Twi noiya kichuhna hi North Korea toh kikah Baengnyeong Island a pat umding ahi. Hiche twikol gam hi Lhakao 26 nia Cheonan Corvette kibuluna kom taha hi. Hiche warship bulu chu North Korea ahi tin South Korea in aseiye. Hinla North Korea in imacha kahe pha poi tin asei kit in ahi. Chuban leh athu kholna ahi North Korea jong apan ding anom lheh jengin ahi.
Tuchunga Yellow Sea a kichuhnaumdinghiachesakal 2 jouva US leh South Korea navies hon Korean peninsula a joint naval exercise anei jouva kibol kigo ahi.
US a billionare mi 40 hon anei u akeh khat kithopina a pe diu
Washington, Lhajing 5 : US gam'a mi haosa billionare mi 40 leh a insungmite hon anei-agou u akeh khat cheh charity ho a kithopina nei dingin akitep un ahi. Amaho lah-a chun Microsoft founder Bill Gates, sumkolvei Warren Buffett, Microsoft co-founder Paull Allen, New York Mayor Micheal Bloomberg, pharmaceutical tycoon Patrick Soon-Shiong, oracle founder Larry Ellison chuleh Hollywood director Geaorge Lucas ho apangun ahi.
Amaho lah-a Rockefeller insunga kon in David Rockfeller chuleh Hilton Hotels founder Conrad Hilton chapa Barron Hilton jong apangin ahi. 'Giving Pledge' tia Buffett leh Gates in abolna a mihaosa insung mite ho akhop lhon ahi. Hiche akibol lo napen tah chu mi haosa hon anei-agou u itlou hel'a philanthropic leh charity ho a apeh doh thei na diuva kibol anahi-e.
Amaho hin adam lai sung u hihen athi nung u hijong leh anei hou kithopina a apeh diuva kisei ahi. Buffett in aseina a hiche tohgon hi chelha pan bep ahin, hinla donbutna kimu ho thanop aum'e ati.
Africa leh Mideast a manchah ding Satellites kikap doh
Kourou, French Guiana : Janhi chun Ariane rocket in satellite 2 van tham jol’a ana kapdoh in ahi. Hiche satellites chun Africa leh Middle East gam’a telecommunications apeh ding ahi tin European space officials chun aseiye.
Ariane-5 rocket chu Kourou, French Guiana mun’a European Space Agency akon a ana kikap doh ahi. Nilesat 201 satellite chun Middle east leh north Africa a telecommunication lam’a kithopina anei ding ahi. Hiche satellite chu Thales Alnia space in asem ahi.
Hiche company hi France a Thales S A leh Italy a Finmeccainica kitho khom a ana semdoh ahi. Chuleh Rascom Star-QAF satellite chun rural Africa leh Urban African centres ho a telecommunications apeh ding ahi. Central African Republic a post and telecommunications minister Thierry Savonarole Malevombo in aseina a keima gam tobang hon telecommunication connections aum ding hi ngaichat ahi jinge ati.
International Telecommunications Union a Secretary General Toure Hamadoum in tun vang digital lam’a kikhen alhom sah ding ahi tai ati. Tuchunga satellite kikap doh hi Ariane rocket a dinga a 38th lolhinna ahi.
UN Chief in Nagasaki a atomic bomb a kisukha ho kimupi
Tokyo, Lhajing 5 : United Nations Secretary General Ban ki-moon in tuni chun Kyushu twikol gam Nagasaki khopi a atomic bomb a kisukha ho vilna ananeiyin ahi. Nagasaki hin achesa lhajing 9, 1945 kum'a United States in atomic bomb ana lhah geldoh na anei ding ahin, hinla hiche kin a chu Ban kimoon hi pangthei lou ding ahi. Hiche jeh a chu anikho lhin masanga atomic bomb museum avil a chuleh Nagasaki A-bomb sufferers' council a president Sumiteru Taniguchi ana kimupi ahi.
Lhaphul a UN Nuclear Non-proliferation Treaty velvetna kin na Taniguchi chu speaker a ana pang ahi. Taniguchi in Ban kom'a aseina a bomb akilhah chunk um 16 bou kahi nalaiyin, katahsa chung meikah na jeh in vel tampi operation kakibol e ati. UN chief in Museum mun'a akitongkha ho jong akimupi in amaho thusei jong angai lha in chuleh bomb kilhah jeh a insungmi athi-amang thu jong aseipeh un ahi. Ban in aseina a keiman vannoi leiset chung hi nuclear galmanchah suhmang dinga kitep na kanei ahi ati. Jing nikho teng Ban hi Hiroshima a Peace memorial ceremony a pang ding ahi. Hiche kinna hi gam dang palai 70 val pang ding chuleh Japan a US Ambassador John Roos jong pang ding ahi.
