'Phatsotpi hiche thua kihouna aum jou in , national team a kum ni tobang kichep bena neiding in kigel lhahna kanei tai,' tin kum 32 upa Puyol in ama personal blog (carles5puyol .blogspot.com) achun
aseiyin ahi.
Barcelona captain pain aseibe na achun, hiche thu a kigel lhahna kanei na ahin Spain coach Vicente del Bosque, sporting director Fernando Hierro chuleh kaloi hotoh gel khomna kanei uvin ahi ati.
Puyol hin central defensive partnership a club team mate Gerard Pique toh tuchung South Africa muna World Cup achun ana nei lhon in chuleh semi-final a Germany te Spain in 1-0 a ajona achun amain goal ana khum in ahi.
Spain adinga 90 vei akichep na a amain goals thum akhum in chuleh phallha kum 2000 achun
amasapen in kichep panna ana nei in ahi.
Diego Forlan in Anil Kapoor he
Kolkata, Lhajing 2 (IANS) : Uruguayan Diego Forlan, tuchung World Cup a golden ball mupa hin, Indians film tampi ana ve hih jongle Bollyood actor Anil Kapoor lim vang ahe in ahi. 'Slumdog Millionaire' film chu kave in ahi. Hiche film a quiz show host bolpa chu kamu in ahi. Hilai mun (In India) a tu jingkah a television achun ama kamu kit in ahi,' tin Forlan in Bengali entertainment channel Mahuaa Bangla in interview abol sung uva chun aseiyin ahi. 'Slumdog Millionaire' hi English film Danny Boyle in direct abol chu ahin chuleh hiche atho atamjo chu Indian ho ahi. Hiche film hi India muna kisem a kitho ahi. Hiche film hin Mumbai slum akon Anil Kapoor in quiz show host abolna a pang khang dong pa thusim chu aseiyin ahi. Forlan in nithum adinga city sung vilna aneina ding chu gansem ni in ahung lhun tan chuleh amahin Mahuaa Bangla channel hon organized abol u soccer reality show achu pan alah ding ahi.
Thudoh adang khat adonbutna achun, Forlan in kanule kapa chuleh kasopi hotoh kinaitah in hinkho
kamang-e ati. North Pole a football kichem a nachile koi nakipui ding ham tia thudoh adonbutna achun, Forlan in, ìkasopipa kaki pui ding ahi' tin adonbut-e.
Bryan uchateni in 62nd doubles title record lahna neita
Pathen nia La Open achun Eric Butorac leh Jean-Julien Rojer chu ajou lhon in, Bob leh Mike Bryan in ATP Tour doubles titles 62 channa record chu pangkhom in jona anei lhon tai.
Mike Bryan in jona ding shot chu ana jep in, golden tiebreak chu 10-7 a ana umdoh sah in chuleh LA
Tennis Center muna chun 6-7, 6-2, 10-7 in kichepna chu ana jou lhon tan ahi. Chujouvin amain asopipa kom adal in, akoi in, chuleh kipana awgin chu Stadium court sunga aki thong dan in ahi.
Bryan brothers hin, 100th channa final lut khomna chu anei lhon tan, achesa a 61 ATP titles record Australians Mark Woodforde leh Todd Woodbridge tenitoh dinmun thakhat a ana umkhom nao chu akhal lhon tan ahi.
'Hoitah in kichepna kanei lhon in chuleh hiche kachan lhon hi thil loupi tah khat chu ahi,' tin Mike Bryan in courtside achun aseiye. Asopipa Mike in aseibe na achun: 'Hiche chu ema jouse ahin chuleh Mark Woodforde in hiche kichepna avet hi kichat nale ja kopna khat chu ahi. Woodies kave lhon in chuleh ama ni akon in thil tampi kijilna kanei lhon in ahi. Amani hi kichem themtah chu ahilhon e ati.'
Nalolhinna lhon hin citcuit a ranked jouse akhal hitam thudoh Bob Bryan in in adonbutna achun: ' Hiche hi asangpen chu ahitan chuleh record hi tahsan hoi hilou khat chu ahi ati.'
'Kum 6 kahung hia apat in Mike toh kahung kichem khom tai. Tunin kichep kinga jongle, kipah tah a kathi lhon ding ahitai.' Tin Bob in aseiye.
Delhi Games adinga nehguh aum e tia claim kibol chu politic’s alut e: Aussie chief
Sydney, Lhajing 2: Australia's top Common wealth Games official in sempat nia aseina achun,
facilities construction chunga nehguh ahung umdoh thu akijah jou toh kitoh in, New Delhi Games
hi India a political football ahung hiding in kaging moae ati.
Ellha a kichepna kipat ding lha ni bou avat toh lhon in, sporting extravaganza chunga nehguh ho ahung
kilang doh cheh cheh tan ahi. Indian press in, inn kisa jouse certificates ho khol chilna tuchan a aumna ahin adih lou ahiloule ginmo nagan ahitai tia thulhut aneina chu Indian head of organising committee for the Delhi Games, Suresh Kalmadi in claim abol in, chuleh hiche hi ì ahimong e tia hetchen na kinei lou a nehguh aum-e tia kingohna chu ahiî tin thuhi ana sumang in ahi.
Indian anti-corruption body in gansem nia thulhut aneina achun, boina tampi akimudoh in hiche achun construction work, quality hoilou materials kimang cha chuleh dubious contracts ho jong apang in ahi ati. Perry Crosswhite, chief executive of Australian Common wealth Games Association (ACGA) in aseina achun, hitobanga kicheh tah a hetchen na aum lou a kingohna hi political motives jeh hiding ham tin ginmo kanei-e ati.
'Parties holeh government hohin lunggel chom chom anei jeh uva mipi jouse hin ginmo na anei u chu ahi,' tin Crosswhite in sempat ni in thuso miho koma aseiyin ahi.
'Hiche hohi hitobang event masanga soh jing thil khat chu ahin, chuleh kichepna chu lolhingtah a
ahung kipat jou tengle mijouse in phat chomna ding chu akihol pan ji uvin ahi. Hitobanga thilsoh tampi ahin kinjong pan kahin latan chuleh hiche achun thikhta ahung soh doh ji in ahi.
Nehguh leh building certificates ho jouse chuleh adang thilsoh hoa ka lunggel seiding tihi kei ading in ahahsa in ahi ajeh chu asunglang thu bou ahin, kahe them theipoi,' tin Aseibe kit e.
Hiche event ahi nations 71 in pan alah ding ahin, Commonwealth Games thusim adinga sum tamlut
napen ding chu ahitan, infrastructure leh organising budget chu $2 billion ahin, ahinla unofficial hon alhangpia budget kisem sanga hop thum tamjo lut ding in asei uvin ahi. Delhi muna chuh go hin Games infrastructure sem chaina ding asuboi lheh in ahi. 'Keiho geldan in hiche hi hahsa ding ahin, ahinla deadline chu asuh bulhit u angaiye,' tin Crosswhite in aseiye.
Argentina in Maradona khel ding tuchanna hol nalai
Buenos Aires, Lhajing 2: Diego Maradona in lhase tah in haina neijongle, national team coach a ama khelding chu Argentina in akihol jinge, tin manager Carlos Bilardo in pathen ni in aseiye.
'Julio Grondona (Argentina Football Association) president pain koima koma thu aseipon chuleh keikoma jong ema aseipoi,' tin Bilardo in aseiye. 'kanga u ahin, thikhat vang vang hungsoh doh le akilom in ahi,' tin aseibe kit e. Maradona in Grondona leh Bilardo in eilhem lha e tin ngohna anei in, chuleh kal masa a coach akon haina anei chu amani jeh ahi tin demna anei kit in ahi. Ahivang in Bilardo in 1986 World Cup-winning team a ateam mate pain in claim abol chu asumang in ahi.
'Adih tah a seiding in asumo chu ama haipoi, ahivang in ama mipoimo hochu ahiuve. Ama kapan
huding chuleh kathi changei a kapan hu jing ding ahi,' tin Bilardo in aseiye.
CWG games: DD ten akigonnao chu lhajing tengle chai ding
Bhopal, Aug 2 (PTI): XIX channa Commonwealth Games 2010, New Delhi muna Ellha nisim 3-14 sunga kichepna ding muho kisa chai nai hih jongle, Doordarshan ten vang hiche mega event hoitah a sodoh theina dinga kigonna anei u chu lhajing kichai lam tengle kichai ding ahitai, tin top official khat in tunin aseiye. Aseibe na achun, ì kichepna sodoh nadinga kigonna kanei u keiho target chu ahile lhatun a kipat a lhadou a chai ding tihi ahi.'
Ahivang in kichepna ding munho akichai soh nailou jeh in, ima jouse chu lhajing ading in ahung umdoh in chuleh kichepna ding munho akisah chai tengle keiho natoh ding hi kipan bep ding ahi,î tin Doordarshan Director General (DG), Aruna Sharma in PTI achun aseiye.
Madhavrao Sapre Newspaper Museum leh IGNOU toh kitho khom pum a Environment and Science Communication course hondohna neina ding in janhi in DG nuin hilai mun vilna ahung nei in ahi. 'Kichepna ding mun chu tuhin kamu taovin chuleh natoh jong kakipan taovin ahi. Amunlah jouse chu munkhat a muthei nading in kasem chai taove.
Camera umna munho akihedoh tan chuleh cabling hi 30-35 per cent ho tobang akichai tai. Keiho ngai chat dungjuia contruction work themkhat aum ding hi ngai cha ahin ahivang in lhajing kichai lam tengle emajouse gontup hiding ahitai,' tin amanu in aseiye.
Boina seiding in lighting arrangement leh shadows tenihi adang holah akon hung kiseidoh chu ahin, chuleh hiche a mopohna neihon ahiding doltah in semtohna anei taovin ahi, tin Sharma in aseiye. India adinga apatna a Doordarshan hin hiche event hi High Definition Television (HDTV) format a sodohna anei dingu ahitai. Mipi adinga akikhelna lentah umding ahitai ajeh chu standard format sanga in hatah in a quality ahoi jo in ahi, tin DG nuin aseiye. Aseibe na achun, private players seiding in Airtel, Reliance chuleh adang dang hon jong tuhin HDTV mode hi amang pan tauvin ahi ati.
