Kanupriya Agarwal chun akipah beh in amit lhi apot in ahi. Robert pen anahi e. India gam'a hiche hetna hin podoh masapen chu Subhas Mukherjee ahi. India tilouvin West Bengal sorkar jeng in jong anatoh ageldoh hih laiye.

Mukherjee hin achesa Ellha 3, 1978 chun Bela Agarwal akon in Kanupriya ana pensah in ahi. Hiche hi Edwards in Louise Brown chu leiset chunga test tube baby masapen apen sah jou tha 2 jouva hiche technology chu India a jong ana kimangcha pan ahi tai. Mukherjee chu pachat tah sangin Bengal sorkar in demna aneiyin ahi. Hiche jeh chun NRS Medical College, Kolkata a um physiologist pachu Lhadou 19, 1981 chun ama le ama ana kithat in ahi. Tuni chan in test tube baby hinpodoh gam sunga dinga amasapen pachu geldoh in aum poi. Hiche hi vangset umtah ahi tin Jadavpur University a retired cryo-scientist Sumit Mukherjee in aseiye.

Thina chan gotna eikipehna a
phatsah louna kaneipoi : Kasab Prince William in amasapen adia RAF a rescue mission a pang Mumbai, Ellha 6 : Pakistan galguh bol Ajmal Kasab in aseina a thi dinga gotna eikipeh na chunga keiman phatsah louna ima kaneipoi ati. Kasab hi 26/11 a Mumbai buluna a mi 166 thi na a chu ana pang ahin ahinga keiman ahi. Ama Lawyer Farhana Shah in aseina a thi dinga gotna aum chu Kasab in phamo asahna imacha aumpoi ati.

Hinla state counsel Ujjwal Nikam in aseina a Kasab thina thu akisei masanga ngaidam athumna thu hi sei masat ding ahi ati. Justices Ranjana athum na thu hi sei masat ding ahi ati. Justices Ranjana Desai leh RV More chun Nikam henga petition abol a athu hi jing ting sei a aum na din thupeh anei lhon in ahi.

Trial court in mi khat chu athi dinga thu tanna anei a ahileh hichu High Court a avel'a seilhahna um nalai ding ahi. Kasab thu hi Ellha 18 apat a niseh leh kisei ding ahitai.

CBI kiman dan dihlou thu BJP in Parliamenta podohding
Ahmedabad, Ellha 6 : Lok Sabha a opposition lamkai Sushma Swaraj in aseina a Cenral Bureau of Investigation (CBI) chu congress in amandan dih lou jeh a winter session phat teng leh BJP in parliament a apoh doh ding ahi ati. Hiche thu hi Swaraj in local BJP functionaries ho henga aphondoh ahi. Sorkar in ama
deilam tah in CBI a amangcha in hijeh a chu athu hi parliament toukhomna aum kit teng mipi hetdinga kipo doh ding ahi tin Sushma Swaraj in aseiye.

Central sorkar in Gujarat HomeMinister Amit Shahchu CBI amangcha in athep mona umlou beh in songkul a ahen un ahi tin Swaraj in alungkimlouna thu aseiyin ahi. Central sorkar in kikap tona aum e ti ahet vangin thil abol le le in Amit Shah chu songkul alhut thou thouvin ahi. Hiche hi sorkar dinga jachat umtah thilsoh ahitin Swaraj in aseiye. Swaraj in Chief Minister Narendra Modi vang apahcha lheh jeng in ahi. Partypresident Nitin Gadkari in jong CBI hi central sorkar manchah phatah khat ahitai tin aseiye.

Numei Pradhan khat in ajipa chunga FIR bolkhum
Dehradun, Ellha 6 : Gram panchayat a numei pradhan khat in ajipa chunga FIR abol khum in ahi. Ajipa hin thil dih lou khat abol jeh a complaint kibol ahi tin police hon aseiye. Amanu chu amin Mamta ahin Sindhor mun’a Pradhan hi ahi. Amanu hin ajipa Mahavir Singh chun Pradhan banga rubber stamp adihlou khat akisem a ajinu soi aguh ji ahi. Mamta in District Magistrate (DM), Senior Superintendent of Police (SSP), Dehradun jong hitobang thu hi ahetsah in ahi.

RLEK a Chairperson Avadhash Kaushal in amanu natoh chu apahcha lheh jenginahi. RLEKhiDehradun
aum NGO natoh Panchayati Raj umdan avetsui ahi. Aman aseina a Mamta in lamkai hina dihtah chu hangsan tah in atong jingin hijeh chun ajipa kisan dan dihlou tah a aumna chu asosal in ahi tin Kausal in aseiye.

Kashmir a Haj pilgrim hon PM kikum dia ngeh
Srinagar, Ellha 6 : Kashmir Valley a Haj pilgrims mi 6,700 hon Saudi Airlines in Srinagar airport akon kipat doh ding anop lou jeh in hiche thu ahi Prime Minister Manmohan Singh akikum din ngehna anei un ahi. Sempatni a Delhi mun’a Jammu and Kashmir Chief Minister Omar Abdullah in Prime Minister ana kimupi
tukum a huikong leng ding aum lou jeh a mihem 6,700 hon hahsatna tampi anei tauvin ahi. Hinla official khat in aseina a Saudi Airlines in Srinagar apat Jeddah chan direct flight aum sah lou dinga ahileh mi 6, 700 hochu Delhi a hunga Jeddah ajot diu ahi ati. Hiche thu ahi Saudi Airlines in avel’a gel lhahna anei diuvin state sorkar in akinepna thu aphongin ahi. Jeddah a Pathen houva Kashmir muslim ho hi Ellha 9 ni leh kipan doh diu ahitai. Achesa 2000 kum’a pat achu Haj pilgrims ho chu Srinagar apat ana lengdoh jiu ahi. Tukum in 6,776 pilgrims
hon Makkah mun’a Pathen lhai ding ache diu ahiye.

Pakistan a drone buluna jeh a Europe a boina kisem kigo
London, Ellha 6 : Pakistan gam’a US drone buluna aum jing jeh-a galguh bol Al-Qaeda ho hin European gam’a boina asem kigot u ahi tin thulhut kimu chun aseiye. Sempatni a drone buluna a galguh bol mi 8 ana thi un, amaho lah-a mi 5 chu German mi ahiuve tin US a um Pakistan ambassador in BBC thuso a aseiyin ahi.

Hiche buluna chu Pakistan leh Afghanistan gamgi kom’a tribal miho chenna mun a ana um ahi. BBC in aseibe na a lha masa a drone in Britain mi khat anatha chu Britain gam’a Al-Qaeda Faction makai dinga um ahi ati.

North Waziristan mun’a US drone buluna aphat she a aum jing hi Al-Qaeda leh akijop matpi galguh bol hon
Europe gam’a boina asem kigot uhi kimatna um ahi tin US a Pakistan ambassador Hussein Haqqani in aseiye. Haqqani in aseina a khonunga Europe gam’a boina aumlouna dingin Pakistan in European leh US intelligence ho toh na akitong khom jinge ati. Hiti ahijeh a chum ipi ho moh kichat ding ahipoi ati.

Galguh bol hon Paris, London leh Berlin khopi ho bulu ding tohgon anei uhi Lhamul lha a Afghanistan a German mi khat akimat doh akon kihe doh masapen ahi ati. Achesa kum 6 sunga dinga lha masa a chu US
drone buluna 26 vei ana um in hichu atam penna lha ahi.

Pakistan customs hon NATO supply gari 152 hen den
Islamabad, Ellha 6 : Pakistan Customs official ho chun Chaman border mun’a NATO sepai ho ding thaopo tanker leh supply dang po gari agom in 152 ho Afghanistan ache diu aphal pouve tin thulhut akimu. Ajeh chu NATO supply documents phabep chu akisem thu aum in ahi tin akiseiye. Pakistan a um US officials hon hiche thilsoh thu a Pakistan Customs authorities ho akihou pi un boina umlouva tanker ho chu alhadoh diuvin temna anei un ahi.

Henge, US official hon eihin hou uve amahon tanker 152 ho chu alha doh uva Afghanistan mun alhut diuvin ngehna ahin nei uve tin Pakistan Customs official khat in aseiye. Amahon jong hiche documents phabep chu akisem thu ahi tin hilchetna anei un ahi. Hinla hiche documents ho chu akichehna aum masangse a tankers ho chu kilha doh lou ding ahi tin aseiye. Customs official hon documents dihtah chu angeh un ahi. Tankers leh thilpo gari ho chu tupet ahi Chaman mun’a kinga uva ahi. Chuleh gar ho phatah a kholchilna aum masanga
Afghanistan a kisol lut lou ding ahi tin Custom official chun aseiye.

Indian Air Force C-130J Super Hercules in amasapen a dia lengdoh
Marietta, Ellha 6 : IAF a dinga C-130 J Super Hercules 6 lah a khat chu tunin Marietta, Georgia mun’a alengdoh masapen tai. Hiche huikong hin Indian Air Force leh armed Forces ho special operation a nasatah a
akithopi ding ahi. India in hitobang huikong chu US akon billion dollar lut a choh dinga kinoptona ananei lhon ahi. Ollha teng India ahung lhun masanga Company le customer ho dinga flight test umding ahi. Lhadou lha a Super Hercules masapen chu Indian Air Force hon patep anei un ahi.

Huikong anina leh athumna chu kal kit lam teng leh patepna umdingin akiseiye. Hiche huikong hohi India deilam tah a kisem ahin infrared detection set (IDS) jong umding ahin nem tah-a precision flying operation abol thei ding muthim jong leh tol a chu thei ding ahi tin Lockheed Martin thulhut chun aseiye. Hiche huikong hi aphat she a manchah thei ahi nading in Lockheed Martin in phat sottah maintenance contract jong IAF apeh
ding ahi. C-130J hin airlift mission a manchah ding ahin, sepai leh thil ho thah le na a jong pang ding ahi.
C-130J Super Hercules hi engine 4 kibut to ahin hijeh a chu thil tampi jong apoh thei ding ahi.