Hijeh chun Zidane in England manager Fabio Capello in Scholes chu international football akon'a ahai masangía World Cup a kichem dia ana tem in hinlah ajaosah lou chu kidang asalheh jengin ahi. 'Ideitah player kilheng ding hi angaina mong ahi in tuchan'in Paul Scholes hi kadei lhen ahinalaiye' tin Zidane in Daily Mirror achun aseiye.
'Scholes hi abol nalam jouse ah tetphah jou ahipoi. Ama kichep vet ding hi kalungna achim theipoi tin
jong aseibe in ahi. 'Football kahung kichep sung'a amatoh kakichep khom lou chu kakisih lheh e' ati. Tuchanía hi Zidane dinmun hi kum 20 val lang midfielders a hung kichem ahin tahsa lam ah Scholes sang'a sangjo hi jong leh ama in Englishman Scholes chu football kichep nalam ah kakibang lhon e ati. Aman aseibe na ah Scholes hi football kichep nalam ah atha ahat nalaiyin ama koma ball koisot ding hi ahitheipoi ati. 'Ama hi nang side lang'a jao ding'a nadei diu ahi ajeh chu amahin bolthei nakhat aneiyin ahi.
'Amahin thepna khat aneijeh in kichep naho jong hahsa louhel'in akichemji in aloiho in jong nomtah in akichem thei jiuve.'
OldTraffordmun'aaminche laitah ah Scholes hi international football akon'a hai ding tiuleh nanom dem tia adoh
uleh Zidane in vang kanom'e ati. 'Scholeshi football lunglut mi ahi in club leh agam min'a ball akichep teng lunglut tah in pan alaji in ahi.
Inter Milan in Super Cup title lata
Rome, Lhajing 22 : inter Milan te in Misemni chun AS Roma te chu 3-1 in ana jou uvin Champions League,
Serie A leh Italian Cup a ding hin Italian Super Cup khat alabe un fourth trophy of the year anala uvin ahi.
Inter Milan te hin coach Jose Mourinho khel ding'in Rafael Benitez anala jong uleh alo lhin nalai uvin ahi.
Roma league leh season masa cup a runners-up te hi jona aneijeh uvin lhahsam na aneipuvin ahi.
Samuel Eto'o in San Siro Milan achun abul lang'in goal khat ana khum'in Milan ten goal 2 in alethuh kit uvin
match chu ana jou tauvin ahi.
Hitia Milan ten anabol hoijeh uchun Benitez in a team te chu hatah in anaseipha lheh in ahi. 'Goal khat alut jouva ka team hon hoitah a kichepna anei jeh uvin kakipah in ahi. Hiche trophy kalah uhi ka fans houleh club a ding ahi. Kagin chat sang'in hatah in kabol hoi lheh uvin ahi' tin Benitez chun aseiyin ahi.
Chuleh, Benitez chun 'Hiche game hi keiho ding'a first official game khat jong ahin chuleh hiche nichun
nisa asat jeh in ana hahlheh in ahi. Kichep na jong chu hatah in asuboi lheh in chi. Kei dinga kagel khoh thupi
pen chu lang khat ten goal ahin khum uva ka team ho reaction ding chu ahin ahi.
Ahin kakipa naleh kalung lhai na khat chu amahon khum masa jong leu pohnat naleh thaset na neilouva ka
team ho hatah a pan alah uchu ajiî tin aseibe in ahi.
