Lamka, Ellha. 6: Tunia Churachandpur District students' Union (CDSU) in MSDP/MOBC natoh na veding'a hung Centre team ho kom lhung dinga Memorundam asut uh kimu in asei na ah, "Nam nemho khantousah na ding'a 15th Point P.M's Schem, Scholarship Cl-X, Cl-XI leh Achunglam hon kum 2008 apat kithumna mi asang'a sim in ana bol u ahin hinlah tuni chan in amu aum naipoi. Ahinla kithum na lekha jouse Imphal mun'a MOBC Office ah akipelut soh kei e atin chuleh Nam nemjo Christian sakho jui ho polsom noilam hileh achunglam hileh ngaisah lou in aum uvin hijeh chun Churachandpur District a Minority cell khat hondoh a hiche Scholarship jong minority cell akon hopdoh hihen tin a memorandum uchun aseijin ahi.

Dr. Thathang Vaiphei MU a Assistant Proffessor hita
Imphal, Ellha. 6: Dr. Thathang Vaiphei, tutua Bridge of Hope kiti Social Work Organization, Gospel for Asia noiya Manipur state Coordinator a anatong jing laichu Ellha nisim 5 nichun Manipur University noiya Centre for Study of Social Exclusion and Inclusive Policy, Political Science Department ah Assistant Professor din
lhendoh ahitai. Dr. Thathang hi Pu John Vaiphei leh Pi Hoijahat Vaiphei, Kamuching Haosate, chapa ahin, Jawaharlal Nehru University a PhD anamu ahi. Amahi society ngailutah, a college kailai a jong KSO Delhi a President ana posa ahi. Aloinu hi Rev. T. Janglhun, Executive Secretary, ECA, chanu ahi.

Kithopina mutheina dia DCO muna form lahthei
Lamka, Ellha. 6: District Co-operative Office, Churachandpur, Manipur noiya Co-operative Societies sunga registered kibolten State Financial Assistant noiya share capital/managerial subsidy muthei ding ahi. Hichetoh lhonchun ahung lhungding Ellha (Oct) nisim 15, 2010 masang ah application form ,lahthei ding ahin hiche form chu Ellha (Oct) nisim 20, 2010 masanga pehlut thei din District Co-operative Officer, Churachandpur a konin
hetsahna akimun ahi.

Achou Toijamba mollem nachunga GPRN/NSCN in lunghempi
Imphal, Ellha 6: National Socialite Council of Nagaland (NSCN) Chairman SS khaplang in Achou Toijamba Chair-man Kanglei Yawol Kanna Lup (KYKL) mollen nachunga lunghem na ahin phong in ahi tin Deputy Kilonser MIP, P. Tikhak GPRN/NSCN akon in thuphon ahinnei in ahi. Aman aseibe na achun Achou Toijamba hi jana kapeh nachung uva ama tobang tukhanga ajat le nam gam le go khohsah le ngailu lhom
lheh inte ati chuleh tua lungnat pisanga ahin laiya alungtup molsopi nading joh a pan lahding tin KYKL tilkhou na ahinnei in ahi. Hiche chungchona adalhah aji achate lunghemna ahin kagel doh jing uvin ahi tin hetsahna ahin nei in ahi.

J & K muna 10th IFMA a dia kondoh tadiu
Lamka, Ellha. 6: Jammu & Kashmir MuayThai Association in a vailhun ding 10th IFMA India National Muay Thai championship 2010 chu ahung lhung ding 21-23 Ellha (Oct) sung a Maulana Azad Stadium, Jammu mun
a um ding ahitoh kilhon in MuayThai Federation of India(MFI) chun Churacandpur Distirct Amateur MuayThai Association (CDAMA) Founder President, L. Nehkholien Haokip Referee & Judge a din kouna a-hin nei taovin ahi.State MuayThai team hochu 16th October leh vaikon doh diu ahitai. Het ding khatchu MuayThai golseh kichep nahi Olympic Council of Asia (OCA) General Association of International Sports Federation (GAISF) leh International Olympic committee (IOC) in het pehna anei sa ahi tai tin Hengousang Khongsai Joint Secretary CDAMA chun thuphon ahin neiyin ahi.

Sorkar in MSDP 2009-2010 a nakitong ho velhading
Lamka, Ellha. 6: Vivek Malhotra IAS, Secy Ministry of Minority Affairs, Govt of India in Churachandpur gamsung'a MSDP 2009-2010 a nakitong dohho velha ding in tuni nilhah lang nidan 4:30 chun Lamka ahunglhung tan ahi. Vivek in Lamka ahung phah ding jeh in tuni nidan 2:00 chun D.C nun SDO cheng, DRDA
staff ho meeting anei pin jingnikho leh Inspection abol diu ho lhendoh na anei jun ahi. Chuleh jing jingkah nikho nidan 8:00 apat Inspection abolding in akiseiyin ahi.