'Ijat kagel vangin ijat vei lhing tam a ijat chan nahi tam ti kahe tapoi. Ahin aphat she leh aban le vang kilungset pineitaponge hiche hi achaina hita hen kathoh jouta poi ahah val'e tia kaseiya kagel vang in kanung chuh kit thou thou vin chuleh kakap kit thou thou vin ahi' tin Barrymore chun aseiyin ahi.
'Kahin kho atam johi lungsetna hol na-in kanamangin lungset na hi iti apilhing jouvin , iti kihet themtona aumthei dem tin hatah in kana boipi lheh in ahi. Ahin tunvang hiche hohi khat cha katah san tapoi. Khat toh kilung toh tah le kihe themto tah a hinkho man'a inchen semding tihi khat cha tah san na kanei tapoi. Chuleh umthei ding jong kaging cha thei tapon ahi tun vang hiche hohi gel louva nikho nomtah joh manding kadeiyin chuleh hiche joh hi kei dinga phajo dingin katah san'in ahi' tin actress nuchun aseibe in ahi.
American beauty nuhi Steven Spielberg film 'Et the Extra-Terrestrialî kiti hi chapang cha ahilaiya ahin tho apat amin hung che-a chungjong leh gang tah-a Hollywood dinga child actor hetthei pen tah khat jong hung hedoh ahi. Chuleh amahin 1990 kum chun autobiography 'Little Girl Last' kiti anasun in ahi.
Kate Winslet adongma thah patoh kilungse tah-a hinkho mang
London, Lhajing 22 (PTI) : Kal ijat hamkhat mipin akivop dan lhon hi loicha dingin ginchat aumpoi tin aginmo nung hin actress Kate Winslet hi restaurant mun khat'a pat adongma thah model Louis Dowler toh kinai lutah in akhot akituh to lhoníin ahung pot doh lhon'in ahi. Actress Winslet ajipa Sam Mendes toh lha 5 masanga anaki khen nuhin lungna hinkho chu athah beh in amu kit'in chuleh restaurant munkhat'a an aneh lhon na-a chu melhoi tah adong mapa hi mimu dingin Show off abol lele-e tin Dailymail online thulhut chun aseiyin ahi.
Oscar-winner Winslet kum 34 a tah nuhi tight LBD a cheng'a asam chuti tah thupi tah-a bol louva ana kan maimaiya gold hoop bilba le simple make-up abol chun ahoi chomsah lheh in ahi. Chuleh amani hi tu lha bul lang chun New York City park mun'a exercise abol khom lhon'a kilungse le kingai lutah-a achapa Joe toh ana um khom petíu thusoh mi hon anatoh uvin ahi. Chuleh amanin hiche lai hin thusoh ahilouleh interview dunga kaki lungse lhon poi loicha maimai kahi lhoníe asung thu imacha aumpoi tin anasei lhon'in ahi.
Jennifer Aniston’in athalheng ding hol
London, Lhajing 22 (PTI) : Actress Jennifer Aniston hin sperm donon a kisem ahilouleh kibol a cha vop peh ding minu ahilouleh nungah atha lheng ding aholíin ahi. Single actress Aniston, Brad Pitt toh 2005 kum'a akikhen jou lhon'a pat Hollywood actor ijat ham khat toh kilungset na hin neinu hi tuchan'in ajiding ahilouleh ahinkho-a akichen piding pasal ahol jing nalaiyin ahin amahin kichenpi ding adeitah le alung deitah munai hih jongleh tutu hin cha anei nomíin chujong leh adei lheh in ahi.
Hiche American beauty nuhin lha ijat hamkhat tobang hi numei dang amacha vop ding hatah in ahol lele in ahi tin Grazia magazine thulhut chun aseiyin ahi 'Hiti hin Aniston'in amatha lhenga chavop ding hol jong leh jinei nom lou ahipoi perfect gug ahol jing ahi. Ahin amahin lungpi aken ahi. Iti ham khat'a atha lheng ding tukum'a amu leh kum kit'a Mr Righ akimutopi leh amaho hi insung lhungsa khat hithei dingu ahiî tin thulhut chun aseiyin ahi.
'Jennifer hin tu lha ijat ham khat hi amatha lhenga naovop ding hatah a anahol ahin chuleh hiche thu hi moh hilouvin agel thupi lheh in ahi. Chujong leh lunglutna neitah in asei jing in ahi' tin thulhut chun aseibe in ahi. Kum 41 a tah actress nuhi ama chavop peh thei ding numei ijat ham khat tojong kimuto na anei uve tin jong akiseiyin ahi. 'Aniston hin private meeting anaovop peh ding thanom hotoh aneijingíe, chuleh kahet dan uvin amahin mini alheng doh-e' tin thulhut chun aseiyin ahi.
